لملمة شتات ! [الأرشيف] - منتديات أبعاد أدبية

سلطان العتيبي

09-14-2009, 01:51 AM

مامن عتب ولا تعب له طـاري
مليتي الدنيـا وشعشـع نـورك
تعالي اعلمك بعـض اخبـاري
كانك تناسيتي معـي وش دورك
على لحنك العذب اعزف اوتاري
ماعندي مراعاة غيـر شعـورك

سلطان العتيبي

09-14-2009, 01:52 AM

ارخصتنا وايامنا سهود ومهود = شكراً واقدّر كشف الاوراق بدري
باكر يغيّر وقتنا اللين بالكود = ولا يغث القلب شي ٍ به ادري
ارسلت لك بيتين تلميح بحدود = و 90% كتمته بصدري
متى عرفت تميز البيض والسود = راجع سجلاتي تعلمك قدري !

سلطان العتيبي

09-14-2009, 01:53 AM

ان اعجبتك القصايد فدوة عيونك=وان ماعجبتْك انظري نتيجة الهامك
ان كان بالشعر شي ٍ طاح من دونك=تذكري خضعته لاشارة ابهامك
العمر يمضي وهاتي باقي فنونك=خليني اشوفها مادمت قدامك

سلطان العتيبي

09-14-2009, 01:54 AM

ان كان ماتفرق معك بغيابك=تعال قبل تروح اعلمك الخبر
اناحسابي فيك غير حسابك= ( 2 )-( 1 )= (0)

سلطان العتيبي

09-14-2009, 01:55 AM

اعترف لك يوم نزف الجرح زاد بعنفوانه= ماجمعت الكلمتين ورحمة الله في دموعي
علمتْك بكل تفصيل الكلام وترجمانه= دمعتين وزفرتين ٍ وانفست منها ضلوعي
دمعة الرجال ترفع له وتدني له مكانة = ودمعتي بك خارجة عن ( عزتي وإلا خضوعي )

سلطان العتيبي

09-14-2009, 01:56 AM

افتح على صفحة العشاق =مااظن ودك تلوّعني
لاتلزم الصمت ماينطاق=بالله به لاتودعني
مشتاق انا وانت لي مشتاق=مادام عينك تطالعني
اعلن لي الود والاشواق=وان خفت بشويش سمعني
عليك درب الهوى ماضاق=مايمنعك شي يمنعني
وان ما حصل تكشف الاوراق=غمزة بعينك تشجعني
وتشوف درب الهوى ينساق=يني وبينك وتتبعني
والا ترى حبنا منعاق =اسمع كلامي وطاوعني

سلطان العتيبي

09-14-2009, 06:10 AM

أحيان في طاريك عطر ٍ للانفاس=يمرني طيفك معه ريحة الورد
وأحيان أحس إني بطاريك حساس=حتى وأنا بالصيف له رعشة البرد

سلطان العتيبي

09-15-2009, 01:51 AM

تضحك على نفسك وتعيش باحلامك = وإذا وصلت الحقيقة وقتها تصحا
مادامها خدعة .. الأيام قدامك = وتشوف كل الحكاية ( تكتب وتمحا )!!
ياحلمي العذب ليه تبيّن أوهامك = حتى بالأوهام قمت تغير المنحا!
ياليتني ماصحيت وراحت أيامك = يالذة أحلامي وحقيقة الجرحا

سلطان العتيبي

09-15-2009, 01:52 AM

دامك نظر عيني ترى كلك نظر=لو تقتل أحلامي وتكسر خاطري
بعد خطاك اسابقك لاتعتذر=لأنك أغلى واحدٍ في ناظري
ابختصر معنى الهوى لك بالشجر=أنت الهوا وغصونها مشاعري

سلطان العتيبي

09-15-2009, 01:53 AM

قولوا لها يا ( وشاة ) اللي تريدونه = زيدوا علي الكلام أزيد في عينها !

سلطان العتيبي

09-15-2009, 01:54 AM

( مدينة الحب ) كانه ما ارتفع سورها = يزهد بها فارس الاحلام الاسطوري

سلطان العتيبي

09-15-2009, 01:55 AM

اليوم صدري ضاق بافكارٍ اشتات= استرجع الماضي بكل التفاصيل
الحاضر المشلول مافيه لمحات=تعطيني آمال الليال المقابيل
يالحاضر الغايب بقلبي ملفات=تخافها _ وهي بنفسك تهاويل !_
وعدتني ماتنثني للصعوبات=لاني وعدتك بالدروب التساهيل
متى دعاك الشوق شفت العلامات=تراه همس قلوب مشتاقةٍ حيل

سلطان العتيبي

09-15-2009, 01:56 AM

http://up2.m5zn.com/photo/2009/3/31/03/cwcsmme8j.jpg/jpg (http://up2.m5zn.com)

ياصاحبي (.....) بالله وش العلم=وش دبرة الطير الذي دون جنحان
قلبي يرفرف غايته يلحق الحلم=والحلم عيا لا يتشكل بالالوان
سنين عمري راحت وحاصله فلم=احداثه بلا قصة ودون عنوان

سلطان العتيبي

09-15-2009, 01:57 AM

ماهي حكاية حبي الاول يعود = المشكلة يعود ذالوقت بالذات !
مدري صدف والا غرابيل مقرود = مايْعرف يعايش صراع الحضارات
هذا يعود وذاك يبدي له صدود = كن الهوى ذالوقت زام وخفارات

سلطان العتيبي

09-15-2009, 01:57 AM

كن الغلا قوت الهجر والليالي = وأخاف ترجع ماتلاقي مكانك !

سلطان العتيبي

09-15-2009, 01:58 AM

قلبي غلب عقلي وباسبابه اخطيت = حقك علي ..لك حق ماتسامحيني
مالي كلام يحتمل كيت ٍ وكيت = غير العذر ماعاد شي بيديني

سلطان العتيبي

09-15-2009, 01:59 AM

مشكلتك تعدني سياسي وداهية = وان الكلام الذي ( تستاهل ) انمقه !
وهو حقيقة بعض مشاعرٍ خافية = وشلون ابقدر على باقيه وتصدقه !

