( هدوء مُتناثر ) ..!

[مرضي البلوي]

للحين باقي لك معي تذكار
مالي سوى ذكراك بـ غيابك

كل ماتذكر بيننا وش صار !!
تأخذني الذكرى على بابك

[مرضي البلوي]

غصن الأشواق الندي ماهو ندي
مثل ماعاني .. يعاني من يباس

( هو متى موعد لقانا .. حددي )
طيب اللي صار ليه من الأساس

ارجعي حالاً .. خذيني من يدي
لا أنا مرضي ولا هالناس ناس !

[مرضي البلوي]

هاتي يدينك .. وابـ حضنها بيديني !
عشان اسولف معاك براحتي واسمعك

هذا هو .. الفارق اللي بينك وبيني !
انا احبك واحب اعضاء جسمك معك

[مرضي البلوي]

حظ البطـرما فيـك .. ويآ سريرك !
حظ الشراشف والكنب والوسايد
//
اللي .. تـ ضمك واتنفس عبيرك
وأنا ووجهي من عرفتك .. محايد !

[مرضي البلوي]

حنيت لك ما طرالك بعد غيبه تجين
ولا نويتي تـجين او بعدتك الظروف !

الرجل مايقتله بـ الحُب غير الحنين !
يحس مثل الخناجر تطعنه والسيوف

[مرضي البلوي]

أرحلي .. مالك مع الطيّب نصيب
خلي أرضي للجفا وخلي سماي

دوري يمكن / تلاقي لك حبيب !
( ماكتب ربي لك الفرحه معاي )

[مرضي البلوي]

الحُب فـيني (حي) الحُب مامات
اموت أنا .. والحُب جـ‘واي عايش

أنا على خبرك // أحب الروايات !
وأحب اكون إنسان عفوي وطايش

لازلت اقوم الصبح واكتب لك ابيات
(وارتـب الغرفـه وافك الدرايش ) !

[مرضي البلوي]

فيروز غني لي مع الصبح حاجه !
ابغى صباح اليوم مايشبهه شي
:
غني .. عسانا بـ الصدف نتواجه !
بـ المفرق او بـ الوادي او بـ اخر الحي