( هدوء مُتناثر ) ..!

[مرضي البلوي]

مشكلتي اني بس أحبك لحالك !
عشان أحبك بس ، لاغبتي اضيق
//
اموت أنا بـ ذاتك واموت بجمالك !
واكره إذا غبتي جميع المخاليق ..

[مرضي البلوي]

صاير عليك سلوب غير الذي كان
م تغيره فـاقد حنانك ( وطيبك ) !
//
وين الوفا والتضحيه وين الأحسان
وش غيرك فجـأه .. تراني حبيبك !

[مرضي البلوي]

إذا سألوك الناس عني : قولي
مُرضي حبيبي مـانويت إفراقه !

لو قمت ألف المملكه برجولي !
ماراح ألاقي شخص مثل اخلاقه

[مرضي البلوي]

أيام .. تمضي من حياتي كأبه !
فيها من احزاني وشعري مافيها

عشانها ماراح .. اوقـف ( كتابه )
( واليـن أموت احبها واحتريها ) !

[مرضي البلوي]

اي والله أحبك محبه صريحه ،
اقولها والناس مثلي يقولون !
:
الحُب مايعرف جميل وقبيحه ،
ولا يعرف الحب شينه ومزيون

[مرضي البلوي]

أمتلى صدري من الفرقا : جروح
الفراق : أحـيان مـاهو منطقي !

لـ يتها قالت قبل مـاهي تروح !
بعد هذا اليوم .. صعبه نلتقي

[مرضي البلوي]

حبيبتي .. قلبي تلهب على نار
( غير التواصل ما ابي اي حاجه )

مثل الغيوم الوصل عندي والامطار
والصد والهجران مثل .. العجاجه !

[مرضي البلوي]

رغم الحزن مُبدع وعندي / قناعه !
شاعر بدابي الشعر قبل ابتديبه ..
//
بعد الوصـل دايم !! تجيك القطاعه ..
وكل شخص يأخذ في حياته نصيبه