سلطان العتيبي

09-15-2009, 01:59 AM

غنيت لك وانا ما اعرف الاغاني = وياما طلبتيني أغني وعييت
مدري وش اللي للاغاني حداني = الظاهر اني منهبل يوم غنيت
غير الاغاني .. لو جرحت المحاني ! = عديه طور هبال حتى لو اخطيت

سلطان العتيبي

09-15-2009, 02:00 AM

ياكبرها .. كان تفكيرك = اهمشك لو تهمشني
لو قلت ابقبل معاذيرك = كنك مع العين تنهشني

سلطان العتيبي

09-15-2009, 08:46 PM

يقولون والعهدة على اللي يقولون = على قدر ماكَبْر الغلا تصغر الزلة
وانا أقول ياستار ماشفت ذاللون = لعلل الخلل بالقول ..مابالغلا خلة

سلطان العتيبي

09-15-2009, 08:47 PM

بين امس واليوم دربي بالهوى حاير= والشعر مع حيرة الدرب اشتكى حيرته
شوفيه كنه وقف بنْهاية العاير= بين اشتباه الدروب ومبتدا سيرته
اذا فقدتيه لومي حظك الباير= يوم اشترى جيرتك .. جرتي على جيرته

سلطان العتيبي

09-16-2009, 04:56 AM

أمانه لادعاك الشوق تقرين الغزل مني = ولا لك حيلة إلا بالرجوع لسابق ابياتي
أمانه حكمي فيها ضميرك .. تخبرك عني= ولا تلقينك الا نايبة عني بشرهاتي

سلطان العتيبي

09-16-2009, 06:58 PM

لابن عمي موجهها لي

لو زماني جار واصحابي جلو=رحمة الله ماتقفل بابها
لي رفيق مثل ابن عمي ولو= أطلب عيونه قلعها وجابها
لااذكرني ماحسبت لمن سلو= فدوته ذيك اللحى وأشنابها

الرد عليها
ياقديم العد ياراهي الدلو=من نباتك ماحسبت حسابها
مانساوي من دنو باللي علو=فارقين صقرها وغرابها
أنت نركض لك ونهرف بعد ألو=يوم حاصلها الحفا بأكعابها

سلطان العتيبي

09-16-2009, 06:59 PM

ابعترف ثم اعتذر =ليه الشعر يبطي عليك
كبر الغلا على الشعر = ومن الخجل عيا يجيك
بس اصبري يا اغلى البشر = مرده ان طول اليك
وان جاك مكسور النظر= ضميه للصدر بيديك
واليا تلعثم وانكسر = قصده ( ترى مالك شريك )

:(

سلطان العتيبي

09-17-2009, 04:34 AM

بك هقوتي ضاعت على شيٍ صغير = وش عاد ظني بالامور الكبيرة

سلطان العتيبي

09-17-2009, 04:35 AM

كانه يريحك التعب لاجلك ولك فيه مصلوح = بالله علمني وخل أدّعي به لاجل ترتاح
مادمت اقول انك حبيبي على كل حال مسموح=والعذر مايخلق !! وش اللي غدا لك ؟ ماانت مرتاح :confused:

سلطان العتيبي

09-17-2009, 07:03 PM

آخر المشوار حاير والرجوع مصيبة=والتعب يفرض علي مواصلة مشواري

سلطان العتيبي

09-18-2009, 12:47 AM

مدري وش اسكت عنه .. مدري وش اقول = أخاف كحلتها تزوّد عماها

سلطان العتيبي

09-18-2009, 12:48 AM

بعالج جروحي بروحي وأضمدها=وإلا أنت غالي بخلي حقك الراحة

سلطان العتيبي

09-18-2009, 12:49 AM

كان الجمال حْكاية = خل اختصر لك كلمتين
لك من سماك مرايه = أحيان فيها ماتبين

سلطان العتيبي

09-18-2009, 12:50 AM

ودي اصير بنظرة الناس مجنون =لاصار طبع الناس كثر المناقيد
اليا متى والناس من دون الى دون = خلقوا بليا قيد ويمشون في قيد

سلطان العتيبي

09-18-2009, 07:00 PM

يانور عيني وش يزيدك عذابي ؟=تثيرني بعد قطعت المواصيل
ان كان ماطقيت ( بالخير) بابي = مابي جهد تزيد هجرك غرابيل
بقت لي الذكرى تدمدم صوابي=ليتك تداريها - تروح بتساهيل
كانك تكاثرها علي باغترابي= فسرت كل اللي مضى بالتعاليل !!!

سلطان العتيبي

09-19-2009, 04:42 AM

خذني تعاسة جرح ضيّع طبيبة=وباخذك دكتور شح بعلاجه

سلطان العتيبي

09-19-2009, 04:43 AM

مدري نهاية ذا الهوى ويش بتصير=احترت انا مابين مدري ولكن
عينٍ تشوف الدرب ورد ونواوير = وعينٍ تشوف الدرب مظلم وداكن
لي وقت مااستعذبت صوت العصافير =اليا سمعته قلت جرحي غناكن
يابنت انا جروحي على اقل تقدير=اما تشاكن يوم والا تباكن
وعروق قلبي لك ترفرف كما الطير = بردانة تدور بحبك مساكن
متى يتنازل واحد ويكسب الغير= ويصير جو الحب صافي وساكن
وانا اغني لك بصوتي مقادير =وانتي لي تغنين لحن الاماكن

سلطان العتيبي

09-19-2009, 04:43 AM

تراك اكبر بعيني من اني افكر فيك = ولكني افكر بتجديد تفكيري
علشان يستوعب خيالي _بما يكفيك=ابشوف بك حاجات ماشافها غيري

سلطان العتيبي

09-19-2009, 04:45 AM

امشي ( وفا ) والقى النتيجة جروحي =اهون علي من قولة اني ترديت !
واطيح قبل اوصل لغاية طموحي=اهون علي من طيحتي لاتعليت

سلطان العتيبي

09-19-2009, 11:58 PM

أحباب / تذكر بعضها ب فرحة العيد= يوم السعادة ذكرتها السعادة
نرسل تهانينا وللعهد تجديد = ان المحبة كل يوم بزيادة
كل عام وانت بخير/ وايامك تعيد=عيدك على صحة وخير وعبادة

سلطان العتيبي

09-20-2009, 12:37 PM

يامشاعر ظلمتك في كثير الذنوب=واكبر ذنوبي اسرافي بكاف الخطاب!
ان فتحتي لي التوبة .. ومثلي يتوب=من (ذنوب المشاعر) تبتدين الكتاب !

سلطان العتيبي

09-20-2009, 12:38 PM

لا لاتقولين اني احب بجنون = ترى الجنون بسرعة يصير خِلة !
ترفقي وامشي على الدرب بالهون = واللي يجي كله ترى يروح كله
ياجاهلين الحب ملزوم تدرون = اني فهمت الدرس دقه وجلّه

سلطان العتيبي

09-22-2009, 10:50 AM

.

