غن / لا ضاقت عليك الوسيعه / غن

[نافع التيمان]

نواف .. مانمت من البارح ..




قلت لها ..


يـازيـن دلّــك .. مبـسـمـك .. يـاحـلاتـه ..


م قـدر أركـز معـك وأسمـعـك وافهـمـك ..



بـقـولــك قــبــل الــغــرام.. وغثاته


قبـل اتهقـا انـه يفـتـن القـلـب مبسـمـك


لاتستـريـح الـوصـل .. والبـعـد حـاتــه


صـلاك قلـبـي عـشـق خـاشـع وسلـمـك



الـحــب يجمـعـنـي وامـــارس شـتـاتــه


بشويش .. لوذابت حروف اسمي ..بفمك



أنا .. م حب .. اللي يجرب غلاته



لاتختبر قلبي غلا .. والله .. أصدمك ..




نواف وينك جيت اغني لك .. قصيدتي توني مركبها

بأخر سطر والله أناديلك .. مع مي هالليله بخربها


نواف أشعل لي قناديلك .. ماشوف .. مدري شنو ..

.............................

فقراء الذنب حنا ..

عشقنا يعني وطنا

فلذا .. جرمُ بأن يهوى

الذوات الفقراء ..!

كنت انا ..

وانتي..

وثالثنا..

وفيٍ يحتضنا ..

تذكرين شلون كانت ..

أروع أيام الشتاء ..!

كنت ماحب الشتا الا عشانك ..


تذكرين شكنت أهذري ..

وين صرنا .. كيف كنا ..

يعني كنت أتمنى أجرب قربهم .. معنى المساء .. خدش الحياء .. معنى الرياء ..

ماصحيت الا من الصوت الرخيم ( شفيك قلبي ) ..

عاد تدري شلون يانواف .. وينه ..!

وألتفت .. نواف وينه ؟؟

.......... : مين نواف .. أنت إشبك ؟؟

هاه .. إشبي ..!

إسمعيني :

ريحيني بالفراق الواضح اللي مابه إنّ = لا تلفين وتدورين وتذاكين بغباء

ما أبي حب .. إنتهينا ..

عيال حارتنا يقولون .. المغازل عيب ..!

وأنتي ليه تغازليني ..


عيال حارتنا أن دروا .. وشلون أبرر .. وين اودي وجهي من ديوان ابو فارس وجارتنا اللسينه ..!


لا بعد والمشكله .. من جد صارت سالفتنا ..!

هيه .. أقول ..

عاد انا ما أحب اتعب حيل .. يعني للأمانه ..

سيبوح الصمت صدقا .. لا لقاء

صدقيني ..

لو تخيلتي الغلا فينا ومنا ..

صدقيني حب مابه دمع يعني لا عطاء ..

فقراء ..
ادري التبرير سطحي حيل ..
لكن ..
هو كذا علم الفقر .. فيزيائي .. متدارك ..

ويتدخل في حياتك حتى هندية قرايب جار جارك ..!









أسمعيني جد هالمرة م راح أحكي بلاهوت الفقر .. وأمجاده .. مانيب زاعم بأنا سادته وأسياده..



يالرقيقيه ذا حرام .. حلوه صرت أتكلم بلهجة مخامل زنبقية .. زن بقية .. حلو تقطيع الكلام .. أبعنجهيه .. أيه هذي ليلتي وأنا القوي .. والله إني لنتقم من فقرنا فهالمخمليه ..


يالغرام ..

أنتم انتم لو حزنتوا .. ولو فرحنا حنا حناا = أنقياء أنتم بلهجتكم .. وحنا انقياء ..!

بس مقدار النقاوة يختلف ومواده ..

المحبه عندنا معنى الترف ياساده ..

.
.
.


يالله هويني .. .. سلام ..





لحظه لحظه ..




وأنت .. يانواف .. وينــــــــــــــــــــــــــــــــــــك ..


هذي راحت .. تكفى .. قول أمزح معاها


ناداها نواف قوووووووووووم ..

ماترد بنت الحـــــــــــــــــ ....

[سلطان المسلط]

قولــي حبيبي ليــ ؟ ـــه .. تخفيــن الاحســاس .. .. .. لاتقتليــن المنتظر قبـل حينــه

[نواف التركي]

بنت الحـــــــــــ .....

رحلت

صوّت

والله مانفع


يا أخي أحسّ بشي ....

