أجنحة وأغاني

[مشعل فايح]

ش اللي انسرق
كنز البحور السبع.. او حفنة ورق.!

ش اللي احترق
مجداف.. صاري.. او شراع..
او جبهة البحّار .. او قطرة عرق.

ش اللي يصير..!!؟!!
انا ما كبرت بهالبحور..
بس الليالي ملح.. وايامي صخور..
وعقارب الساعة طحالب ما تدور..

انا ما غرقت..
ما غرقت..
باقي على كل اتجاهات السنين

ما غرقت.. لـ اني الغرق.

[مشعل فايح]

محبوس في مركب خشب
مغروس في في قلب البحر
انت البحر
وأنا من أنا.
ماني السجين. قصة على
موجة جبين.
طل الحزن والذكريات
من يعرف الموجة على وين
وأنا وين. وين
قلبك وسط هذا الزحام والسجن
وأنا الشجن
إلي ملإ قلبك ولا فاض
وأنت الرياض. إلي ملت صحرا الفرح
وأنت البياض
أرجوك لا تحتار في موج السدور
كل البحور تعشق مثل حبسك
وكل الصدور تحتاج مثل نفسك
وأنا بعد. احتاج لك

[مشعل فايح]

ما انتظرتك تمنى لي أماني
الأماني... لك انت وعيش فيها
وان ضحك سنّي بحضرة زماني
ضحكتي سرّها في ما يليها
مو عشانك.. انا اصلاً أناني
لجل دنياي ما ترفع يديها
وانت ما عدت عندي شاي ثاني
وقوة منك ما عاد ارتجيها
لا انكسر عقرب ايدك في مكاني
ولا دروبك تبيني.. ليش اجيها
وموطني لو قسا يوم ونفاني
اقطع رجولي ان زرته عليها

[مشعل فايح]

دوبك.
عطرك كذا فواح
يجرح صيام دروبك

كل الشوارع ضي
من لفتة عيونك
وكل المشاعر غي
صاروا يحبونك

لكن دخيلك دوبك

عطرك كذا فواح
يجرح صيام دروبك

انت كنت محبوبك

[مشعل فايح]

صبحك تسابيح قلب يهلل بـ وحدك
تقدر على ضحكته وبيدّك دموعه
صبحك مدى وردٍ يصلي على وجدك
العطر من بسمته والطلّ بفروعه
يا اقرب الناس حتى في سما بعدك
اجيك اشلاء .. وارجع منك مجموعة

[مشعل فايح]

البارحة.. نامت عيون المخاليق
انا على ضفة سنيني لحالي
اجمع شتات الحلم من واهج الضيق
واشتت اللي في غيابك طرالي
تدري اش طرالي.. كلما اغيب وافيق
اضيّق العقدة... وأعلق حبالي

[مشعل فايح]

انتي المدينة.. وانا التايه
في وسطك ومقدر اشوفك
متشردٍ يعزف بنايه
في ليلك وبردك وخوفك
ضوّي الشوارع ابي آيه
تمنعني ان قلت اباعوفك
لا ينتهي تيهي حكاية
وتذوب في صدري طيوفك

[مشعل فايح]

مرّ هذا الدمع.. بارد
ما قدرت اجمع من اطرافي الكلام
وكل ما في الروح شارد
ودي اقدر لأي كلمة
تسعد الما والنوارس
لو في ضلعي الف شاطي
والف غصن
والف مرسى
بس وسط البحر حارس.