غن / لا ضاقت عليك الوسيعه / غن

[العـنود ناصر بن حميد]

يا البعاد اللي ورى طولك بعاد

ماورى الدرب العسير الا الصعب

***

وش بقى لي من الرجا كود العناد

وش جنيت من الهوى غير التعب

" بدر بن عبدالمحسن "

[شــمــ نـجـد ــس]

جفاني النوم وسهادي توقظ
...................عسى هالنوم يلفاني مجيّه


تركت الـدار لـدار ٍ تجددّ
................. شعور الهـم والحال الشقيّه

[نواف التركي]

.
.
.


يكفيني حضورك عن حضور هـ / الناس = لا جيت ماهموني الناس وأن جوّ

ألعب بكيفك دام هو حي هـ / الراس = قل ما تبيه وكل ما تشتهي سوّ

[نواف التركي]

ياليـت بوجيـه الاوادم عناويـن=من شان عرفك للردي ما يطـوّل



اما تعرف انه من الناس الاقصيـن=اللـي عليهـم بالمراجـل اتعـوّل



والا تعرف انه من الصنف الادنين=يومين يصلح لك وعقب ايتحـوّل



حمد بن فطيس المري

[نواف التركي]

الضيقه اللـي دايمـاً تالـي عصيـر = وش حيلتـي واردّهــا لا تجيـنـي

لاطال ظل العود حزة عشى الطيـر = كنها علـى سجـن الحديـد تحدينـي

يضيق صدري كل ما جات واسيـر = ولا يخفـف سـوج رجلـي حنينـي

لاحولنا مشـراف ولا اقـدر اطيـر = يالله قسـمـة خـيـر لا تبتليـنـي

وعقارب الساعه توقف عـن السيـر = ولاكن في الدوحه سواتـي حزينـي

والعبره اللي تاصل الحلـق وتحيـر = ياقربها لـو قيـل لـي ( ياعوينـي)

امل شـوف النـاس وردّ ومصاديـر = واللي يقـول اشفيـك كنـه يهجينـي

يعني على ماقيل من بـاب تصويـر = ( لحد ٍ ابي قربه ولا احـد ٍ يبينـي)

اروح ادوّر( خط) ما بـه( دواويـر) = وادوّر الـلـي هـادهـا تهديـنـي

واخذ مع الهاجـوس سجـه وتفكيـر = واراجع اللـي فـات بينـي وبينـي

واحسّـب ذنوبـي وادوّر لتكفـيـر = وعسـاي ماقصـرت فـي والدينـي

وعساي ماقارنت مـن ينفـخ الكيـر = واللي يحمل المسـك جعلـه قرينـي

ويطري علي يوم الحشر واطلب مجير = ما اعطى كتابي فـي شقيقـة يمينـي

ويطري على صدقان كثـر الدنانيـر = اللـي تعادينـي الـى كثـر ديـنـي

وراع الهروج اللي سـوات المناشيـر = اصـد عنـه وادري انـه يعنيـنـي

الله حسيبه يـوم عـرض القواريـر = والله حسبي مـن صـواب ٍ مكينـي

والى طرالي واحـد ٍ كانـه صغيـر = امـا اصغـر بيوميـن ولا سنينـي

دريت وش قومـي وعينـت تفسيـر = للضيقه اللـي مـن زمـن تعترينـي

حبه بصدري سالفة سـر فـي بيـر = وكـن الفـواد يقـول هـذا زبينـي

اشفق على علم ٍ يجي منه من غيـر = مايسمع اللـي سولفـوا بـه ونينـي

العام اجيهم مـن حسـاب المساييـر = واليوم حـال عـداي وينـه ووينـي

ياكثرهم غيـره ولكـن خبـر خيـر = ماغير شوفه فـي الوجـود يهنينـي

رايـي كـذا ياعاشقيـن الغنـاديـر = ماله علـى وجـه البسيطـه وزينـي

خطاي تعليق الامـل فـي المدابيـر = إليـن راح وشفـت حقـري بعينـي

صبر جميل وخابـر انهـا مقاديـر = والله على تخفيـف حزنـي عوينـي

ذي حالتي لين اتغبا الشمس واصيـر = معطى صراحي عقب ما انا سجينـي

والى امتلا جوف الشجر بالعصافيـر = طلبـت مـن رب العبـاد يهديـنـي

يعتقني المذن عقب ضيقـة عصيـر = اللي علـى سجـن الفـراق تحدينـي



محمد بن حمد

[نواف التركي]

.


.


.



العمر رحله والسنين المسافه = وقلوب خلق الله محطّات للأه

وأنا وشـ / اللي يا زماني بـ / أخافه = أن فسّروا حرفي على غير معناه

دامي معديه الردى والسخافه = من لاعرف خلّه يغني لـ / ليلاه

[زايد الشليمي]

هــذا..أنا باقي على حطت يديك...
تدور لكني ولازلت......ساكــــــن..
:
لـبيّك ياأغلى من القلب..لبيّك
أعجبك لاضاقت عليك الأماكن..


:

زايد..
:

[نواف التركي]

.

.

.


ما قلت لك ما من ورى طردة الـ لال = ألا مجاهد صاليات القوايل

ما قلت لك ماهو زمن خيل ورجال = أغلب رجال الوقت مامن صمايل

ياكثر ماخابت بك أمال وأمال = وياما أخلفت هقوتك عوص الرحايل

يا قوّ قلبك ما تزعزعك الأهوال = ثابت ولو كان الزمان متمايل

أتعبت عمرك للمراقيب خيّال = ما هنت والدنيا تجيب الهوايل