( هدوء مُتناثر ) ..!

[مرضي البلوي]

♡
حبيت شكلي من جديد ،
والحال تشبه - حالته :

النبض في قلبي يزيد ،
[ كُل مافتحت رسالته ]

[مرضي البلوي]

لو يتوب القلب راعيه لايمكن يتوب
المحبه صاحب الحب كيف أيخونها

لاتذكر وقفت الجادل الريم العوب ،
وابتسامتها .. وخدينها .. وعيونها

[مرضي البلوي]

أنا ، ماراح اتبعك والله !
قفي مع الدرب واقفي

مانتي مثل ريم عبدالله
ولا مثل فاطمه الصفي

[مرضي البلوي]

http://im12.gulfup.com/2012-08-16/1345149531222.jpg



واضح الليله يراودني الحنين
احتريت الليل يسرى ماسرا

آآآه ياذكرى لها فيني سنين
يوم طاح ، وعانق الدمع الثرا

واقف اناظر لك بعيني حزين
وانتي .. عيونك تناظر لي ورا

راحله عني ونفسك لو تجين
بس ماحد حس ، فينا او درا

أجبروني واجبروك تفارقين
ليت ذاك اليوم عيني ماترا

أخذينك من يسار ومن يمين
يحسبون الحُب بيع ومشترا

[مرضي البلوي]

أتشرف بكم .. وشكراً لمتابعتكم

هُنا 27cc07c7

[مرضي البلوي]

اتحمل الصدمات عادي ولكن
تجيني الصدمات لو ما اجيها

مشتاقه لك والله كل الأماكن !
حتى الكراسي اللي جلسنا عليها

[مرضي البلوي]

تغير إحساسي تجاهك من العآم
والعآم هذا ، مابقى بي احاسيس

كنك خذيتي لحم وعطيتي عظام
شكراً جزيلاً لك وحسبي على بليس

[مرضي البلوي]

آجي لنفس المكان اللي جلسنا به !
قبل لا نرحل عن بعضنا .. واننسى

آسمع عتابه ويخنق صدري عتابه
يقول ماشاف اطيب مننا واآقسى