حنان العصيمي
12-02-2009, 11:21 PM
أبدا بتجهيز اوراقي ، وقطرة ندى
أشوفها من على خد النوافذ تسيل
آخذ معي كل مايخطر في بالك عدا
ثوب ٍ تركته معلق في جدار ٍ هزيل
تبكي الستاير تناديني أرد الندا:
عمر الشقي ياستاير - لاتخافي - طويل
أودع البيت ، ياجدران طين وصدى
من كان مثلي رحيله أرض وارضه رحيل ؟
أسير حافي قدم دربي ضلال وهدى
وجهي سحاب وظما صوتي نواح وعويل
أقطع مشاوير تقطعني بطيب وردى
واصير انا الهين الميسور والمستحيل
وليا لقيت الطريق اللي مشيته غدى
قصير مثل الفرح مثل الليالي بخيل
صالح العرجان
12-02-2009, 11:39 PM
لولاي اخاف يقولو الناس مجنون
انــي لـســوي شــي مـايـنتـسـوى
والله لحـارب كـل مدعـوجـة عـيـون
ليـن انتقـم للقلـب مـن بنـت حــوى
:)
http://ro7elb7r.jeeran.com/ثَغْرٍ%20الوٍُرٍٍدِ.gif
نايف السميري
12-04-2009, 12:46 AM
.
.
هي تنسج احلامي وانا متعب ومرهق ومحسود ...!
..................... اشيل جرحي واحتسي كل الدروب المتعبة
.
.
نايف السميري
12-04-2009, 12:53 AM
.
.
تعال واكتب لحظتك واترك الناس ...!
................ وخلك بعيد بـ نزف جرحك وهمك !!
.
.
ريما الخالد
12-04-2009, 01:46 AM
طفْلَتْك ماتملك سوى .. [ حلْم محصور]
..........و[ شويّة العاب ] ... \ وحكايا مواني ..!
تحْضِر غياب وتلْتحف..:غيبة حضور
...........ينسونها ... وتقول : محد ٍنساني..!
وعلى كثر مابلّل اطرافها ... [ النور]
..........تفرد أصابعها .. وِ [تطفى ] معاني ..!
وعلى كثر ماتترك الصبح [ ممطور]
..........تذبل ... لأن الصبح دايـم .. [ أناني ]
مامات من [ برد الصباحات ] .. عصفور
..........بس هيّ [ ماااتت ] .. من كثِر ماتعاني ..!
ميــرال
12-04-2009, 01:55 AM
خذ راحتك ماغير انا وانت والليل
ــــ والليل مامونٍ على سر الاأحباب
الهنوف الخالدي
12-04-2009, 08:02 AM
ياوجودي كل ماهب نسناس الشمال =وجد من حدّه زمانه على اللي ما يبيه
وياوجودي كل مااغفيت ثم مال الظلال=لاغفت عيني ولاذقت شيٍ مشتهيه
وجد من قفـّى وهو في رجا كلمة تعال=والتفت من عقب مااقفى ولحدن لدّ فيه
وياعذابي لادنـا الليل من روس الجبال=وانتهى يومٍ من العمر ماعاد ارتجيه
وانتي ابعد من سما الحلم ووصالك محال=يابعد من هلّ دمعي ضحى الفرقا عليه
حنان العصيمي
12-04-2009, 11:45 AM
لا والذي صورك ما لا ق للعين
غيرك ولا سوى بي أحد سواتك
أنت الذي حطيت بالجوف رمحين
رمح العيون ورمح وَردي شفاتك
وأنت الذي زينت يا غاية الزين
حياتي اللي نورها من حياتك
أحب فيك الحب يا جامع أثنين
الزين وطبوع(ن) تكمل حلاتك
أحب فيك العطف واللطف واللين
وأحب فيك رضاك عقب زعلاتك
وأحب هاك الجيد بين الجديلين
وأحب ما تخفيه طرقة غطاتك
يا جارح المجروح لا تودع البين
يقضي علي بغيبتك وسفراتك