ياهلا باشراقة الفجر الجديد = مختلف حتى بريحة نسمته
قبل يشرق لابس له ثوب عيد=مع شعاع النور بانت بصمته

سلطان العتيبي

09-22-2009, 10:51 AM

العمر واحد .. وكل يومٍ له حسابه

ياضيعة العمر يوم أكسر حسابي

سلطان العتيبي

09-22-2009, 10:51 AM

توه يجيك الشوق يبري مشاعرك ؟
ياجاهلٍ بالشوق مالك وللشوق ؟

شكلك تظن الشوق حاجه بخاطرك
اليا طرا شريته مْن أطرف السوق

سلطان العتيبي

09-22-2009, 11:36 PM

خطاي اني اصدق لك العذر واسامح
وتنسى انك المخطي وترجع تعاتبني

سلطان العتيبي

09-22-2009, 11:37 PM

مالي وللتفكير .. اضيع به الوقت
مااشوف به شيٍ بحاجة لتفكير

تدري به ان اشتقت .. هذا ليا اشتقت
وتكبر عليك السالفة والمعاذير

كذبت من نفسك لنفسك وصدقت
تحتج وبكفك شهادات تزوير

سلطان العتيبي

09-23-2009, 03:03 PM

توي دريت ان الشعر تسكنه روح
.

تحيا حياة ارواح .باي لحظة تموت

سلطان العتيبي

09-23-2009, 03:04 PM

اسمحي لي
مابقى لي من دورب !
والله اني
عفت حتى الذكريات !

مابقى لي
غير دربٍ للهروب
خاب ظني
والهروب - الامنيات

سلطان العتيبي

09-23-2009, 03:04 PM

اذا بغيت اكتب بمثلك قصيدة = احتاج انا للحرف تسعة وعشرين
في خاطري لك المعاني فريدة = ماهي معاني رددوها ملايين

سلطان العتيبي

09-24-2009, 12:56 PM

سرقت الليل مني ! كيف مدري !=وعمري كنت اظنه لي لحالي

سلطان العتيبي

09-24-2009, 12:57 PM

احترت بك .. مدري اصبحّك بالخير !
والا.. ازيد الخير .. واصبحه فيك !

لابد ما احدث بالصباحات .. تغيير
تبقى دليل .. ان قلت ما احد ٍ يساويك

بس اهمسي . يسرق من الحانك الطير
يبقى صدى صوته .. يردد معانيك !!

سلطان العتيبي

09-26-2009, 10:14 PM

ارواح .. روحين ٍ تنازع على روح
الثالثة روحي وضيعت روحي !

الاوله جتني مع الوقت بجروح
والثانيه جتني تضمد جروحي !

سلطان العتيبي

09-26-2009, 10:15 PM

اذا سألتيني عن اسرار الالهام
بقول ماعرفه .. وتوي عرفته

واذا سألتيني عن اشعاري العام !
اقول تدريبٍ .. بغيرك عسفته

تملكيه وغني بحلو الانغام
لني كتبته فيك وفيك احترفته

سلطان العتيبي

09-27-2009, 03:26 PM

اذا سألتي ويش فرقك عن الناس ؟
اقول اشوف الناس عندك ولا شي

وان اسألتهم واقعية على اساس !
وانتي على حاجة جليّة مثل ذي

سلطان العتيبي

09-28-2009, 10:19 AM

http://up4.m5zn.com/9bjndthcm6y53q1w0kvpz47xgs82rf/2009/7/5/02/trd670ax0.jpg (http://www.m5zn.com)

أسرار غير اللي يشوفونه الناس
هي اختصار اللي اشوف بعيونك !

أشوفه بمجهر أسميه الإحساس
أفهمك أنا والناس مايفهمونك

أبحر بها والقى بالابحار نوماس
لحظة بعينك تجعل الناس دونك !

سلطان العتيبي

10-08-2009, 11:50 PM

اخطي عشان اشوف لطف العتب منك
لطف العتب دليل صدق المشاعر !

سلطان العتيبي

10-08-2009, 11:51 PM

غيريني وغيّري بي كل شي
من براءة عين .. لجنون الهوى

دام عرق القلب بالاشواق حي
ماني الاول ولا آخر من غوا !

سلطان العتيبي

10-08-2009, 11:51 PM

بغيت أوصفْنا ب / عش العصافير !
لكن تذكّرته ليا هبت الريح

أخاف لاضاقت علينا المعاذير
تطير بك ريح ٍ وانا / تحته اطيح

سلطان العتيبي

10-11-2009, 12:10 AM

وين انت ؟
مايكفيك لاقلت وين انت ؟
يعني تراها بعض بعض اهتمامي

تبغى دليل انك بقلبي تمكنت ؟
شفني قبل حبك وتلقى كلامي !

سلطان. ..
لكنك عليّه تسلطنت !
عنيد ..
لكنّ اعترف بانهزامي !

سلطان العتيبي

10-11-2009, 12:11 AM

لاتقربين
ولا تحكين

بس المهم اذا اقتربت
لاتبعدين

واذا حكيت
ما اريدك الا تسمعين

عارف دروب العاشقين
تكفيك مني كلمين

سلطان العتيبي

10-11-2009, 12:11 AM

http://m002.maktoob.com/alfrasha/up/2026416759231478046.gif

نفس الزمان اللي جرحك وجرحني
لابد يوم ٍ يبتسم بالسعادة

اشوف بعيونك كلام ٍ شرحني
وبنظرتي تلقين شرح وزيادة

جرحك وجرحي مابذحك وذبحني
مادامنا نملك دواه وضماده

سلطان العتيبي

10-11-2009, 12:13 AM

كل عذب الشعر يطري !
وكل كلمة
منه عندي كنها الكنز
ولقيته !
يوم الاقي شي ماقلته لغيرك

واتبختر
واتذكر

وان ذكرت إن كلمة ٍ قيلت بغيرك
كنها الحلم !
وتبعثر

لاتلوميني عليها
كلمتين ٍ واسمعيها
لاتقولين المشاعر .. صادقة في كل .. كلمة !

لنك أنتي /
قلتي اللي كن ماخلْقت لغيرك
وإنك أنتي /
تستحقين إن مايخلق خشيرك !
وإنك أنتي /
أكبر إن الورد يوخذ من عبيرك !

وش فهمتي ؟
ردديها في ضميرك !

سلطان العتيبي

10-12-2009, 11:14 PM

زود الغلا يروح بافكاري بعيد
قمت اتخيل كيف ساعة غيابك !

اثر الغلا جنة . ولكن ّ لايزيد
إن زاد يصبح قطعة ٍ من عذابك !