مدري شي فيها

من بعيد

أشوفها

يا وقّفت

يا دنّقت

أو يمكن أنا غلطان

يمكن أنا متهيّأ وجاهز

لحاله من بكاء


أو

مدري والله مدري

المهم

وشلون ناصر

كيف حاله


ناصر منو

يخرب حريييييييييييييش السالفه


قصدي أسامه

شريت له (قاري)

أو لحد الحين يبكي ما رضى

أوووووف

ليش البكاء

طيب نحاول نجيب

أي حاجه....

سالفه ..... قصّه .... قصيده

أي شي

المهم نفرح وننسى الحزن ملينا ... بكى


قلت لي

شـ أخبار حارتكم

بالله للحين

هذي سليمه

بالله للحين

جارتكم


ياهي نحييييييييييسه حيييييييل

كم مرّه قالت لي..... (ولد)

أن شفتك أعلّم أبوك

من يومها وأنا


ماعاد تحظّني بلد


يسعد مساءك


كنت نااااااااااااااسي

بس عاد تصدق أنّي

كنت محتاج أتذكّر

تدري ليه

لأنّي أصلاً

شاعر ومحتاج أذكر

أي شي

وأي حي

محتاج أبكي وأنت ما قصّرت

مريت بي

منحتني

فرصه عشان أبكي معك

[نواف التركي]

محتاج لك ماهي مثل كل مره =هالمره أكبر من سهر ليل وإحساس



ياللي غيابك عن عيوني مضرة=عندي حضورك فرحةٍ مالها قياس



قلبٍ ملكته صار لك فيه جره=يغار منها كل من مر عساس



وأنا رضيت الجرح خيره وشره=بعض الجروح بهالزمن ترفع الراس



طول زماني بين برده وحره=وأنا أنتظر من يمك يهب نسناس



خل العتب .. وان كان قصدك تشره=آمر .. وأحطك في دجى الليل نبراس



بهديك قلبٍ صار حبك مقره=مليت توزيع المشاعر على الناس



فلاح السبيعي

[عبدالله ثويني المانع]

..

مليـت تـوزيـع المشـاعـر على النــاس

..

[عون القحطاني]

يجـر قلبـي مـن معاليقـه = كلما يطري ساعـة الفرقـى
صدر الهوى.. تكفى من الضيقه =دمع الوجع في داخلي يرقـى

[عون القحطاني]

يناديني .. وقلبي .. صد .. عيّا =وقفا بي .. ولا ادري وين غادي
امر ..اغصان جرحي .. واتفيّا = من شموسٍ حدتنـي للعنـادي

[نواف التركي]

خذها نصيحه ما ورى طرد السراب = ألاّ يباس الريق فـ / أرضٍ مقفره

على كثر ما كنت أدوّر لي زهاب = على كثر ما صرت أدوّر مغفره

كل الطرق منّي تؤدي للغياب = وكل القلوب اللي تمر مستنفره

أرواح تحمل كل نوع من العذاب = ونغنّي الليل البهيم ونسفره

للضايقين أفتح من الأحلام باب = وأصبح وألاقيهم قلوبٍ مقفره

[نواف التركي]

ضايق ومن عادتي لا من صدري ضاق = أروح أهجّيه بعض الشعر ويروّق

والليله أحسّ بأن الحزن فيني فاق = والشعر من فوق ضيقي كنّه يضوّق

الليل خنجر وصبح الناقمين أعتاق = فتّق وعجزت يدين حروفي تروّق

والريح تشلع طنب صبري بلفح أشواق = والدمع مبطي لغزو الجفن متشوّق

يا حادي الركب لا تسجع بحزن فراق = مبطي وأنا من كفوف الوقت متذوّق

رح غنّ عنّي وبلّغ معشر العشّاق = صحبي وقوفاً لحزن أرواحنا نسوّق

من كان مثلي يجي وأقسم معه ترياق = من كأس يصحي من الأهات ويفوّق

نجمع فتات الفرح نسكب على الأوراق = ويولد من أرحام هذا الحبر متعوّق

[رجا المريخي]

يانديم الروح إسمعنـي ببـوح = في كلام الصـدق لالا للتخيـل

الجروح اليوم ماعادت جـروح = والحزن مايفضحه كثر التويـل

يعني بعيون البشر قل الوضوح = يضحك بوجهك وحزنه ميتكيل

بس حزني من عرفته بي جموح = صار حزن الكون من حزني يتجيل

[رجا المريخي]

تفضل يابعد حي القصيد اليـوم ذا مسكنـك = ترك وسط الضلوع وخذ فناجيلك من الصافي

تفضل وإقدع إحروف القصايد كل أبوها منك = ألا ياملهم الشاعر حبيبي أطلـب إنصافـي

تبيني أعشقك وإلا بوسط القلب حي أدفنـك = تبي أبقى تبي أرحل وعد ببقالك الوافي

[وجدان الأحمد]

أجساد نحيا .. في شعور .. متوفي
إخوان لكن .... ناقصتنا .. الأخوه!!




