[ .. غـن لا ضاقت عليك الوسيعه غـن .. ] .. !!

[صالح العرجان]

حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه



حاولت .. لكن المحاصيل هيّ هـيّ
الطير طـار ولا بقـى الا شجرتـه



وقفّت اشوف شويّ واغمّض شـويّ
واللي انكسر في خاطـري ماجبرتـه



لين الحقت شمسي على بارد الفـيّ
وشفت ان كل اللي جمعته خسرتـه



من كثر ماعزيت ريقي عـن المـيّ
ملّ الصبر من كثر صبـر ٍ صبرتـه



كم هقوة ٍ ضاعت على سكـة الغـيّ
وكم حلم فـ ( تراب ) الحقيقه قبرتـه



واقف .. وطعنات الزمن كلهـا فـيّ
وساقي لو انه كلّ منـي / كسرتـه



بعد ماعاش اليأس في احساسي الحيّ
اخوي .. لو هو صد عنـي عذرتـه



مدري عن اللي كنت احسبه بقى ليّ
اللي حزمت ابه الضلـوع وذكرتـه



اللي طوى حالي بحكم الهـوى طـيّ
قصّر .. وانا كل الطريق اختصرتـه



ماهو خطا لاقلت ( تآمر على شيّ )
الا الخطا .. لا اشتقت له وانتظرته ،، !!

[فيصل الحلبوص]

دنيت لك من خافقي نجرً يصوت لك تعال
............. النجر شعري والمشاعر موقدً لك نارها

[سعـد السعـيـدي]

حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه



حاولت .. لكن المحاصيل هيّ هـيّ
الطير طـار ولا بقـى الا شجرتـه



وقفّت اشوف شويّ واغمّض شـويّ
واللي انكسر في خاطـري ماجبرتـه



لين الحقت شمسي على بارد الفـيّ
وشفت ان كل اللي جمعته خسرتـه



من كثر ماعزيت ريقي عـن المـيّ
ملّ الصبر من كثر صبـر ٍ صبرتـه



كم هقوة ٍ ضاعت على سكـة الغـيّ
وكم حلم فـ ( تراب ) الحقيقه قبرتـه



واقف .. وطعنات الزمن كلهـا فـيّ
وساقي لو انه كلّ منـي / كسرتـه



بعد ماعاش اليأس في احساسي الحيّ
اخوي .. لو هو صد عنـي عذرتـه



مدري عن اللي كنت احسبه بقى ليّ
اللي حزمت ابه الضلـوع وذكرتـه



اللي طوى حالي بحكم الهـوى طـيّ
قصّر .. وانا كل الطريق اختصرتـه



ماهو خطا لاقلت ( تآمر على شيّ )
الا الخطا .. لا اشتقت له وانتظرته ،، !!







:
يـااااا الله يا صالح..!!

والله لك ذائِقة..(مخمليّة)

أهنيك عليها :)

[نواف التركي]

اضحك يصير الحزن عـاده قديمـه
ماتطري الا مثـل مايطـري العيـد
اضحك تصير اقبح همومي وسيمـه
وابخل يدين الوقت فزعات اجاويـد
لاتخفت الضحكـه تراهـا حشيمـه
في شالها غيمـه تلـوح لهالبيـد
محتاج لي فرحـه تعـادل هزيمـه
محتاج لي خطوه تمرد على القيـد
كم لي مقيـم وهالموانـي مقيمـه
والبحر ماينقـص ولااظنـه يزيـد
حلمي وحلمك مثـل عقـد ويتيمـه
مايلتقـون الا بشوفـه مـن بعيـد
مابيدهـا تختـار للعقـد قيـمـه
ولابيـد العقـد يختـار لـه جيـد
اضحك وخل الحزن يندب هشيمـه
ماعمر يابس يرجع اخضر من اجديد
لك ضحكة ٍ مثلك .. ذرابه وشيمـه
دايم تجينـي فـي زحـام التناهيـد
ياما سرينا الليـل كـاس ونديمـه
اجرهـا مـن يـد وتجرنـي بيـد
نجلـس بريـح ماتبشـر بغيـمـه
نقطف مواعيد ٍ .. ونغرف مواعيـد


لـ مهدي بن سعيد

[ضحى الوابلي]

بس ماخذت من صمتي نهاية مطاف=دمي أخضر ..ورماي القفا مايصوب

ترعد اقلوبهم – لكن مطرها جفـاف=وش يميت القلوب الا جفاف القلوب

من يصدق ؟ نهر يغتال حلم الضفاف=بين جزر الشمال وبين مد الجنـوب

ماهقبت أن في عشق الرمال انحراف=لين خانتني الخطوة ..وخنت الدروب

بعدها صرت " للصفين" معنى وقاف=وابتسامة على ثغر المواجع تـذوب

الاماني / سنابل ينتظرهـا القطـاف=والمواسم / تعاني جوع كل الشعوب

[محمد الغشام]

,

,

ويِن أغنّي
لا نويت ارحل من الدنيا تعب
واتلحف تعب
لا نويت ا قوم
هدني واعلن غضب
يمكن على هذا الغضب اقول
اقول ..؟
شـ قول..؟
خلني على بعضي كذا
أتلحَف تعب وانام

[سكون]

يااقــو قلـبـك عـلى الـصـدة ويــا صـبـرك
ويا وسع صدري على صدك ويا صبري
و يــا طـول عمرك بــذاكرتي و يا كبرك
و يـا شيب عيني بشيب و عــاد ذا كبري
و الله لو إن حمل صبري فوقك إن تبرك
و الله ولــو تـعـتـذر مـنـت بـعـلى خــبري
إن ما جبرك الغلا ما اقدر على جـــبـرك
ياللي على ارض الوفـا ما شبرك بشبري
امـــــحق وليف ومحبه والا اقــول ابـرك
حسبي عـليـك اعشقك وانت اتحفر قبري

محمد بن فطيس

[بتال الشريف]

تراك أنت الوحيد اللي غلاه الزاد لي والقوت =تعال انفض غبار الشوق عني يابعد حالي
حياة القلب وايامه يهددها الفنا والفوت=والا مني ذكرتك يارفيقي زانت أحوالي