لملمة شتات !

[سلطان العتيبي]

تضحك على نفسك وتعيش باحلامك = وإذا وصلت الحقيقة وقتها تصحا
مادامها خدعة .. الأيام قدامك = وتشوف كل الحكاية ( تكتب وتمحا )!!
ياحلمي العذب ليه تبيّن أوهامك = حتى بالأوهام قمت تغير المنحا!
ياليتني ماصحيت وراحت أيامك = يالذة أحلامي وحقيقة الجرحا

[سلطان العتيبي]

دامك نظر عيني ترى كلك نظر=لو تقتل أحلامي وتكسر خاطري
بعد خطاك اسابقك لاتعتذر=لأنك أغلى واحدٍ في ناظري
ابختصر معنى الهوى لك بالشجر=أنت الهوا وغصونها مشاعري

[سلطان العتيبي]

قولوا لها يا ( وشاة ) اللي تريدونه = زيدوا علي الكلام أزيد في عينها !

[سلطان العتيبي]

( مدينة الحب ) كانه ما ارتفع سورها = يزهد بها فارس الاحلام الاسطوري

[سلطان العتيبي]

اليوم صدري ضاق بافكارٍ اشتات= استرجع الماضي بكل التفاصيل
الحاضر المشلول مافيه لمحات=تعطيني آمال الليال المقابيل
يالحاضر الغايب بقلبي ملفات=تخافها _ وهي بنفسك تهاويل !_
وعدتني ماتنثني للصعوبات=لاني وعدتك بالدروب التساهيل
متى دعاك الشوق شفت العلامات=تراه همس قلوب مشتاقةٍ حيل

[سلطان العتيبي]

http://up2.m5zn.com/photo/2009/3/31/03/cwcsmme8j.jpg/jpg (http://up2.m5zn.com)

ياصاحبي (.....) بالله وش العلم=وش دبرة الطير الذي دون جنحان
قلبي يرفرف غايته يلحق الحلم=والحلم عيا لا يتشكل بالالوان
سنين عمري راحت وحاصله فلم=احداثه بلا قصة ودون عنوان

[سلطان العتيبي]

ماهي حكاية حبي الاول يعود = المشكلة يعود ذالوقت بالذات !
مدري صدف والا غرابيل مقرود = مايْعرف يعايش صراع الحضارات
هذا يعود وذاك يبدي له صدود = كن الهوى ذالوقت زام وخفارات

[سلطان العتيبي]

كن الغلا قوت الهجر والليالي = وأخاف ترجع ماتلاقي مكانك !