ترى المشاعر زادت .. وجابت العيد
في وقت واحد ترتجيك .. وتهابك

سلطان العتيبي

10-13-2009, 04:40 PM

ذكرت وقتي معك ياروعة الذكرى
كل مامضى يوم زاد اليوم ميزانك

ماضي زماني محته اسنيني الغبرا
الا انت ..
كن الزمن يرجع على شانك !

إن كان به واحدن يكتب ولا يقرا !!!
يمكني انساك واقوى لوع هجرانك !

سلطان العتيبي

10-14-2009, 08:35 AM

البارحة عاتبتني .. بالهداوة !
باسلوب غير الناس . غير اعتيادي

أدركت حرصك لاتجي بالقساوة
حتى على عْتابك .. مروق وهادي

مني العتب تستقبله بالحفاوة
لنّه صدى صوت المشاعر ( تنادي )

غيرت بي كل شي _ حتى الشقاوة _
وطاوعتك بكل شي _ حتى عنادي _

ودي اجرب معْك ساعة عداوة !
واصير مثلك بالمواقف حيادي !

سلطان العتيبي

10-14-2009, 11:11 PM

تعرف تفاصيلي مثل عرفك اسمك
من نبرتي بالصوت تعرف شعوري

انت الذي نقشت بالقلب رسمك
رسم ٍ على ذوقك ولا خذت شوري

واليوم لي حق واجي لك واحشْمك !
وانسى جروحي منك واكسر غروري !

فكرتك بك محتاجٍ اشد عزمك !!
وابديت لك ليان وانهيت دوري

فسرتها اني جيت في ثوب خصمك !
ماكنك اللي ماتطوفك / سطوري !!

خلاص مالي شي والحسم حسمك
واللي تشوفه / من دواعي سروري

سلطان العتيبي

10-16-2009, 12:46 AM

كان الكتابة ماتهادت على نور
الحرف فيها ينحرف عن مساره

نور الكتابة ( صادق إحساس وشْعور )
له انعكاسه .. مستحيل انكساره !

وانا ليامني بغيت العب الدور
كتبت لي بيتين _ لعيون سارة

النور من سارة على الكون مغرور
عيا على الكون الرحيب انحساره

واللي تجنب قوله الكذب والزور
والله ماتضرب يمينه يساره

كلمة _ وانا مانيب من يزرع البور
أميز أرباحي واعرْف الخسارة

سلطان العتيبي

10-17-2009, 11:50 AM

والله اني شاعر ٍ وأنت بعيوني
كان ماتسكن سوى .. بعيون شاعر

خذ فراشك خذ لحافك من جفوني
كان ماتكفيك دافية المشاعر !

سلطان العتيبي

10-17-2009, 11:51 AM

http://up4.m5zn.com/9bjndthcm6y53q1w0kvpz47xgs82rf/2009/7/22/12/rbc9foj3s.jpg (http://games.m5zn.com)

بسافر واترك احساسي على بابك يغني لك
أمانه كل ماغنى على بابك تذكرني !!

أمانه لاخذاك الشوق .. وابتلت مناديلك
ترفق بي .. ترى الإحساس بدموعك يخبرني

انا لو اني قبالك وتشكي لي اببكي لك
ولكن باجتماع البعد ودمعك وش يصبرني !

:(

سلطان العتيبي

10-17-2009, 11:51 AM

مع نفسك اصدق .. قبل تصدق مع الناس
ترتاح .. وتريّح .. بصدقك مع النفس !!

سلطان العتيبي

10-19-2009, 07:01 PM

مترددة ؟ والحجة ان الزمن صعب ؟=واللي بقلبي ماتعذر خطاويك
ماقلت أحبك .. كلمة ٍ مابها لعب ؟=تشوفني ساكت وقلبي يناديك !!

سلطان العتيبي

10-19-2009, 07:02 PM

ركضت لك يوم ان مركاضي وفا
واليوم مركاضك على مثلك .. وجوب

تعال لي بالوجه خل عنك القفا
وراك تستبدل دروب عن دروب ؟

تعال ابلمس باعتذاراتك دفا
ان كنت صادق لاتروعك الذنوب

مانيب انا اول من يسامح لو جفا
وما انت اول المخطين واول من يتوب

سلطان العتيبي

10-22-2009, 12:07 AM

العمر واحد . وحب اللي صدق واحد
بالله تقدر تشك بعمري الثاني ؟

في نفسك مصدق وقدامنا جاحد
كنك على حساب عشرتنا تحداني

سلطان العتيبي

10-22-2009, 12:08 AM

سلطان العتيبي

10-23-2009, 07:23 PM

لاتقولين احبه / والله ان تزعلين !
لني ان قلتي احبه // بردد : كذوبة

المحبة لدى // الكفار والمسلمين
درب واحد / و لا حب ٍ تعدد دروبه !

لاتلفين عنها من يسار ويمين
لو صدقتي بها / جيتي بعد باب توبة

سلطان العتيبي

10-25-2009, 12:22 AM

من جهل بالفرق بين المشاعر والشعور
النتيجة ينصدم بالفراغ العاطفي

/

\

/

حاشاك درب التسليه مانويتي
لكن مشيتي درب ٍ بدون عنوان !

بين المشاعر والشعور ابتليتي
شعور .. ب / عيونك مشاعر ووجدان

انتي عن دروب المشاعر غفيتي
وحلمتي انك طير يكفخ بجنحان

لكن بعد نومك وحلمك صحيتي
على الهموم المستفيضة والاحزان !

لو هي مشاعر / صدق .. كان ارتميتي
انتي مع اعذارك وألمك بالاحضان

شوفي حصيلك بالهوى وش لقيتي
الكذب حبله ماورد فيه ظميان !

هذي تفاسيري ولو مارضيتي
انتي على فالك / وسلطان . سلطان

سلطان العتيبي

10-27-2009, 10:32 PM

يامستجيرة من الخيال بالواقع
(كالمستجير من الرمضاء بالنار )

سلطان العتيبي

10-27-2009, 10:33 PM

قلتي كلامٍ مايقولونه الناس
واليوم ادور عنه .. بس مالقيته !!

سلطان العتيبي

10-27-2009, 10:34 PM

ارسلت له / من خيرة الناس .. مرسول
مرسول له بالحب .. خبرة وتجريب !

يحس باحساسي .. ويدري وش يقول
على جناح الحظ / مدري وش يجيب

إما تقدر قولة / العذر مقبول !
وإلا كشفت ان الحكايه ألاعيب

سلطان العتيبي

10-30-2009, 08:25 PM

والله إني خايفن عقب لملمْت الشتات
تاخذ الدنيا بمنحى شتات اللملمة !