*خالد صالح الحربي*

[نواف التركي]

نسيت أرحل
ولكنّي
قدرت أستدرك غيابي ...وأغيب هناك

نسيت أرحل
ولكنّي

قدرت أستنزع أحبابي ... من الأشواك

وأذا مرّيت ...في بالك....بلا أدراك
أذا مريت
لو بالبال

ترديني ولو بك ضــقــت


...............

كثير أشتقت

مثل من قبّل تراب الوطن ..
أشتاق

وأحس بفراق

وأسولف عنك للدنيا

يمر الوقت

[نواف التركي]

يا صاحب الليل لا تحكي لي أسمعني = الصبح صادق وعين الليل كذّابه

دعني أرتّب حروف السالفه دعني = الناس من جوعهم صارولي ذيابه

ماني غبي.. لكن ..أفوّت ويمنعني = طيبي وأشرّع لهم قلبي بأبوابه

واليا تعدّوا خطوطي غدر فـ / أقنعني ! = وشلون هـ / اللي غدر ما أشقق ثيابه ؟

[نور الفيصل]

.
.
بعض البشر لاغاب : عادي ولاشي = وبعض البشر لاغاب : تدمع عيونك


ماكنك إلا ّ : ميّتٍ في جسد حي = لاهبّت الذكرى : ومـااالت غصونك


كأنْ : أحلامـــك جداول بِلا مي ! = يعني : تجاعيد وأسى يرسمونك !


كأن : هــ..الدنيا بعدهم بلا ضي = ياشمس : لو بــ..إيدي هنا يرجمونك !!




للصادق حدّ الوجع .. تركي الحربي

[رجا المريخي]

إتركوني لجل أفضفض في قصيدي عن حياتي = إتركوني ياجماعه لجل أقـول الـي بقولـه

حلمي الي مالقيته في كثيـر مـن أمنياتـي = وقتي الي مانصفني وفرحي الـي ماأطولـه

جرحي الي محتويني حزني الي في سكاتـي = حلمي وحزني وجرحي والأمل شح بوصولـه

هالثلاث فصول هذي بالسنه تصنع سكاتي = والدموع الي بعيني غرقت رآبع فصوله

[وجدان الأحمد]

إنكساري
ظلم
في هذا الزمان ..

في زمن فيه الردايا

طيبين !





* علي مساعد *

[نواف التركي]

ياليل عندي سؤال أرجوك علّمني = أليا متى يورق الدفتر من أحزاني

أليا متى أنفث الأبيض ويـ / ألمني = خويي اللي لكل العمر خاواني

ياليل مليت كل الناس كلّمني = ما دام حظي رماني فيك وأغواني

ولاّ مثل ما وصلتك قوم ولّمني =وودعّني آخر وداع وروح وأنساني

ياليل .. تكفى لوجه الصبح ... سلّمني = على مثل ما الغروب لسجنك ... أهداني

[نواف التركي]

سحابة الصيف ما تروي ولا تبذر = تمّر مثل القلوب الخايفه عجله

عطشان هذا الخفوق الفاضي الأعذر = ياما تمنّى الريّام الوارده دجله

حاول يسامح ولكن ما قدر يعذر = وقّف يشوف الطشيش وساقها رجله

[عون القحطاني]

جيت لك مشتاق يادوحة قطر = جيت اغسل الهم وحزني وتعبي
اتحدى الريح وامواج البحر = وافرد اشراعي واثبت منكبي

[نواف التركي]

البال ماهو برايق ماني مريّح = بالله حاول نريّح بعضنا منّا

تعال نرجم عذوق الشعر ونطيّح = بعضه ونرويه للركبان ويغنّا

[عبدالله ثويني المانع]

..

