.. وشوشة

[ناديه المطيري]

كل حزنٍ بصدري مايجيه الرقاد=فزّز نعاس [ جرح ] مانويت اسهره
كيف ألوم السواقي لو تخون الحصاد=دام حظي غصون يابسه مغبره
كيف أضمّك لصدري وانت نصفك رماد!!=خوف أضمك تجيه الريح وتْبعثره

[ناديه المطيري]

يكفي تعال وطيّر الوصل أسراب=بفتح شبابيك اللقا / والمحبة
من قبل يتيبّس غصن في صدر " آب "=إفتح صدر " آذار " بخوض غبّه

[ناديه المطيري]

ينفيني الليل وافتح للصِّبِحْ بابي=ويسكّر الباب في وجهي وينفيني
من وين مالَد حزني طارت اسرابي=مابين وجه الغياب ووجه يبكيني
لو الحكايه مجرد حلم يرقا بي=ماكان طلت السحاب المرتوي فيني
حتى الظما لو يمل اليوم بشعابي=لا فج صدر الغمام الممطر بعيني

[ناديه المطيري]

يا حمامة حطّت بصدر الاماني=كلما ناحت على غصني بكيت
تفرد جْناحينها بين المحاني=واتوجّد بين ( ليه ) وبين ( ليت )
بين بحة ناي واحزان ومواني=أتخايلها ترفرف لا سهيت
واتذكّر كيف خطواتي تعاني=لاانْكسر دربٍ تحدّيته وجيت
وان تذكّرت المدى صبح وأغاني=جتني الضيقة ليا منّي نسيت
وان سهرتك بين تكّات الثواني=ينكسر حلمي ليا منّي غفيت

[ناديه المطيري]

جف المدى والدرب مابلل الريق / / / ماغير يثني خطوتي عن مداها

[ناديه المطيري]

حين كتبتها سابقاً كانت 6 أبيات لكنني أرتأيت نشر أول 3 أبيات لأنها الأفضل
ولا مناص من عرض بقية الأبيات لربما راقت للبعض حتى لو لم ترق لي كثيراً




ماجيت أنا استجدي الرجا حفنة أحلام=جيت أبذر أحلام الرجا في يدينه
ماجيت أنا اتسنبل حكايات وأوهام =جيت السهر والأغنيات الحزينة
ماجيت أقبّل وجنة الليل لانام=جيت أهدي الصبح الطري ياسمينه
جيت أرمي بْكفوف التعب باقي الايام=يمكن ألاقي راحتي في سنينه
جيت أحصد الخيبة عن جروحي العام=واعلّم الفلاّح ..وجه المدينة
جيت أزرع الفكرة على أرض الالهام=زوّادتي حزن وحكايا دفينة

[ناديه المطيري]

تخيّل لو نسيتك يوم تذكرني؟=أو إنّك تطوي هذا الحب وكْتابه
تخيّل لو أجف بيوم تمطرني ؟=بلل ,,واتمرّغ بقلبك وبشعابه

[ناديه المطيري]

أنا اللي لوّن أطرافه ضوا واستاحش الديجور=أنا اللي يسكن ضلوعه وطن ويعيش في غربه
أنا اللي بلّل احساسه بقايا هالمطر والبور=أنا اللي يسكنه كل التناقض .. وامشي بدربه