سلطان العتيبي

10-30-2009, 08:25 PM

يسأل واجاوب ويسأل / عن حدود الغلا
وأعيد ويعيد / قل : يعني وش يساوي

اقول مالك خشير ٍ بين كل الملا !
ولا رضى يوم ساويته ب / علاوي :(

ذي غايته ماتبعها غير ضرب الخلا
راح الغلا ومابقى / الا غصنه الذاوي

سلطان العتيبي

11-08-2009, 06:00 PM

اليوم هذا غير / عن كل الأيام
خذتني الذكرى .. وسجلت ذكراه

مرت سنة .. كل ليلة انسج بها أحلام
واليوم حلمي / ليتني قادر أنساه !

سلطان العتيبي

11-08-2009, 06:04 PM

كنك بعيد / ادري بك / من اقرب الناس
اقراك / واعرف كل قصة حياتك !!

اي والله ادري بك / وعندي بك احساس
والكلمة االي ناشبة فيه لهاتك !!!

سلطان العتيبي

11-17-2009, 11:29 AM

ايه انعشيني بالجنون وتعالي
باسلوبك اللي يكتشف لك جنوني

ياحلو تعييرك علي في هبالي
لا يابعد كل الذي عيروني

واليا سألتي وش لقيت ب / دلالي
اقول بعضه / منه تبرا طعوني

واليا سألتي / وش تقول بجمالي ؟
اقول بعض البعض يكحل عيوني

سلطان العتيبي

11-17-2009, 11:30 AM

مصدقك .. لاتفسرين اختلافي !
نفس الكلام اقوله انتي بعد غير !

وازديك اكثر لو اقول اعترافي
متميزة حتى ب / تصبح على خير

سلطان العتيبي

02-24-2010, 09:53 AM

قالت ترفق / ترى طقك بميت حرام
اجيك بعْتاب / ويجنني اسلوبك !!

أجيك ب/ ذنوبك وتقلب علي الكلام
وارد مالي سوا / الاعجاب بذنوبك !

أحاول امشي معك على رتوش ونظام
والقى التفاصيل ضاعت في طرف ثوبك

سلطان العتيبي

02-24-2010, 09:56 AM

اشوف باحساسها نسخة من احساسي
والله مدري من اللي سارق الثاني ؟

سلطان العتيبي

02-24-2010, 09:58 AM

قطعت فيك حبال كل الرجاوي
الا الرجا في / موقفٍ تذكرينه

لعله اكبر من جميع الهقاوي
اليا لذع قلبك ولبى / حنينه

حتى رسول الحب مل الدعاوي
كل يوم عذر وباكر تغيرينه

ماعاد ادور من وراه الحراوي
بالياس / مابه شي بيني وبينه

سلطان العتيبي

02-25-2010, 03:58 PM

فديته اللي لحالي مايخليني
كل ما نويت الزعل عليه ما امداني

ماجا ولا جيت اسليه ويسليني
لكن نفس الذي ناداه ناداني

سلطان العتيبي

02-25-2010, 03:58 PM

قد قلتها / واليوم ابا قولها / لك
استوعبي ما اقول / عرضه وطوله

معنى ( لحالك ) بعني انك لحالك
أكبر من إنك تنتهين بسهولة

سلطان العتيبي

02-25-2010, 04:02 PM

http://up4.m5zn.com/9bjndthcm6y53q1w0kvpz47xgs82rf/2009/9/24/11/vh9bskzg3.jpg (http://msa6el.mbc.net/vb/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d)

هات الوجع / والبس ثياب السلامة
عزت عليّ دموعك / وشلتها عنك

أضاحكك / سرقة / أبيك ابتسامة
أحاول أسرق ضحكتك / بالحكي / منك

وان خانت الدمعة تشوف العلامة
يوم اتصدد عنك / ماودي اطعنْك

القى على الصدة بعينك ملامة !
تريدني في كل الاحوال / أعاينْك

أخاف تلحظني ب / وقت انهزامه
ويطيح سورٍ في ( عيونك ) يزبنْك

لا يابعد قلب ٍ / عليك انقسامه
أفرَحْك في نظرة / وفي نظرة أحزَنْك

عندي من الاشواق مثل الغمامة
تحيا بها بين المحاني / مداينْك

أقسى شعوري فيك / وقت انعدامه
إني أداري حالتك // ما اتحضَّنْك
http://up4.m5zn.com/9bjndthcm6y53q1w0kvpz47xgs82rf/2009/9/24/12/ux5rggfh4.gif (http://msa6el.mbc.net/vb/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d)

سلطان العتيبي

02-27-2010, 08:42 AM

يمكن تخافين العتب بالبداية؟
ترى العتب / هو الغلا بين عشاق !

يعني مجرد نبتدي بالحكاية !
الا العتب يضيع في زحمة اشواق

مهما كتمناها تجي بالنهاية
من قلب خفاق ٍ الى قلب خفاق

http://msa6el.mbc.net/vb/images/smilies/hrt.gif

سلطان العتيبي

02-27-2010, 11:45 PM

كيف اتراجع عنك / ما املك قراري
وانتي حكاية ماعرفت انتهيها !!!

املك على كل الامور اختياري
واميز ب / عقلي قبل ما ابتديها !

الا قراري فيك / صار انتحاري !
خطوة ولا ادري وش لها ! وش عليها

لو قلتي ابعد / بعتبرها طواري
واشره على قلبك واقول / اتركيها

كبرت ( بك ) / يوم انحرف عن مساري
حتى ذنوبي فيك / صرت اشتهيها !!

سلطان العتيبي

02-28-2010, 10:43 PM

ما اقدر ولو حاولت ارتب كلامي
حتى ولوّي دبلوماسي وشاعر !!

معك / يضيعني كثير اهتمامي
ثم اتلعثم بازدحام المشاااااااعر !