أغـنّـي مـن مـلل روحـي أغــاني=طفـش ما هـو هـوى أو شي ثاني
وأنا شـاعر وفـي قلبـي مشـاعر=أعـيـش بطـهرهـا أسمـى المعـاني
قفلـت أبـواب قلبـي عن قنـاعــة=كفانـي عـطـر ذكـراها كفـاني
أغـنّـي من ملل روحـي أغـنّـي = أغــّـير جـوّ واسلـى بالأغـاني

..

[نواف التركي]

تغنّي من ملل روحك أغاني = وأنا مثلك مقيّدني زماني

خويي من حداك الليل يمّي = وأنا أدريبك حداك اللي حداني

قفلت الباب لاوالله أدري = تكابر وألاّ أنا أشوفك تعاني

تعال وغن لي بعضك وأغنّي = عساني ما أفقد حروفك عساني

[عيون الشوق]

احسب انك بوجهي فالطريق أمنين مايممت

............................ واثر منت بورايه فالطريق ولنت قدامي

ختام السالفه يا طيب العشره كرمت ودمت

........................... هذا حقك علي وحق شرهاتي على اوهامي


سعد بن جدلان

[العـنود ناصر بن حميد]

ليت الوفا كالمرض في الناس بس يعدي

على الاقل من احبهم ما يخلوني

***
مدري اكمل او اني امسكه ردي

القلب فاطر .. وأغلى الناس صاموني

" عارف زينل "

[العـنود ناصر بن حميد]

وين أنادي ومين يسمع نداي

صرختي فيك .. وسكوتي سوى

" بدر بن عبدالمحسن "

[العـنود ناصر بن حميد]

قصيدي والسهر موحش بدونك والدروب اشباح

دخيلك عيدني لاول طريق الصبح واجفاني

***

قصيدي ضاقت انفاس الغريق وخانه الملاح

عليك الله تدورني بهمي لين تلقاني

" خالد الردادي "

[العـنود ناصر بن حميد]

ودي ولكن كيف تحقيق ودي

عيا زماني لا يجيني على الكيف

" ؟ "

[العـنود ناصر بن حميد]

نشف ريق السراب.. ولا ملت عين الطريق خطاه

قسا طين الكلام ولاقسا.. زاد البلل طينه

***
شرب مر السكوت من الحروف اللي تبي تقراه

وسجد كفر القصيد لدفتري لين اعتنق دينه

***
غرقت اكتب كلام مانجيت الا ..عشان اقراه

ونجيت اقرا عذاب ماغرقت اكتب عناوينه

***
انا هذا الحضور اللي غيابه ماعرف يلقاه

وانا ذاك الغياب ..اللي حضوره ماعرف وينه

***
انا ذاك البعيد اللي يموووت..! ولايعيش اقصاه

واناهذا القريب اللي مبعثر بينه وبينه

***
انا (صوت السكون) اللي سمع غنج الصدى واغواه

بكى حتى. بكى حتى . بكى . من حسرته عينه

***
عسى صبح الوضوح ليا سرى ليل الغموض وتاه

يجي مثل الضرير اللي يمد الشوف .. بيدينه

***
نشف ريق القصيد ولا نشف ريقه شرب معناه

سقا طين الكلام .. ولا بعد هذا القسا طينه

" خالد الردادي "

[العـنود ناصر بن حميد]

كل مرة تغيب تتركني معاي
و اجلس بظل انتظاري لك
وافتشني عليك
أنت ياللي تبتكر للحزن فيني ألف ناي
ليه تتعمد غياباتك و تتركني معاي
آه لو تدري بأني حيل تتعبني غياباتك
و يذبحني غناي
يا حدود الضي
و أطراف الصبر داخل حشاي
أنت تدري شلون تتركني معاي
أتوحد كل ما أذكر من تفاصيلك
و أطرز غيبتك بنجوم هذا الليل
و أتشكل سماي
آ آآآه يا كثرك معاي
حيل أحسك تبتدي فيني
و تتشكل و تتشكل بزوغ الغيم
أو شمس أتقاطر من بلل
أو صوت ماي
أنت تربكني غياباتك
أحس أني وطن فارغ من أحبابه
فرح طوَّح بيده للقلوب و سكَّر أبوابه
تصوَّر بس بغيابك
أوقف لك على مفرق حزِن روح الغياب
و أشعل عتابه .. تروح أنت و تخليني
مثل عصفور بيت بليل بَرْد
استوطن الغابة
أنت تربكني بغيابك
حيل تربكني بغيابك
توزعني على كل البيوت الغافية قصة لنوم أطفال
توزعني مثل حزن الغريب و لجة الموال
و ترتبني مثل صمت الحجر
أو وقفة التمثال
و يصلبني غيابك بالفراغ و بالصبر أحتال
تدري أنت شلون أشعر بغيبتك
مرات أحسك
مثل بسمة شفتين اتغربن
عن قلب عاشق
مثل آخر زفرتين من الهوى بضلوع غارق
كان ودّه يحتفظ فيهم لصدره
و خذله هالبحر
أنت تدري شلون ينحرني الغياب
وكيف يتمدد بروحي
كيف يتلمس حدود الشفتين و كل بوحي
مو جروحي
كانت متعبه في غيبتك
لا والله إلا كل روحي
و تدري إنك و الغياب
أصبحتوا الاثنين فيني

