لملمة شتات !

[سلطان العتيبي]

يانور عيني وش يزيدك عذابي ؟=تثيرني بعد قطعت المواصيل
ان كان ماطقيت ( بالخير) بابي = مابي جهد تزيد هجرك غرابيل
بقت لي الذكرى تدمدم صوابي=ليتك تداريها - تروح بتساهيل
كانك تكاثرها علي باغترابي= فسرت كل اللي مضى بالتعاليل !!!

[سلطان العتيبي]

خذني تعاسة جرح ضيّع طبيبة=وباخذك دكتور شح بعلاجه

[سلطان العتيبي]

مدري نهاية ذا الهوى ويش بتصير=احترت انا مابين مدري ولكن
عينٍ تشوف الدرب ورد ونواوير = وعينٍ تشوف الدرب مظلم وداكن
لي وقت مااستعذبت صوت العصافير =اليا سمعته قلت جرحي غناكن
يابنت انا جروحي على اقل تقدير=اما تشاكن يوم والا تباكن
وعروق قلبي لك ترفرف كما الطير = بردانة تدور بحبك مساكن
متى يتنازل واحد ويكسب الغير= ويصير جو الحب صافي وساكن
وانا اغني لك بصوتي مقادير =وانتي لي تغنين لحن الاماكن

[سلطان العتيبي]

تراك اكبر بعيني من اني افكر فيك = ولكني افكر بتجديد تفكيري
علشان يستوعب خيالي _بما يكفيك=ابشوف بك حاجات ماشافها غيري

[سلطان العتيبي]

امشي ( وفا ) والقى النتيجة جروحي =اهون علي من قولة اني ترديت !
واطيح قبل اوصل لغاية طموحي=اهون علي من طيحتي لاتعليت

[سلطان العتيبي]

أحباب / تذكر بعضها ب فرحة العيد= يوم السعادة ذكرتها السعادة
نرسل تهانينا وللعهد تجديد = ان المحبة كل يوم بزيادة
كل عام وانت بخير/ وايامك تعيد=عيدك على صحة وخير وعبادة

[سلطان العتيبي]

يامشاعر ظلمتك في كثير الذنوب=واكبر ذنوبي اسرافي بكاف الخطاب!
ان فتحتي لي التوبة .. ومثلي يتوب=من (ذنوب المشاعر) تبتدين الكتاب !

[سلطان العتيبي]

لا لاتقولين اني احب بجنون = ترى الجنون بسرعة يصير خِلة !
ترفقي وامشي على الدرب بالهون = واللي يجي كله ترى يروح كله
ياجاهلين الحب ملزوم تدرون = اني فهمت الدرس دقه وجلّه