تعال واكتب حالتك/لحظتك شعراً ..!

[عبدالله صلال العساف]

مشتاق لك.... بس اللقا ....ماتهيّا
والحل موبيدي ..ولاهو.. بأياديك

ملامحك.. بأهداب.. عيني... تفيّا
وكل ما اغمّضهن.. غلا .ما ألاقيك

وش حيلتي في روحي اللي تريّا
طلّتك.. ياللي.. مادريت.. بغواليك

عبدالله صلال العساف

[شعور]

-

طبطب علي محتاج احس بـ سكينه
... ... ... ... واقرأ علي من الذكر ماتيسر

[صالح العرجان]

شعر الغزل ماهو لغيرك معانيه
............................ حتى ولوهن حاولن يلبسنه ..!!

احدن زهاه الشعر واحدن يزهّيه
............................ وانتي عشقك الشعر طبعاً لأنه

يوم لبستي مفرداته زهيتيه
............................ ويوم البسنه ضاع بي واحرجنه

كان العذارى ورد قولي لهن إيه
............................. لـ نـّك بعيني قبل الاشعار جنه ..!!

[شعور]

-


الفصول اربع ، و في وجهك لقيت :
رجفه من البرد .. و زهر من الربيع

ان قصرت الشوف عن عينك : ظميت
و ان تمعّنت النظر فيها : اضيييييع

[صالح العرجان]

لاتسأل اللي حس بك ، حس وشــلون ؟
...................... محد وسط قلبي يسوي سواتك

من يعشقك بجنون يفهمك بجـنوون
..................... لكن غريبه كيف هالشي فــاتك .!!!!

[سعيد الموسى]

حاول تكون اللي يحاول ويغفر !
‏حاول تسامح بس تحفظ مقامك!
‏الحب لو ماكان ينبت ... ويثمر !
‏بيكون خنجر ، يرتكز في عظامك !
‏عدّي اذا ودّك ، لحاجه تمرر !
‏الا الجفا إياك .. لجل إحترامك !
‏أحيان لو فارقت فرقاك تُعذر !
‏فارق ، إذا حسيت هالحب ضامك !

[شعور]

-

تحتاج إلى ملّ الظما وجه السراب
أدناة فرصة، في شعورك تعترف

الله يبارك في الحضور وفي الغياب
يعلّمك، وش كنت محتاج تْعرف !

[صالح العرجان]

يامشغل الفكر .. خاف الله وش ناوي
................................. تشعل / وتشغل / بنفس الوقت تفكــيري
:
:
مع صورة الشعر يرجع شاعرك غاوي
................................ ومع صورة ايديك خان الشعر تصويري