" للساحر .. بدر صفوق "

[رجا المريخي]

ليه ماردو عليا يعنـي معقولـه نسونـي = يعني هانت له دموعي وضاق هذا الكون فيا

يعني لو أرحل وهاجر يعني يمكن يذكروني = أو أقول إني أحبه صوتي هو يرجـع عليـا

يعني لو أعلن سكاتي يعني يمكن يفهموني = أو أصيح بصوت عالي يعني بيعودون ليـا

يعني لوشافو عيوني الذابله هم يعذرونـي = يعني لو الموت جاني حبهـم لـي إيتهيـا

صار حكمي في يديهم عَذبـو أو إتركونـي = مايضر الميت سلخه فـي كـذا وإلا كذيـا

[نواف التركي]

وش قيمتى لاصرت شاعر معاريـض=أطرق سخا جـود النفـوس البغيضـه

تكفخ بنفسى زومة الفكـر والغيـض=مكافـخ الحـر الـنـداوى بغيـضـه

حياتـى حيـاة الطالبيـن النواهيـض=الصايمـات نفوسـهـم بالفريـضـه



فالح الدهمان




صوره /لجميع شحاذي الشعر


من نص / كوكب معيض (http://www.ab33ad.com/vb/showthread.php?p=60948#post60948)

[نواف التركي]

والله لـو نكشف خفايا بعضنا ! = غير نتهرب من بعض لا نتواجه




سالم الجهني




من نص/ رساله الى المجتمع (http://www.ab33ad.com/vb/showthread.php?t=3840)

[نواف التركي]

يقول لي صاحبي يا صاحبي دقق = وأقول ماني لكثر البربره فاضي

يقول ظهرك من الطعنات متشقق = وأقول خابر طعوني وأعرف أمراضي

اللي يبي فوق متني مجده يحقق = يرقى تراني عن الطعنات متغاضي

[نواف التركي]

يا موجعتني في سؤالك عن البوح = الصمت أرحم في زمان السخافه

عن ريبة الحكي المزخرف على اللوح = أكرب عنان حروف وأزرع مسافه

[سلطان ربيع]

أنا وقلبي تعاندنا أنا صابر وهو مشتاق
,,,,,,,,,,,,,,,,,,,,,, يمين الله وهو قلبي تمر أحيان ما طيقه

ممدوح الراوي

[د.نوف العبدالله]

،
انتبه يالمشتبه في غفلتك بين الورود
ــــــــــــ ايه انا وردة ولكن شوكتي سم العدى
،

[نواف التركي]

وشـ / قلت بالله ؟ ..... مرّه ثانيه بسمع = أخلص علي عيد مره ثانيه سرعه

ما أحب أنا القرقره وأرمع وما ترمع = مبطي وأنا أشوفها ترعى وهي درعه

[نواف التركي]

القلب وشفيك تسألني عن جراحه = أشوف كنّك على تذكيره معزّم

تعبان يرحم أبوك وفاقد الراحه = الله يرحم أبوك الوضع متأزّم

الله يرحم أبوك العين لمّاحه = ماغورقت من فضى وأشوفك ملزّم

ماني بناقص كلام الناس ومزاحه = أسكت تراني بسجن الجفن متحزّم

ياليت من هو خذا قلبك مع أفراحه = وأعطاك قلبٍ من الضيقات متخزّم

لا صرت نيشان هذا الوقت ورماحه = تشوف مثلي سحاب الحزن مترزّم

[نواف التركي]

