سيمفونِيّة مَطَرْ

[سعيد الموسى]

مابين رسمِك
إلى رمشِك !
ألوان
ماهي بزيتيّه !
تشكيّل
من غيمتين وما !
مستخلص الريف
وامطاره !
ـــ من أسفل الخدّ
للحاجب !
يتوزع اللون
[ للطيفي ] !
من أول الثغر
للآخر
يتمايل اللون
[ للجمري ] !
أول جبينك
ومايحوي !
يتحوّل اللون
[ للغيمي ] !
.
.
الرسم ياحلوتي
مبدا !
سبحان من صوّرِك
أنثى !

[سعيد الموسى]

كئيّبه جداً
البسمه !
كئيبّه ياخي الراحه !
إحس إن الزمن
ساخر !
وينجب فقره العاقر !
أنا أسمع في مدارسنا !
طموحك يابطل
وشهو ؟
وأقول بتعتعه : ضابط !
ونفس السخريه تُسأل
لـ طفل ٍ ساذج ٍ
آخر !
[ طموحك يابطل وشهو ] ؟
ويحلم إنه [ مهندس ] !
كبرنا يامدارسنا !
كبرنا يامبادئنا !
وأصبح حلمنا [ عاقر ] !
ومرتّد
وبعد كافر !
وكان الحكم [ تعزيراً ]
ملف أخضر
ورق أسود !
وصوره أنجبت شاعر !
يناظرها وهو يسأل
[ طموحك ياوطن وشهو ] ؟
يجاوبه الصدى : باكر !
يمر باكر وهو ينشد !
[ طموحك ياوطن وشهو ] ؟
يجاوبه الصدى باكر !
وباكر مرّ
من عمره !
وهو للحين ماجاوب !
بعد خمسة سنين وشهر !
وهو يتأمل الصوره !
يطيح الدمع من عينه
وجاوبه الصدى
[ شاطر ] !
.

[سعيد الموسى]

كوني إنت ِ ...
قبل ماكانك وكنتي !
كوني إنت ِ
فالمرايا .... فالزوايا !
في وجوه العابرين !
في جفاف الحاجبين !
كوني إنت ِ
في غيابك !
فـ إبتسامة طفل
عابر !
في حكايا طير
عابر !
في تفاصيل
الزهر ....
في بدايات
الفجر !
كوني أجمل
من كذب !
كوني أسوء
من عتب !
كوني الــ لاء
ونعم !
كوني الواقع !
وهم !
لاتكوني ....
بسّ فكره !
كوني الفكره لبكره !
.
.
باإختصار
وماأريده
لا تكونين
القصيده
.
.
دايم الجمهور أعمى !
ـ يحفظ الأبيات
لكن !
ماعرف
من هو
كتبـــــــها !

[سعيد الموسى]

كل مالاقيـــل عنها !
ــــــــ يتشكّل بـــ الرسم !
إمسك الريشه
ودندن !
أبيضٍ وأحمر !
و مائي !
كل ماترمش ...
تغنّي !
ويتغنى ألف نورس !
كل ماقلت الحكي ...
فزّ الحكي !
سطره الوادي
وشطره : دندنه !
صدره الريحان !
عجزه / سنبله !
كل مالا قيــــــــــل
عنها !
ــــــ طفلة ٍ
تسبق زمنها !

[سعيد الموسى]

http://a1.sphotos.ak.fbcdn.net/hphotos-ak-ash4/308937_290176631005193_100000385745175_964693_1472 776418_n.jpg

لأول مرّه !
إتصّدق ؟
أشوفك !
بسّ
ماأرجف !
لأول مرّه
آحسك !
بدون أستمطر
اللهفه !
أنا هاليوم
ماشفتك !
أبد هاليوم
ماشفتك !
رجعت الحين
وش جابك ؟
فمان الله ....
لاترجع !

[سعيد الموسى]

نبتت مابين يداي قصيده !
فقطفها الوطن ...
وأكلها الطير !
وتقيأها ذئب ٌ طيّب !
ومازالت القصيدة حرّه !

[سعيد الموسى]

http://blog.mlive.com/newsnow_impact/2008/11/large_barney***.jpg

كلب الباشا
.... هادئ جداً
كلب الباشا
.... ماهو عادي !
كلب مرتّب !
واعي جداً !
ياكل أكله
بالسكيّن !
طبعاً ماهو كلب
وبس !
هذا كلب برتبة
[ نون ] !
يعني سعره
[ كم مليون ] !
يعني يسوى
كل الشعب !
كلب الباشا ياأخواني
كلب إنساني ..
ــــــ جداً جدا ً !
من شدة عطفه
عالناس !
ياكل بعض
عظام الشعب !
ماهو جوع
.. ولاهي سمنه !
لكن فعلاً عنده مبدأ !
[ يحب يشارك همّ الناس ]
هذا الكلب الفاضل
ثروه !
لازم نبني له
ثمثال !
حبوا كلب الباشا
فضلاً
كلب إنساني !
إبن الكلللللب !

[سعيد الموسى]

http://www.shathaaya.com/vb/images/bullet.gif
ـــــــــ
http://www.shathaaya.com/vb/images/bullet.gif
هذا الخد النابت
ورد !
هذا الجفن الناعس
فُل !
هذا الطول
وهذا القدّ !
يشبه غصن بكفّه طير !
طيّرٍ فوق ثمار اللوز !
أيّة لوز ! ؟
أحلى لوز !
هذي العين اللا عاديّه !
تنبت ضي
وتشرق فيّ !
هذا الفمّ ... الخاتم
سحري !
جمر
وثلج
وبرٍ بحري !
هذا الوصف
اللا معقول !
أدنى
من وصف المجهول
يعني بعده
لو شافوك ِ !
ماني ياغيمه
مسوؤل !
http://www.shathaaya.com/vb/images/bullet.gif
ــــــــــ
http://www.shathaaya.com/vb/images/bullet.gif
خبّي نفسك
تحت الريشه !
فوق اللون !
ــ أو مادون !
بين الشِعر !
ـــ قبل الشطر !
ماني ياحلوه مسؤول !