سيمفونِيّة مَطَرْ

[سعيد الموسى]

عالكلام " الفضّ "
غُضّ !
وأمسك يدينك .. وأمِضّ !
مشكلتك ..
اللي قْتلتكْ !
مايناسبك الحرير ..
ولا يناسبك الحصير !
_____
ماتناسبك الصدور
اللي تشبه للقبور !
مايناسبك الكلام !
لا غدا حرب وحطام ..
وكان تجريح وخصام !
.
.
مايناسبك الغباء ..
ولا ظلام الأذكياء
او سواليف الرياء !
.
.
مشكلة هالوعي أكبر ..
من قلم سائل ودفتر !
من هو اللي يسمعك ؟
فهّم اللي يقرأك !
.
.
_______
الحكي ضايع : متى ؟
يوم يصبح للملاَ !
يوم تحكي ل أغبيا
عن مدى غير المدى !
______

يا ثقافه : مـ انتي آفه !
ولا بعد .. كنتي
حسافه !
لو تحدّثتي : بلطافه !
مشكلة خلخال
ساقك ..
جمّلك : ويقلدونك
ثم ينتقدوا / عيونك !
.
.
ماكُتِب أعلاه / أعظم !
من فتاه بظِفر أبكم !

[سعيد الموسى]

يقولون .. الزمن راشي
وجوه الناس
مُرتشيِه !
وانا فمّي ، وهو فمّي !
عليّ أحياناً " الظالم "
وفي ايديني
سواد أبيض ..
يكون أضيَق ، يكون أعرَض !
يكون أفسَح !
يكون أجرَح !
يكون " أطيَب "
يكون " أخيَب "
تصير وجايز الخذلان !
مهو ثارك مع الأزمان !
غلط " غلطان "
يكون أحيان مع نفسك !
يكون أحيان من " حسّك "
غلطك
إنك تكون إنسان !
وهذا المجتمع
" ........... "

[سعيد الموسى]

لو إنِك حرف جاء عابر !
__ كتبتك نصّ تفعيله !
على نقدك بعَد شاكر !
__ وصدري قادر يْعِيله !

[سعيد الموسى]

ياليتني إنسان دون أيّ مبدأ
__ عشان يمكن فالظلام آتعايش !
تعبت أدور عن صدر فيه أهدأ
__ تعبت أصك الباب وأفتح درايش !

[سعيد الموسى]

مايغرِي الصبح .. لاوالله
__ لو ماحمَل عطِرك لصدري
الله وهبك الحلا .. كلّه !
__ وانا وهبتك بعض شِعري !

•
•
لاتقطفي الورد ..
وتعدّين !
يحبني ؟
ما درى عنّي ؟
كل شي لمستيه له إيدين !
بيجاوبك إيه .. ويغنّي !
الأرض تدري .. وماتدرين ؟
وش قد هالظن متجنّي !

[سعيد الموسى]

ماكِنت ناقص ضيِق ..
والحكي يوجعني
فيني جبال طويق
وأزريت تعذرني !

[سعيد الموسى]

من مرتاح لكونه ...شاعر !؟
__ ماهو صح ...أبداً مو صح!
بعض احساس الكلمه.. فاجر!
__ هذا الشعر أحياناً... جرح!

[سعيد الموسى]

قالها البدر :

https://youtu.be/SYbiD3sLasM

ومن يكتبنا مثل البدر