ياصاحبي كل واحد عارفٍ قدره = لاعوّدت للصحيح يبيّن الخافي

ناسٍ تصفّط حكي ووجيهها ودره = ماعاد يعرف بها مخلوطٍ وصافي

خل الرجيلي يناقز عند هالخدره = لا يشغلك طردة الهافي ورى هافي

يا كثر شعّارنا والشعر به ندره = قليل تلقى شعورٍ صادقٍ وافي

من شفت ساحاتهم للدون منحدره = سنّدت يم الغياب وقلت يا كافي

غنّيت ياسدرة العشاق ياسدره = ما مرّك البدر ينسف ليله الضافي

ردي على واحدٍ زابنك في صدره = أهٍ وجعها من البارح وهو لافي

لليوم عيّا يفارق ضيقه وكدره = وأنتي مثل حالته يلعب بك السافي

لو في يديني على هذا الزمن قدره = ما ضاع مستقبلي وأنا أنظر خلافي

[عيون الشوق]

عشــانك أكــتم أحــزاني.. وأقــول بخيــر وبــراحه=وقــلبي يشتــكــي هــم ٍ ...يدمّــره العنــا ...تدمــير

عشـــانك أخنــق العبــره.. وأبيّــن إنــّي مرتــاحــه=عجزت أوصف أنا... هــم ٍ يفجــّر خافقي... تفجيــر

أنــا قلـبي يبـي قــربــك.. تخــفــف عــنّه إجــراحــة=يبي صـــوتــك وهمســاتــك... عــلاقتــنا تـبي تطــوير

إذا واصــلتني.. تصبـح همــوم القــلـب.. مــنــزاحه=وإن ابعــدك الزمــن... عـني حشـى عمرى أبد مايسير

نبـي نظـهـر علي العــالم.. بحــب ٍ كثـرة أفراحه=نواصــل حبــنا... ونحصــل عــليه أكـثــر من التـقــدير

تعــال اغــمــرني بحبك.. وأصير بجد .. مــرتاحــه=وإذا زعـلتــك أتــأســف... مــجـرد خــانـنــي الــتــعــبيــر



[¤©§][§©¤ عـيـ الـشّـوق ــون [¤©§][§©¤

[د.نوف العبدالله]

الشعر مثل البحر مرات من طبعه يجود
ـــــــــــــــــــ بالدرر واحيان يهدي موت ليته ماهدى

[يزيد الماضي]

ياصاحبي كل واحد عارفٍ قدره = لاعوّدت للصحيح يبيّن الخافي

ناسٍ تصفّط حكي ووجيهها ودره = ماعاد يعرف بها مخلوطٍ وصافي

خل الرجيلي يناقز عند هالخدره = لا يشغلك طردة الهافي ورى هافي

يا كثر شعّارنا والشعر به ندره = قليل تلقى شعورٍ صادقٍ وافي

من شفت ساحاتهم للدون منحدره = سنّدت يم الغياب وقلت يا كافي

غنّيت ياسدرة العشاق ياسدره = ما مرّك البدر ينسف ليله الضافي

ردي على واحدٍ زابنك في صدره = أهٍ وجعها من البارح وهو لافي

لليوم عيّا يفارق ضيقه وكدره = وأنتي مثل حالته يلعب بك السافي

لو في يديني على هذا الزمن قدره = ما ضاع مستقبلي وأنا أنظر خلافي


نواف

شكراً :)

[يزيد الماضي]

وحق اللي خلق لي

من الألم خلان

أنا محتاجة

للنسيان

العنود ناصــر

[يزيد الماضي]

دائماً

أتغنى بــ نواف

لأنــه قصيدة

خـالـــــــدة

[يزيد الماضي]

ياليتك بس تسمح لي أعلمـك أشتيـاق الـذات

لانك صرت لي ذاتـي وروح بـروح مطبوقـه




القادمه

عيون الشوق

[سلطان الدوسري]

.
.
ماقلت لك مرّه اسكت وانثبر فيني ؟؟=لاتسمع الهرج وثم اتضيع في طوشه !!
اقسم احبّك دليل واضح بعيني =ناظر عيوني عليك بسبّتك هوشه.
.

