أجنحة وأغاني

[مشعل فايح]

نفس الغريب اللي تركته والرصيف
دافي وصيف.
نفس الغريب اللي يتمنى ضحكة احبابه
حنين..
ذكرى السنين..
وحدى على اعتاب الضما.. روحي سما
وهمومي مجرات.
نفس الغريب.. استجمع الفرحة واذوب
مثل ارتجاف السكر بشفة تعب.
وقهوة يشاركها الحبيب. بسمة حبيب
لكن افزّ من آخر الفنجان.. غربة
والشعر قربة .. حروفه من يباس
نفس الغريب ومعطف أكتافه أمل
وأحبابه بعاد.. وسواد الليل طافه
والنهار صيف.. على نفس الرصيف
اللي ابتدا منه غريب
وكل ما زاره غريب
نفس الغريب

[مشعل فايح]

اشمّك.. ريحة الغربة
واداري الخوف
يذوب بصدري الماضي
وفنجاني عيون أحباب
ووجداني فُتات حروف.
وأداري الخوف
عبث هذا الشعور الما
على قباب المظلات العتيقة
وريحتك غربة وبرد
واضمّ احساسي لجسمي
وينبت في ضلوعي صوف

اشوفك من بعيييييد..
الظفاير.. سطوة المعطف
كتاب.. او.. هي ملفات السنين
اللي مضت.
بعيييد المشهد.. وانتي.. وأهلي

غربة.. غربة اشلون الزمن
يوقف كثير بوحدتك
ويكبلك.. ملهوف.
وخوف.. من العطر ومن النظر
والبوح..

بيني وبينك.. محطة.. شارع
طيفك يوقّف هناك.
يشتري ماي وجريدة
واشتري لهفة جديدة
والكفوف قهوة وبرد ودخان
ويتحرك الشارع قطار
ويحجبك.
مدري بقيت بقهوة الحيّ
أو رحلت طيوف
انا باقي
حنين ولهفة وغربة وقهوة
والحكاية.. خوف

[مشعل فايح]

الثالثة والثلث.
بعد زيارة بعض الاصدقاء يبدو
النبض مرتبكاً جراء الكافيين.

ربما بسبب برودة الجو.
وربما الروح
هل قلت ربما.؟

ما زلت امرر انفاسي وتنبت
المسافة عقد الماس.

ويذوب الفقد رويداً رويداً.

كأني سمعت احدهم يشجب
السنين الي مرت عليه بهم

على الضفة الأخرى يبتسم
رغم احتضار الفضاء والأجنحة

يتمرد السهد وتهرب حمامة نعاس
من عينه.
كل شيء يتحدث عن اعاصير في
غير مواسمها.

اتنفس وحدتي بعدهم. ازفر الغيم
اتمدد في فضاء قريب واحلق

[مشعل فايح]

ظروف مناخية

احياناً تبحث عن شي ابعد في رحلتك بين الحروف
تبحث عن وطن لحروفك عن افق.. لا يهم ما تطأه
ولا ما تجدّف به من هواء المهم ان تكون انت باق
لتحلق في حين ان كل شيء يحاول الميل بك ان
عجز ان يمارس قوانين الطبيعة تطبيقاً عليك.


ولاء

الروح وطن سكانه الحزن لا يمكن ان يرمي بهم لمنفى
ولا ان يجامل بهم جبروت المخلوقات الأخرى.


في الحديقة

حبوب اللقاح المتطايرة في فصلها قد تسبب حساسيه
مؤقتة لكنها لاتؤذي.



استشر طبيبك

عندما يمرّ بي نشاز ما. استمع الى صوت عقلي فحسب.

[مشعل فايح]

استنزاف
في السنين
عمرك لهذا التراب
وكل درب اتمر به
وكل حرف تكتبه
تمضي ويبقى سراب
استنزاف
فسيرة الاحباب
كل الاحباب الحكايات القدام
لعبة النور والظلام
قصة الضحكة على شفاه الصغار
تبرد بوجه الكبار
استنزاف
في الرحيل والبقا
ترحل بلاد وعباد
ويبقى:
اثر جرح
ويهرب:
الجلاد
والحلم اللقا
استنزاف
في الطقوس
الوجوه اشباه
لكن في العبوس
الليال البرد
والصبح احتراق
في الهشيم من النفوس
استنزاف
كل شي نستنزفه
من الجذور الضاربة في الرمل
لسنين الجفاف
وما نخاف
استنزاف

[مشعل فايح]

نظرة اللطف هذي.. وش لها فيني
من تعنّقت هالدنيا وانا لحالي
بارد الليل.. والذكرى.. ورجليني
والألم نار.. و الموقد بموالي
ليه طيفك.. بعثراتي يعزيني
ليه جاني وانا عن جيته سالي
ما بكيتي لحبي ليه تبكيني
وما ضحكتي لفرحي يوم انا غالي
بعدك الليل عن فجري ينحّيني
وقبلك الفجر ليلٍ طاح من بالي
ايه انا طحت.. بعيونك تشوفيني
وابيض الشاش يكتب لي ويقرالي
بس واللي تفرّد بك بضلعيني
موتي بوحدتي اريح واحلى لي
تسأليني وش اللي صار يا عيني
الخطوب كسرت نصفي وآمالي
يوم كثرت على صدري سكاكيني
حنّ قلبك ولان وقرر وصالي
نظرة العطف منّك وش تبي فيني
من ثلاثين عامٍ عايش لحالي

[مشعل فايح]

لخضر الغصون المورقة ألف عصفور
وانا لعصفوري مكاسر يباسي
عن كل صبحٍ راح.. ماني بمعذور
وعن كل ليلٍ جنّ عذرٍ لقاسي
يا هيه أحبك تشعل الحلم بلّور
بسّ العتب كلّه على الصعب راسي
وش لون اخونك غصن وأوفي لك جذور
وفا المراكب لو تخون المراسي
يا الشارد بصدري تباشير ونذور
قرّب بشوفك زين بعد المآسي
تمشي بدربي رجلك جروح وكسور
وتوصل وانا الشاهي تخمّر بكاسي
عشرين عام ودربي عثور بعثور
ملّ الطريق وملّوا دواي ناسي
تعال.. قبل الموعد بصدر مهجور
محتاج بك ضيي وماي ونعاسي
لصفر المكاسر.. الف فاسٍ وعصفور
طارت.. وباقي بين الاضلاع فاسي

[مشعل فايح]

غيبتك دمع الحناجر
وسكين العروق