لملمة شتات !

[سلطان العتيبي]

هنا مكاني يو الملم شتاتي=هذي شريدة تابعتْها شريدة !
ماهي شعر ! لكنها ذكرياتي= أبيات ماتسوى تسمى قصيدة !

[سلطان العتيبي]

مامن عتب ولا تعب له طـاري
مليتي الدنيـا وشعشـع نـورك
تعالي اعلمك بعـض اخبـاري
كانك تناسيتي معـي وش دورك
على لحنك العذب اعزف اوتاري
ماعندي مراعاة غيـر شعـورك

[سلطان العتيبي]

ارخصتنا وايامنا سهود ومهود = شكراً واقدّر كشف الاوراق بدري
باكر يغيّر وقتنا اللين بالكود = ولا يغث القلب شي ٍ به ادري
ارسلت لك بيتين تلميح بحدود = و 90% كتمته بصدري
متى عرفت تميز البيض والسود = راجع سجلاتي تعلمك قدري !

[سلطان العتيبي]

ان اعجبتك القصايد فدوة عيونك=وان ماعجبتْك انظري نتيجة الهامك
ان كان بالشعر شي ٍ طاح من دونك=تذكري خضعته لاشارة ابهامك
العمر يمضي وهاتي باقي فنونك=خليني اشوفها مادمت قدامك

[سلطان العتيبي]

ان كان ماتفرق معك بغيابك=تعال قبل تروح اعلمك الخبر
اناحسابي فيك غير حسابك= ( 2 )-( 1 )= (0)

[سلطان العتيبي]

اعترف لك يوم نزف الجرح زاد بعنفوانه= ماجمعت الكلمتين ورحمة الله في دموعي
علمتْك بكل تفصيل الكلام وترجمانه= دمعتين وزفرتين ٍ وانفست منها ضلوعي
دمعة الرجال ترفع له وتدني له مكانة = ودمعتي بك خارجة عن ( عزتي وإلا خضوعي )

[سلطان العتيبي]

افتح على صفحة العشاق =مااظن ودك تلوّعني
لاتلزم الصمت ماينطاق=بالله به لاتودعني
مشتاق انا وانت لي مشتاق=مادام عينك تطالعني
اعلن لي الود والاشواق=وان خفت بشويش سمعني
عليك درب الهوى ماضاق=مايمنعك شي يمنعني
وان ما حصل تكشف الاوراق=غمزة بعينك تشجعني
وتشوف درب الهوى ينساق=يني وبينك وتتبعني
والا ترى حبنا منعاق =اسمع كلامي وطاوعني

[سلطان العتيبي]

أحيان في طاريك عطر ٍ للانفاس=يمرني طيفك معه ريحة الورد
وأحيان أحس إني بطاريك حساس=حتى وأنا بالصيف له رعشة البرد