سيمفونِيّة مَطَرْ

[سعيد الموسى]

أنا آسف
..جرحتك !
والحزن يجرح !
أنا آسف ومتندم
على كل شيء!
تشيليني بنون
العين !
وانا
أهدي لك الدمعه !
أنا والله متأسف!
أنا آسف .. أنا آسف !

[سعيد الموسى]

قلت لي والطيب باقي ؟
قلت لك
.. مثل العشم !
قلت لي والجرح
كيفه؟
قلت هو بالصدر
.. ضيفه !
وإنت خابر
.. صدر مؤمن !
ليش تسأل؟
باقي واقف
بس تطمن!

[سعيد الموسى]

وتمرني
.. مثل المطر !
تتساقط اللهفه
رذاذ !
وآضم طيفك
للحكي !
الله يا حلووو الكلام !
ماتشبهين الا الغمام !
يامجمّعه سرب الحمام

[سعيد الموسى]

ساعديني ..
كيف أحبك
حبٍ يوازي يدي؟
علميني
ليش صدري لالمستيه
... إرتبك !
يااااااه
يابنت الغمام!
فيك..
يا حلو الكلام !
إنتي أجمل
إنتي أكمَل

[سعيد الموسى]

لاتلومه..
إنت ماجربت
( جرحه)!
هذا كاسه
.. إنت ماجربت
( نصفه ) !
ذنبه إنه كان يعشق !
كان يحلم !
كان طيّب !
حتى فارق ( نص روحه) !
لاتلومه!

[سعيد الموسى]

ماتقول الناس ( مبدأ ) ؟
وإن هذا الكون ( فكره )؟
جيت شايل عقل
طيّب!
وخمسة أوراق
وقلم !
لكن إني مافهمت !
صح ذولا الناس
مبدأ؟
أو هم أوجاعٍ
ومنفى؟

[سعيد الموسى]

من تراب ...
الى التراب !
يابشر جداً
ضعيف !
منت مخلوق
ب سحاب !
إنت نطفه...من منّي !
لاتكبر
لاتعجرف
لا تعالى !
الله أكبر
والله أعظم
وانت اصغر!

[سعيد الموسى]

آه
لو الوقت ... يرجع للورى !
وأرجع الطفل البريء
... الفوضوي !
شف كبرت
وحولي أصحاب
وعدا !
عكس أول
تدوي ضحكاتي
دوي !