[نواف التركي]

من كثر ما أبوي وصّّاني على الخوّه = قطّعت قلبي وفاء وأطعمته أصحابي

من راح بالخير ماني ذاكرٍ سوّه = وأن رجّعته السنين مفتّح أبوابي

[يزيد الماضي]

تدرين

وش هي بيوت الطين
هي حكاية

بدايتها فرح

وآخـرهــا

أنين

[العـنود ناصر بن حميد]

وش هي بيوت الطين

هي قصة الأحباب

لما تعبهم ذاب

وآآآه يابيوت الطين

[العـنود ناصر بن حميد]

شاب العتب وانقطع ما بينناالوارد

ولولا الندم ما غرس فـ ابهامه سنونه

***
والحزن سيف على ارقاب الفرح جارد

وكل بسمةٍ في ديون الصبر مرهونه

***
إن صادفك في طريقك بالي الشارد

قله يموت الهوى .. باعيش انا بدونه

" بدر بن عبدالمحسن "

[نواف التركي]

طرد السراب لمن يحسبه ماء ماهو مشكله=المشكله طرد السراب لمن يعرف انه سراب




رشيد الدهام

[سلطان الدوسري]

نوااااف ... يسعدلي صباحك .. وشكرا على هالمتنفس ..
.
.
.
تصدق انّي مااحبّك .. واستحي لا قلتها ؟؟=أنت أكبر من حبّ يردّده هالجيل NOW
والعصور السرمديّه في قصصها خلتها=انتهت .. والعصر هذا حبّهم مافيه HOW
وان سألت وقلت كيف الروح هذي نلتها ؟؟=قلت روحك نصّ فيك .. ونص فيني بالتساو
يعني أرفع من احبّك .. لو علي ؟؟ ماشلتها=بس نكهة حرف شوكلت أو توفي أو حلاو
كالطفولة مع حلاها .. وانت كلّك طلتها=لبّا قلبك لا لمحتك انتثرت وضعت وااااااااو
اللباقه في أناقه .. بالأدب أكملتها=ياخي ارحم كل شي(ن) شاف ثم(ن) قال آو
مااتحمّل شوف شفّه .. ولايقال اهملتها=شي كبير بحق شفّه عيب منّي قول شااااو
والدليل ان الفواكه تسفهّل لااغتلتها؟؟=من تمد ايديك قالت هالشفايف : ياااااه جاو
وش توقّع من جنوني وهالشفاه ابللتها ؟؟=ايه باكل .. لاتعجّب فيّ جوع وشوق حاو
والغريب انك بنفسك أنت حتّى اكلتها=ليه لومي ؟؟ واعتبرني طفل طاح بهالحلااااااو.
.
احتراماتي

[نواف التركي]

هلابك ياسلطان


حضورك نور

[نور الفيصل]

دع ألــفــاظ الــمــوده ثـــم دعــنـــي =وثــوب الـــود خــلــه فـــي مــجــرّه
لـبـسـتـه حـيـلــةٍ والـقـصد طـعـنــي= بـخـنـجــر وقــع بـظــهــري مــقــرّه
خـطــاي إنــي لـخـوتــكــم دفـعــنــي=نـفــوري مـــن وجــيــهٍ مـكـفــهــرّه
نـعــم خــوة شـديــدالـبأس تـعــنــي = لــي أشـيــاءٍ كـثــر نـجــم لـمــجــرّه
ولـكن شـفــت منـك ما وجـعـني=وكــن الـشــب فـــي عـيــنــي تـــذرّه
صـديـقٍ فـي الـرخــاء لـكــن قـطـعـنــي = بـوقــتٍ ضــاق بـــي بــحــره وبـــرّه
صـديـقٍ فـي الـرخــاء لـكــن فـجـعـنــي= بـيــوم الـضـيــق مـابــيــن مــســرّه
صـديـقـي لـو يـبـي نـفـعـي ؟؟ نـفـعـنـي!!=ولـو يـلـحـقــه مــن نـفـعــي مـضــرّه
ولامــن ضـامـنــي وقــتــي رفـعــنــي= وضـحــكــة نــاجــذي دايـــم تــســرّه
وزمـانـي لــو يـبـعـثـرنــي جـمـعـنــي=خـشـيـري فــي الـزمــن خـيــره وشــرّه
نـويــت أهـيـنــك ولـكــن مـنـعــنــي=شــعـــورٍ بــالــوفــاء !!! لــلـــه درّه
وهـــذي كـلــمــةٍ خــذهــا ودعــنــي= وثــوب الـــود خــلــه فـــي مــجــرّه


-ا لشاعر سعيد الحمالي -

[العـنود ناصر بن حميد]

وقفت .. وكانت الفرقا .. مشيت ولا حصل نسيان

بكيت .. ولا سقاني الدمع لا مرٍ ولا حالي

***

غريبٍ تزرع عيوني سراب .. وتحصد الكثبان

وحيدٍ مثل رسمٍ مبطيٍ في صحصحٍ خالي

" بدر بن عبدالمحسن "

[العـنود ناصر بن حميد]

افتح الدفتر ويصفعني غلافه

ويتساقط كل ما به من قصيد

***
وتختنق دمعه ويسقط حلم تافه

وارجع ارسم اكتب احلم من جديد !

