صالح العرجان
05-29-2011, 03:37 AM
لا تعلمني بِ حالي / ولا تبحث خفاي !
أعرف اني ماني أوكي و أخلاقي وسط
ضايق صدري من اليوم مدري وش بلاي
ليه ؟ مدري ليه .. لكن ماني : منبسط .. !!
هيفاء الزامل
05-29-2011, 03:43 AM
يبست أقدآمي عَلَى درب الظما ,
وإرتميت بـ صدر خطوآتي ؛ جريح ~
لاتعكّز بي , وأنا شخصٍ عمى ~
كل مآ حآوَلت أَمسكني \ أطيح !
* ؟؟؟ *
:34:
.
صالح العرجان
05-29-2011, 03:52 AM
الحي ما هو اللي لِ أجل حاجته حي
الحي من يطفي " ضما " كَل مشغوف
والخوف ماهو بّ إنك تخاف من شي
الخوف هو الخوف من طاري الخوف .. ؟!
هيفاء الزامل
05-29-2011, 04:00 AM
صآحبي أتعبوني و إنت صدرك رحيب
إشربوني جمايل و اتركوني ظما
ما بقى بالاوادم صدق يالله نغيب
وش نبي بالحضور اللي غيابه نما
* ؟؟؟ *
:34:
.
صالح الشملاني
05-29-2011, 05:23 AM
اذا ماأشتقت في الغربة
قل: الذكرى طحين الوقت
واخبز من تبي قربه..!
فهد عافت
أمجاد محمد
05-29-2011, 07:28 PM
تـعـال شـف غـيـبـتك كـيـف أثـرت فـيني
............ تـعـال شـفـنـي وأنـا أغـرق عـقـب مـجـدافـي
تـعـال خـذنـي ورحـبـي مـن عـنـاويـنـي
............ تـعـبـت أعـدي عـلى جـمـرك وأنـا حـافـي
تـعـال وإقـطـف بـصـوتـك زهـرة سـنـيـنـي
............ كـل الـمـواعـيـد عـقـبـك شـمـعـهـا طـافـي
عبدالله صلال العساف
05-29-2011, 07:36 PM
تغيّر الطعم والاذواق والامزجه
في سرعة البرق اصبح حاضرك ماضي
ياسيدة هالمسا سوالفك مزعجه
لا تتعبين الفراغ ابكوبك الفاضي
بعض السوالف مع الكورال مو منتجه
ليه مطرب الحي مايطرب ومتغاضي
لك من خيوط الحروف ولمة الانسجه
نسجتلك ثوب حرف امتونه اعراضي
عبدالله صلال العساف
حنان العصيمي
05-29-2011, 10:02 PM
تقول سامح زمانـك والحـزن خبّـه
وأقول منهو يعوضنـي مخاسيـري ؟
وشلون أسامح زماني واللـي أحبّـه
خذاه غيري وأنا أولى فيه من غيري ؟
( ... )