( هدوء مُتناثر ) ..!

[مرضي البلوي]

سولفي لناس عن طيبي .. وعني
كيف أحب وكيف احن وكيف أغار

قولي إني وقولي إني وقولي إني
كنت أحبك موت من كنا ( صغار )

[مرضي البلوي]

حاسديني مثل ماهم ، حاسدينك !
رافضين انك تصيرين العروسه

( بس واللي عاد يرحم والدينك )
كل ماشفنا أحد بعطيك بوسه !!

[مرضي البلوي]

نبتعد .. ونعود ثاني
مـالنا من جد حل !!

بنت بيضا وسمراني
كنهم قشطه وعسل

[مرضي البلوي]

الشعر لو مني خذوه
يكفي .. اروح أضمها

ابي الولد يشبه لبوه
والبنت تشبه لـ مها

[مرضي البلوي]

باليمين رجال عندك .. والشمال
فيه بيض وفيه بعض رجال سود

المظاهر لاتغرك بـ ( الرجال ) !
والله إني شخص نادر بالوجود

[مرضي البلوي]

آحبها . . واموت بالشعر الطويل !
كل ماكبرت عندي تزيد بصغرها

دلوعتي طفلة ! وتكبر مستحيل
دايم تخليني أمشط ( شعرها )

[مرضي البلوي]

باب الجفا دايماً مفتوح لـ عيونك ،
مادامني فاتحه ماقولك .. عودي

ماني مثل من تحبين .. ويحبونك ،
أنا اجمل انسان ..

واعذب شاعر سعودي

[مرضي البلوي]

في صوتك المبحوح كمية إحساس
آسمع .. وكن الصوت ماحان دوره

تدرين مين احب واغلي من الناس
اللي تـشابه طيبته ( قلب نوره ) !