.. وشوشة

[ناديه المطيري]

مريت في بالك وطن /حلم وأشعار=وانت توطّن غربتك في سنيني
فتحت لك صدر الغلا غيم وامطار=وانت الظما ترسم جفافه بديني

[ناديه المطيري]

ياكثر هالحِزْنِ في قلبي /// أسهرني الليل وابكاني

[ناديه المطيري]

أنا نبذةٌ مختصرةٌ في كُتبِ تاريخِ الحزْنِ
"ذاتٌ" مهشّمةٌ ,, أيْنما أُولّي "روحي" يُباغتني الخذلانُ
كثيراً ما أتساءلُ " مِنْ أيِّ طينٍ خُلقتْ؟ لأبدو طيبة هكذا كـ هيئةِ سذاجةٍ
أعلمُ أنّي أتوقُ للكمالِ وإِنْ لَمْ أُحْكم التشبث بهِ
برغمِ مايجرّهُ عليْ من اشتباكاتِ بينَ عاطفتي وعقلي
لا أعلمُ كيفَ أكونُ سعيدة وأنا أبْكي
وكأنّ البكاء قدرٌ يلتهمني كلّ ثانيةٍ



تعبت من الحنان اللي سكن في قلبي الطيب / / ياقلبي ليه ماتصبح حقير ؟ تعيش صدقني

.


.

[ناديه المطيري]

ليه المسافة بيننا كلها اشواك؟!=ليه الجفا يرسم ملامح سرابك؟!
ليه الوصل لو يفتح اليوم شبّاك=طارت عصافيرٍ بكت في غيابك؟!

.


.

[ناديه المطيري]

تدري وش اللي هزّني الليلة وجيت /// إن المسا بارد وحضنك دفايا

.


.

[ناديه المطيري]

بلّيت ريق الفرح ليلة / / / والحزن ظامي على شفاهي

.


.

[ناديه المطيري]

يرتّب كل مافيني من احساسٍ تبعثر به
ـــــــــــــــــــــــــ واذا رتّبت احساسي يجي ويبعثره ثاني

.


.

[ناديه المطيري]

http://i5.photobucket.com/albums/y193/abdullaziz/mosabaqa.jpg




تفاصيل البراءة






يِمرْ الما على شفاهْ اليباسْ وينبت / النّسرين=وامُر البالْ/ باحْلامه غديرْ وغيمةٍ خَجْلَهْ

أَفِكْ ازْرارَها يِتْلَعْثَمْ بْهذا الخجل ( تشرين)=أَفزّز من عصافير الحكي عصفورهْ لْأَجْلَهْ

أسولِفْلَهْ عن أحْلامي عن احْزاني عن الـ / تّكوين=عن أوّل دمعةٍ هزّت عُيوني وِحْدَرَتْ عَجْلَهْ

أَشَكّلْ من تراتيل الغلا / معزوفة التّلوين=ألوّن في شَغَبْ طفله /أَضِجْ احساسْ من أَجْلَهْ

تعال بْشرفةْ ضْلوعي/ تعال وْطَيّرْ التّخْمين=وِخَلّكْ جانبي مِثْلَ الفَرَحْ تَعْويذَهْ بْـ حِجْلَهْ

تعالْ وْشاغب احْساسي ولاتسأَلْ / مِدانا وين؟=مَـ دام الطّهْر يِتْمَرْجَحْ ما بين ظْروفِنا الوَجْلَهْ

تعالْ الطّفل واجيلِكْ براءهْ تِسْتِفِزْ الطّين =تعال وْغَمّضْ عيوني وِغرّقني كما / دِجْلَهْ

وِتِسْأَلْ :مين انا ؟ ..واضْحك : تِصدّق ماعرفتك مين!!=وتضحك / تفتح عيوني :أحبك موت يا ( نَجْلَهْ )

تِوَحّشْتْ التّفاصيل الصّغيرة بيننا الاثنين=تعال امْلا تفاصيلي / حكايا معشبة هَجْلَهْ

تعال انبتْ على شفاه اليباس وعلّم النّسْرين=بِأَنْ الصّدق بِعْيونك / قميصْ الغيم / يُنسَجْ لَهْ











كُتبت في نوفمبر 2008

نُشرت في مجلة فواصل ,, عدد ديسمبر 2008
.

.

.


.



.
.