[ نُوسْتَالْجْيَا ]

[مي التازي]

تعال ..
تعال و لا يقيّد خطوتك
أوهى الخيوط
الناسجة عذرك ..
تعال اجتثّ أجمل ما بقى من ميّ
ثم ارحل ..
أنا ما احتاجني كثرك !

[مي التازي]

.
.

ملّيت أشكلّ نبرتي لحن للآه
لا اتوغّلت في جوف مزماري الريح
/
ملّيت أبهرج حزن للناس تقراه
و اذرّ طعم الولولة في التسابيح
/
و اللي بيغيب يغيب، ودّعته الله
باكر وجيه تطيح مع دمعة تطيح
/
فلا الاحتياج يجرّ لدروبه خطاه
و ما من قفا نبك على كتف تلويح

.
.

[مي التازي]

.
.

محتاجة لحزن يسرقني من دموعي
و دروب تعزف مثل خطوي عن رجوعي
/
محتاجة أنسلّ منّي قدّ ما أقدر
محتاجة أنسى ابتساماتي قبل روعي

.
.

[مي التازي]

.
.

كل القصايد بالية .. مهترئة
و أنا تعبت من اختناقي و صمتي
/
شدّوا يدي .. أحتاج بعض الجرأة
في خاطري حكي بيجيب آخرتي !

.
.

[مي التازي]

اعذروني ..
لو تغافلت القيود ..
لو كسرت الصمت ، و أضحت ها الأغاني
حرّة لكن .. دامية
اعذروني لو أصير ..
حنظلة ثاني ..
و أدير
ظهري للعالم نكاية .. في النظام
و في معاهدة السلام
و الخرايط .. و الحدود
اعذروني ..
ما تعوّدت السجود !

[مي التازي]

.
.

و اذكر أمّي كلّما رفرف حمام
من ثغرها .. تسجد الروح بقنوت
/
صدري الموجوع تنفث به كلام
كنّها ترقيه من شرّ السكوت

.
.

[مي التازي]

.
.

يا ليتك دين .. و أكفر بك
يا ليتك ذنب .. عنه آتوب
/
و لكن وجهك المربك
تفاصيله : وطن و هروب

.
.

كلّ الطرق مهرب
لكن طيفك قيد !

.
.

[مي التازي]

.
.

كيف أغنّي .. دون صوت ؟
كيف أشوف النور و عيوني
عمـــى ؟
كم حلمت الجوف يعتق له
قصيدة .. إنّما
في كل مرّة
جزء من روحي يزاحمها ..
و أموت .

.
.