غن / لا ضاقت عليك الوسيعه / غن

[سلطان المسلط]

تدللي .. خوذي حناني هديه
تكفين بس العين .. لا تبكي دموع

انتي بقيتي قصتي والقضيه
صوتك ينادي صوت .. والصوت مسموع




عواد الرغيان

[نواف التركي]

ياسعـود مايجـرح الرجـال ويهمـه=الا الخطاء والجفاء والغبن والحاجـه

وأخوك ماهوب شرط انك جنين أمـه=اخوك من لاضهدك الوقـت تحتاجـه

لوهو من اقصى العرب من نايد الامه=آخير لك من رفيقٍ يعقـد حجاجـه



أبو يزيد

[نواف التركي]

خليلـي إن لاتبكيـانـي ألتـمـس=خليلا إذا أنزفت دمعـي بكـا ليـا

فمـا أشـرف الأيفـاع إلا صبابـة=ولاأنشـد الأشـعـار الا تـداويـا

وقـد يجمـع الله الشتيتيـن بعدمـا=يظنـان كـل الظـن ان لاتلاقيـا

لحـى الله اقوامـا يقولـون إنـنـا=وجدنا طوال الدهر للحـب شافيـا

خليلـي لاوالله لاامـلـك الــذي=قضى الله في ليلى ولاماقضـى ليـا

قضاها لغيـري وابتلانـي بحبهـا=فهلا بشـيء غيـر ليلـى ابتلانيـا





مجنون ليلى

[نور الفيصل]

اولاد نـاس ولا نحـب الوصايـا = كل يـرى نفسـه يعـادل عشايـر
ما كـل قلـب ينشـرى بالهدايا = ولا كل كسر تفيـد فيـه الجبايـر
المعطـي الله مـا لخلقـه عطايـا = لو هي على خلقه سقتنـا المرايـر
عزاي رب يعطي حسـب النوايـا = يرحم عزيزين الذمـم والضمايـر
نـاس تـدس الهـم بيـن الحنايـا = وناس وربي ما درت ويش صايـر
هذاك حظـه مثـل بيـض الثنايـا = وهذاك حظه مثل سـود الضفايـر


- مساعد الشمراني -

[نواف التركي]

سقى الله بيتـنا ذاك البسيط مشقق الجدران=شجـاع ٍ يهزم الغدراء ... بقنديله ومصباحه


تكحِّلنا القناعه .. لا طمع .. لا هم .. لا حرمـان=واذا جاء الليل تكفينا ... ثلاث اخوان .. طرّاحه


جميع الذكريات اللي غدت في قفرة النسـيان=. يحـاكي حلوها عبره ... بموق العين سبّاحه


خذتني غربـةٍ عنوانها ... غربه بلا عنوان=ابي عقب التعب راحه ... لقى فيني التعب راحه



محمد الدحيمي

[حنان محمد]

يا اخي إفهـــم

إن الجروح" اللي بقلبي
.
.

صعـــب تلتـــم !

أحمد هلال

[مزيد المزيد]

مافيه شخص ٍ فيهم تقول : فاهم
........................ولافيه رجـل ٍ ماسلم من حكيــهم
.
.
.
.
.
.
.
.
.
.
.
.
.
.
.
قردهم الله يوم زوّد .. عماهـم
........................وأنا أرجي الله فالحياه يهديهـم

بالضبط شفهم يشبهون لنساهم
........................ولاعندهم أدنى أحترام ..لذويهم

بروح عنهم وأتقي عن غثاهم
........................ويقطعني الله كان أبرجع أليهـم

[نواف التركي]

هاك ذكراك من ذكراك ويش أستفيـد=كافـي أن المشاعـر هايمـه كلهـا
ودي انساك والنسيـان ماهـو اكيـد=كيف ابنسى عيونٍ رمشها ظلهـا
من هك اليوم وانت اللي بعيني وحيد=ماخبرت العيـون تمـل مـن خلهـا
مير نفسي عزيزه وانت رايك عنيـد=والنفـوس العزيـزه ماتبـي ذلـهـا
ليه تعطيني الدافـع واقـول القصيـد=ليه صفحـه غرامـي ترجـع تفلهـا
ليه ترجع على الماضي تزيد وتعيـد=وانت من عـام الاول عاجـز تحلهـا
مابرى الجرح الاول كيف يبرى الجديد=شوف حالي نزيف جروحهـا سلهـا
كل ماشفت لك ذكرى وربـي شهيـد=كـن نـزاع روحـي بالحفـا تلهـا
اندفعـت لغرامـك يالغـزال الفريـد=والغـلا لـه دروب خاطـري دلهـا
فرحتـي بالقـا رغـم انهـا ماتفيـد=فرحـه القـاع لامـن المطـر بلهـا
وش بقى يالسراب اللي قريبٍ بعيد=المحبـه وراحـت وانتهـى حلـهـا
لو كـلٍ بكيفـه ياخـذ اللـي يريـد=كان ماشفت ناس تموت فـي غلهـا
هاك فرقاك خذها خـل قلبـك شديـد=خلهـا ماشيـه بحمولـهـا خلـهـا
كـل مـازاد تعذيبـك ذنوبـك تزيـد=الله اعلـم صلاتـك باطلـه كلـهـا




متعب التركي