سلطان العتيبي

03-01-2010, 10:33 PM

كلما تقولين أحبك / عشتها نشوة
مع كثرها / كني أول مرة اسمعها

يزداد شوقي بها / ويصير بالذروة
والذروة أكبر جهادي / يوم اصارعها

تاخذني الذكريات لمبتدا / الخطوة
وتزيد الاشواق عندي يوم اراجعها

سلطان العتيبي

03-02-2010, 11:26 AM

http://up4.m5zn.com/9bjndthcm6y53q1w0kvpz47xgs82rf/2009/9/8/07/707x27qrs.jpg (http://msa6el.mbc.net/vb/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d)

مهما توديك الظنون البعيدة = الا الحقيقة واضحة كنها الشمس
تعالي اقريني قصيدة جديدة=واستنطقيها تسمعين الصدى همس
حروفها تعطيك جملة مفيدة=الشعر في غيرك رمسْه الغلا رمس
تأكدي انك بقلبي وحيدة=اكثر من اصابع يدك انها خمس
وان الغلا بكره وبعده يزيده=اليوم وامس وبذرة الحب قبل امس

سلطان العتيبي

03-06-2010, 08:39 AM

للعتب لذة / ولكـن لايزيـد
يفقد اللذة / ولا تسترجعـه !
ماخبرت الحب له دربٍ وحيد
وش تبي بالضيق والدنيا سعه

سلطان العتيبي

03-07-2010, 09:58 AM

البارحة حلمـت / ماحتـاج تفسيـر
أعرف تفاسيـره / بعينـي رسومـه

شفت الزمن يبرا لي / ومشيته غير !
محدودب , وتايه , ويسحب هدومـه

بادرته الكلمه : عسى حالك بخيـر ؟
ثم ارتمى يبكي , ويشكـي همومـه

سلطان العتيبي

03-08-2010, 07:42 AM

http://up4.m5zn.com/9bjndthcm6y53q1w0kvpz47xgs82rf/2009/9/13/07/wa8f9y1yd.jpg (http://msa6el.mbc.net/vb/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d)

كل واحدٍ يزعل على الثاني شـوي
لولاي أعرف السالفة / قلت مرضى

االي زعل من صاحبه / ماخبر شي
يبغى العذر كلمة ( أحبك ) ويرضى

سلطان العتيبي

03-08-2010, 11:47 PM

يامطول الغيبة .. وغيبتْك يومين!!!
وش سوت الغيبة بحضرة جنابك ؟
أما أنا مشتااااق بالامس والحيـن
هذا وأنا عندي خبر عن غيابـك !
قلبي وقلبـك لـو حنـا بعيديـن
نبضة ( هلا ) والثانية مرحبا بك !

سلطان العتيبي

03-09-2010, 06:43 AM

http://up4.m5zn.com/9bjndthcm6y53q1w0kvpz47xgs82rf/2009/9/16/06/38b1fu9u3.jpg (http://msa6el.mbc.net/vb/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d)

حددي نقطـة بدايتهـا تراهـا مثـل أملْنـا
قبل نعرف بالبدايـة .. لانفكـر بالنهايـة !

خايفٍ بعد التعب نسأل بعضنا : وش وصلنا?
ثم ترجع سالفتنا .. من سواليـف البدايـة !

زحمة الاشواق ماتقبل نـردد :ويـش قلنـا
كل يومٍ به جديـد وكـل يـومٍ لـه حكايـة

سلطان العتيبي

03-10-2010, 09:30 AM

http://up4.m5zn.com/9bjndthcm6y53q1w0kvpz47xgs82rf/2009/9/18/02/ert1m116f.jpg (http://msa6el.mbc.net/vb/redirector.php?url=%68%74%74%70%3a%2f%2f%6d%73%61% 36%65%6c%2e%63%6f%6d%2f%76%62%2f%72%65%64%69%72%65 %63%74%6f%72%2e%70%68%70%3f%75%72%6c%3d%25%36%38%2 5%37%34%25%37%34%25%37%30%25%33%61%25%32%66%25%32% 66%25%36%37%25%36%31%25%36%64%25%36%35%25%37%33%25 %32%65%25%36%64%25%33%35%25%37%61%25%36%65%25%32%6 5%25%36%33%25%36%66%25%36%64)

مرتاح يوم اني لها / طفلٍ صغيـر
يوم أتدلـع لاجـل أحـس بدفاهـا

لكن ليا هبـت عليهـا المعاصيـر
تلقى ضلوعي دونها / هي ذراهـا !

لعيونها / مرة كذا / ومرة اصيـر
كذا .. ولا لي غايـة الا رضاهـا

ياليتها لاجت ب / بعض المعاذيـر
تقيس خطوتها.. وتعرف مداهـا !

وتعدنـي كبيـر ( وبكـل تبريـر
أعرف خيوط السالفة وش وراها )!!

سلطان العتيبي

03-11-2010, 12:58 AM

http://up4.m5zn.com/9bjndthcm6y53q1w0kvpz47xgs82rf/2009/9/18/03/l7uggpgse.jpg (http://msa6el.mbc.net/vb/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d)

الحب يوم انه يجي / مااعترضنا !
ولا رفعنـا فـي مجيّـه دعـاوي

ولا اشترطنا فيـه / وإلا فرضنـا
ولا سعينا له وجـا بالحـراوي !

لكن خطانا يوم فيـه / افترضنـ
انـه يطيـق نحملـه بالمنـاوي !

شفنا نتايجها / بعـد ماركضنـا !
انّا نشوف الدرب غيـر متسـاوي

لابد نقبـل فـي شقـاوة بعضنـا
على اعتبار ( الحب كله شقاوي )

سلطان العتيبي

03-12-2010, 04:04 AM

http://up4.m5zn.com/9bjndthcm6y53q1w0kvpz47xgs82rf/2009/9/18/04/y7d4g9a5x.gif (http://msa6el.mbc.net/vb/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d)

كلّ ماينبض خفوقـي نبضتيـن
عارفٍ منها نصيبك / من نصيبي

واحدة للدم / في عرق الوتين !
ولك تقول الثانية / تبقى حبيبـي

http://msa6el.mbc.net/vb/images/smilies/frown.gif

سلطان العتيبي

03-12-2010, 04:04 AM

ليا ضاقت الدنيا تذكرت الاعياد
ولكن ّ ويش اذكر ليا / ضقت بالعيد !

سلطان العتيبي

03-13-2010, 08:43 AM

نقدر نعيش ونستحق السعادة !
في شرط واحد بس / لانصنع الهم

وان اعترض / قلنا للايام عادة
مير الحذر / لانغسل الدم بالدم

سلطان العتيبي

03-14-2010, 10:43 AM

تبقين حلم / ولازم انظرك باحساس
ان السراب يكون في بعض الاحلام

صحيح بين العالم اشكال واجناس
لكن على (جنسك) تحديت الايام !

