[ .. غـن لا ضاقت عليك الوسيعه غـن .. ] .. !!

[بثينة محمد]

ألا يا وقت وين الي على بالي يجي و يروح ..

هذاك الي ملك قلبي و تفكيري و وجداني ..

أحبه و الأمل باني في قلبي من غلاه صروح ..

حبيبي لو يمر طيفه يبدد ماضي احزاني ..


.......................................

إلا الشديد القوي يردني عنك .....

[صالح العرجان]

عليـه لبـس ٍ يجمـع الوسـع والضـوق
موسـع ٍ بعضـه .. وبعـضـه مـضـوق


مــر .. وتـعـدا مـابـدا مـنـه مـنـطـوق
الا انـــه بـجـيـش الـمـفـاتـن مــطــوق


خلاني امشي واقضـب الـدرب واتـوق
مـانــي بـتـايـق عـقــل لـكــن مــتــوق


تقووول مرمي ٍ على الارض من فوق
والا مــن الـسـم ﴿السقـطـري﴾ مــذوق


يغفـى عـلـي شــوي وشــوي ٍ افــوق
واقـــول لاستيـقـضـت والــبــال روق


مــدام لامـعـوق والا صـايـبـه عـــوق
وررررراه يمشي مثل مشـي المعـوق


اللي على حاله خطر مـن هـل السـوق
مـفـروض يمـنـع مـايــروح يـتـسـوق




http://ro7elb7r.jeeran.com/ثَغْرٍ%20الوٍُرٍٍدِ.gif

[منتهى القريش]

للحين!
شالوا احتمالات الهوى
واقفوا
ما عودوا للحين

تناسوا
وعودن لا طرت
في القلب غصه
كنها .. طاري البين

قلتي
تتوبي م الهوى
وتتعوذي منهم
شياطين

مو طبع الجفا فيهم؟
تبت أياديهم
أما الوفا
في خاطري
كان تخمين

[محمد الغشام]

:


لا تسألي يا عصافير الفجر عنها
________خلي دريشة لقانا وإرحلي عني
هي في يدين الريـاض اليوم لكنها
________في داخلي وهذا هو اللي مجنني* ...*

[باتل عبدالعزيز]

ازرع نصوصي قمح .. لكن ... ما انتظر يوم الحصاد
لو عاتبوني .. في ضياع القمح .. ناسٍ من هلي

للطير .. تاكل من سنابل قمحي .. بيوتٍ جداد
تسقيه روحٍ ... نبعها ... لا زاد نزفه ... يمتلي

مدري ... نطقت الشعر ... آهة جوع .... في سن المهاد
والا .. لقيته يوم .... نابت .... في حديقة منزلي !!

[سعـد الوهابي]

على ذكر السفر والبعد والفرقا =تفتق خاطري عن سره وجرحه
وذكرتك عبرةٍ بي تنزل وترقا = ونسيت العمر كله أنسه وفرحه


احتراماتي


سعـد

[بثينة محمد]

يا صديقي يا رفيقي .. ابعد ابعد عن الهم ..

هيا نلعب .. جرب حاول .. ابعد ابعد عن الغم :)

[سعيد الموسى]

شبيه الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبيه الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي

شبيه الريح
أنا مقدر أكدر صفوك العاصف
شبيه الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبيه الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبيه الريح وش باقي ؟!

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبيه الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبيه الريح
أنا ودي أكدر صفوك العاصف
شبيه الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبيه الريح
كيف أسألك : وش باقي ؟
وأنا الباقي من إحساسي
ذرته الريح

.

[ عبدالرحمن مساعد ]