سلطان العتيبي

03-15-2010, 11:09 AM

انا عن الحب ماني كامل الخبرة
جهلت (حلوه) / وانا دكتور باوجاعه

سلطان العتيبي

03-15-2010, 11:10 AM

اضغط على نفسي / واكبّرك بالحيل
وبعض الظروف تخونك / وترجع صغير

كان الهوى وقت السعة / بالمكاييل !
ريح ضميرك / عندك وعندنا خير http://msa6el.mbc.net/vb/images/smilies/icon_smile.gif

سلطان العتيبي

03-18-2010, 10:00 PM

ياذا الحمام اللي تغني بالاغصان
ودي ارد الصوت لك بالاغاني

واخاف يطري لك وتكفخ بجنحان !
وش حيلتي وانا وحيد بمكاني http://msa6el.mbc.net/vb/images/smilies/frown.gif

عطني عهد عشاق مقرون بأيمان
والا على الضيقات مالله حداني

سلطان العتيبي

03-18-2010, 10:01 PM

كل شي لابد مايوزن بميزانه
خلك على زعمك ب / دقة موازينك

ان كان خليتها / ضيعت عنوانك !
وان ضاع ماعاد تقنعني براهينك !

سلطان العتيبي

03-20-2010, 01:08 AM

خذ كورتك ياصاحبـي
مادامهـا فـي ملعبـي
تلعـب معايـه لعبتيـن
مرة ذكي ,مرة غبـي
أما الذكا / مع مطلبـك
وإلا الغبا /مع مطلبـي
مدري سياسة فاشلـة !
وإلا ماتدري وش تبي ؟
وإلا تعد إنـك كبيـر !
وإلا تصاغرت شنبي ؟
كانـك تقـدّر مذهبـك
أنـا أقـدّر مذهبـي !!

سلطان العتيبي

03-21-2010, 05:31 PM

http://up4.m5zn.com/9bjndthcm6y53q1w0kvpz47xgs82rf/2009/9/29/02/kcfuzjc01.jpg (http://msa6el.mbc.net/vb/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d)

نبقى .. ويبقى العقل ميزان الافعال
نفرق به الافعال بالزيـن والشيـن
وان كان ميزان العقل للهوى مـال
ماعاد ترضينا جميع الموازيـن !

سلطان العتيبي

03-23-2010, 09:28 AM

الكلمة الصادقة تبقى ب / رغم الظروف
مهما المواقف تغيّر ماتغيرها !!

انا خبيرٍ بها من كثر ما اسمع واشوف
لاتحاول انك على مثلي تمررها !

اسايرك وانت تحسبها عليّه تطوف
وتغترّ بسْياستك / ترجع تكررها !

وانا على نظرتي ياللي فهمت الحروف
اللي تمنّع علي مانيب أعاسرها

سلطان العتيبي

03-24-2010, 10:54 AM

من يجبر الخاطر المكسور ؟
من يسمح الدمعة الزرقـا ؟
العبرة / وسدت الحنجـور
مع النفس تنـزل وترقـا !!

سلطان العتيبي

04-06-2010, 11:27 AM

كل شي عرفت افسره وافهمه
غير تفسير / كيف تصير ( فزة خفوق )

حالة ٍ تعتريني مالها ترجمة !
زود نبضات قلب وزود نبض العروق

سلطان العتيبي

04-06-2010, 11:28 AM

نشكي ونبكي . نحكي , نعيـد ونزيـد
لين اقتنعنا ب حكمة / الصمت حكمة !

سلطان العتيبي

05-14-2010, 02:09 AM

مااسمّع اللي طلبني ماضي ابياتي
والعلة المانعة / نسيان ماقلته

ويقول دوّن قصيدك بالسجلاتي
واقول انا ادونه / لكن ماشلته

لكن طلبني حبيبً فدوته ذاتي
وهذيت شعري بشكل ٍ ماتخيلته

ذكرت شعر ٍ قديم من بداياتي
حتى الذي بأوله / بالحال كملته

سلطان العتيبي

05-14-2010, 02:10 AM

سجيت انا وياه عن باقي الناس !
مرة يراعيني ومره أراعيه !

ارعاه قبل العين في قلب واحساس
لكن وش هو للمراعاة حاديه ؟ !

سلطان العتيبي

06-02-2010, 10:22 AM

احيان تجبرني على داعي الشوق
واحيان تذبحني بكتمان الاشواق

سلطان العتيبي

06-02-2010, 10:22 AM

تعـال نتقاسـم جمـرة الشـوق تـدري
وش اللي حداني واشتكي جمرة الشوق !

سلطان العتيبي

06-02-2010, 10:23 AM

اودعك والقى من اوداعك جـروح
وارد لك لكـن تزايـد جروحـي
ان كان لك بجروح سلطان مصلوح
يقول لك سلطان / تفداك روحـي

سلطان العتيبي

06-02-2010, 10:24 AM

مادمت اشـوف ان الليالـي قصيـرة
وش داعي الضيقة وتدوير الاحزان ؟ !

سلطان العتيبي

06-02-2010, 10:24 AM

هاتي سواليفـك علـى هالرواقـة
يمكـن سواليفـك تخلينـي اروق
لاتشرهين ان صار فينـي طفاقـة
انا كذا ا في بعض الاحيان مطفوق
وانتي بعد مطفوقـه وبـك لباقـة
يعني توافقنا على كـل طـاروق

http://msa6el.mbc.net/vb/images/smilies/biggrin1.gif

سلطان العتيبي

06-02-2010, 10:25 AM

الشعر ( لوحة مزاجٍ ) وانت ترسمها!!!
حتى المزاج يتغيـر باسهـل فنونـك !
علـى تفاصيلـك / ودوره يترجمـهـا
كنه تَحَت سيطرة حكمـك وقانونـك !
هي كلمةٍ كيـف اوصلهـا وتفهمهـا ؟
اخاف مع شرحها / تمشي على هونـك

http://msa6el.mbc.net/vb/images/smilies/confused.gif

سلطان العتيبي

06-03-2010, 04:16 PM

ليه تسكت بوقت احتاج منك الكلام ؟
وليه تعتب بوقت احتاج منك السكوت !

سلطان العتيبي

06-03-2010, 04:18 PM

صباح الخير ياوردة حياتي
ترى ياورد ينعشني عبيرك

صباح الخير ياكلي وذاتـي
صباحٍ ما احيي فيه غيرك !

سلطان العتيبي

06-03-2010, 04:19 PM

http://up4.m5zn.com/9bjndthcm6y53q1w0kvpz47xgs82rf/2009/9/24/12/ux5rggfh4.gif

اذا رقص قلبي يمين ويسـاره !

تراه قبل اذني سمع بك وطاريك !

سلطان العتيبي

06-05-2010, 07:20 AM

اقراه قبل الحروف اللي كتبها لي !
ليته مثل ماقريته يوم / يقراني !

سلطان العتيبي

06-05-2010, 07:21 AM

سرقت الليل مني كيف مدري
وعمري كنت اظنه لي لحالي
يورّى لي بأن الوقت بـدري
ونصف الليل طرّف للزوالي !
كتتمت أضعاف ماقلته بصدري
اقوله لو طرا لـك ماطرالـي

سلطان العتيبي

06-05-2010, 07:22 AM

اي والله ان الامس يفرق عن اليوم !
حتى هواجيسي بهن بينهـن فـرق

http://msa6el.mbc.net/vb/images/smilies/biggrin1.gif

سلطان العتيبي

06-05-2010, 07:25 AM

مثل ماعشت بآمالي رسمت الياس
ونفسي بالمنـاوي مـا اسليهـا !
ألا ياصاحبي في كلْمتك نبـراس
لمحت السالفة منْك ب/ مباديهـا
انا لماح أعرف الربح والافـلاس
وليال العيد تعرف من عصاريها !

سلطان العتيبي

06-20-2010, 11:08 AM

طعنة ورا طعنة وانا اقول مسموح
يامجدد الجرح الـذي مابعـد راح
ان كان لي عندك بقى باقي جروح
ليتك تبادرنـي وترتـاح وارتـاح
كان الهدف من طعنتك زهقة الروح
ابشرك ماعشت في سبعـة ارواح!

سلطان العتيبي

06-25-2010, 03:45 AM

الظاهر انك تشوف الفرق عن غيـرك !
ليتك تكرّم / واشوف الفرق عن غيري !

سلطان العتيبي

06-25-2010, 03:46 AM

أحاول اشوفك ولـو شوفتـك لمحـة !
لكنـي اعـدهـا يـازيـن تصبـيـرة
عسى دروبي معك ياصاحبـي سمحـة
مشيتها لك وانـا مـدري وش الخيـرة
ماجيت اشوف الهوى وش سيفه ورمحه
لكـنّ طربـان / سمّعنـي مزامـيـره

سلطان العتيبي

07-01-2010, 06:06 PM

دامك معي شف قيمة الناس عندي !
تركتهم ماكن بالكون غيرك !

مدري على فهم ( السبب ليه ) يمدي ؟
والا مسيري مايوافق مسيرك !!

سلطان العتيبي

07-01-2010, 06:07 PM

اقسى شعور اني اشوفك قبالي
لكن محرومن ولا اقدر احاكيك

سلطان العتيبي

07-01-2010, 06:08 PM

ماخبرت السراب يشاف ( غير النهار )
لو خبرته فلا والله تبعتك ب / ليل !!

سلطان العتيبي

11-23-2010, 02:23 PM

لاتكلف نفسك وتبني معي !
بس لاتهدم علي اللي بنيت

سلطان العتيبي

11-23-2010, 02:25 PM

بين التمنع والتغلي والاشواق = لاتخلط اوراق الغلا وانت لاهي

اخاف تنسى صفحة ٍ بين الاوراق ! = وتصير صفحة وجهتي واتجاهي!!

سلطان العتيبي

11-23-2010, 02:26 PM

اذا استنطقتُ قلباًٍ لـم يجبنـي
وقد سلبت ملامحَه السياسـة !
فلـن تستنطقـي شعـراً لئـلا
يباعَ الشعرُ في سوق النخاسة !

سلطان العتيبي

11-23-2010, 02:26 PM

وش بيدي
لاصار مايفهم علي !

اكتب له اشعاري على معنى اظنه يفهمه !
والقى النتيجة بالاخير
انه ولا حاول أبد !!

فهمه ولا يهمني !

انا الذي يهمني / انه كذا يشوفني
سبب بكسرة خاطرة !

هذا الخطا وفهم الخطا !
لو قلت انا ماهمني غصبن علي يهمني http://msa6el.mbc.net/vb/images/smilies/frown.gif

هذا الشعر ياصاحبه
أحيان يظلم كاتبه

سلطان العتيبي

11-27-2010, 09:32 PM

مسير الايام تكشف عن خفاياها
واقراك فيها ولو تخفي تفاصيلك

إما على هقوة ٍ منك اتحراها
والا تركت الطريق وقلت ياحليلك

دروبنا كيف ابقراها وتقراها ؟
ياويلي بليلي وليلك وياويلك

http://msa6el.mbc.net/vb/images/smilies/KMZH.gif

سلطان العتيبي

11-27-2010, 09:33 PM

الى متى .. هرجي تحت رحمة الغير؟
والى متى ترضين يقطع لساني ؟

والى متى اللي بيننا بعينك صْغير ؟
والى متى امشي ما تعدى مكاني ؟

و( الى متى )كلمة وتحتاج تبرير !
الى متى وانا بسببها اعاني ؟

سلطان العتيبي

11-27-2010, 09:36 PM

http://up4.m5zn.com/9bjndthcm6y53q1w0kvpz47xgs82rf/2009/12/7/01/1nujg4diy.jpg (http://www.tobikat.com/)

خلك معي بالحب مثل العصافيـر
عاشت سعادتها ولو مالهـا عـش

على جناح الفرحة تطيـر ويطيـر
والعش مهما كان - عودين من قش

سلطان العتيبي

11-29-2010, 02:49 PM

كنت أحسب ذاك المكان =عندك مجرد ذكريات !
ماكنت أظن القاك فيه=إلا مجرد أمنيات
جيته لقيتك تنتظر != سرحت بافكار شتات
ذا صاحبي وإلا الهوى=ورّاني أحلام السبات
رد الخبر ياصاحبي=كان الذي شفته ثبات
وش دلك الدرب القديم=اللي محته الذاريات?

سلطان العتيبي

11-29-2010, 02:50 PM

ان قلت شيٍ يعارض عقلك الراقي !
خذني على كبر عقلي به وحاسبني
وان زاد شوقي وقمت الخبط اوراقي
خذني على قد قلبي / لاتعاتبنـي !!

سلطان العتيبي

11-30-2010, 08:22 AM

كان سْألتْ ذات الغلا عن غلاهـا
علمتهـا بعضـه وخفّيـت باقيـه
لعلها تستكشفـه / وش وراهـا ؟
ماتفتح أبواب الخفوق وتحاكيـه!
إن حاكته تشوف كيـف يتباهـى!
لازاد نبضه وافهمت وش معانيه !

سلطان العتيبي

11-30-2010, 08:23 AM

حتى الخطايا تعتبرها قناعـات !
يوم انت ماتدري بحجم الخطايـا
همست لك في غفلة الناس بسكات
أدرأ بنفسي عن شمـات البرايـا
واصبحت منك وفيك بيدين شمّات
عقب ادّعيت إنك قريت النوايـا !
الجور ذنب ٍ من هَلَ الجور يقتات
تدري به إن ضاقت عليك الزوايا