***

آه يا قربك ويا بعـد المسافة

اقرب من القرب لكنك بعيد !


" الحميدي الثقفي "

[العـنود ناصر بن حميد]

ياليتني لابغيت اكره قدرت اكـره

ماكان قلبي ليا جيت اكرهك عيّـا

" متعب التركي "

[رجا المريخي]

أهل الكرم مامنو الـي عطوبـه = وصويحبي حتا بهرجه ترا مـن

شفت المحبه ياجماعه عقوبـه = كني الوحيد الي بهـا ومتوهـن

ياطير ياشادي بلحـن وعذوبـه = ياطير تكفا خاطري ضاق لي غن

[سلطان المسلط]

كل الحياه أحلام .. والعمر رايح

طرقي بهالدنيا .. وغيري طراقي



خلف بن هذال

[رجا المريخي]

إذا عشت الأمل مره يراودني الألم مـرات =أعيش بدنيتي هذي على هالحال أصارعها

أحب الفرح لاكني أعيش مجاذب الونـات = أنا لو تضحك عيوني يهل الدمع ساكبهـا

[شــمــ نـجـد ــس]

:

ما كل من حبك له صافي القلب = عند الشدايد للمحبه اعتراضي

[يزيد الماضي]

"
"


:



:


:



:

:





:تــعـبـت

[نواف التركي]

ماعاد فـ / حضوري للأحباب داعي = كل الوجيه اللي تروح معذوره

[نواف التركي]

ما عاد باقي عمر يستاهل الراحه = ولا ودّي أتعب قلوب الناس بـ / أوجاعي

القلب أصلاً كأنه يعشق جراحه = مرّات أحس ما لأبوها ضحكتي داعي

هالقلب لا يشغلك وتدوّر أفراحه = صدّق وأنا صاحبه متحرّي الناعي

[يزيد الماضي]

وشلون أطير


ممكن وصفه

[العـنود ناصر بن حميد]

على ماذا تنافسني؟ علـى حزنـي والآمـي؟

يا خِي دوّر على حاجه تكون أجمل ومبتسمه!

***
على ذكر القطاف وناحل الأوقـات والهامـي

يصير إني أغيب وما أغيب ولا أنبس ب كلمه

***
يقولون الصبر مفتاح باب الضيـق وحزامـي

وأقول إن الصبر عوقي وأصر من العنا حزمه

***
فكيف أصبر وهاذي النار تحرق طُهر أقدامـي؟

وكيف أصبر وأنا أصارع جفاف العمر وأقسمه؟

***
على الليله،على البارح،على القادم من أوهامي

عساي أقدر أوزّعني وأصالح عمري وخصمـه

" للشيخه / الجابري "

[يزيد الماضي]

دقت الساعه



جفاف



:::::::


المطر

العنو ناصر

[يزيد الماضي]

ألحين

أنا


أنتهيت

[نواف التركي]

.

.

.

غنّوا

أنا تعبت من الغناء

غنّوا

[احمد هلال]

يردوني أغني للــ فرح

وروحي أنا حزنانـا

حرمتونــا

وحنـا بـ صبانــا

ليش ..

من دنيانا .. !

[نواف التركي]

شخابيط










أنت ..باهي

قد قدرت تشد مره

أنتـ ..باهي

كنت جاهز للرحيل وللـ غيـ ..اب

وجيتني والغيّـ ... آب

مو أنا هذا أبد

صدّق أنّه مو أنا

شوف يمكن شخص ثاني

كان يكتبني هنا

أيه نفس أسمي ولكن

مو أنا

أيه هو حزني ولكن

مو أنا

أيه هو وجهي ولكن

مو أنا

خابر أنّي من سنين أقفيت منّي

وشـ .. يرجعني علي

يمكن أني يمكن أني يمكن أني ؟


خابرٍ قلبي خلي !

يعني هو هذا أنا ؟

نواف جاوب حيرتي
.........في ذمتك هذا أنا
بالله هذي ديرتــــي
.........بالله أحبابي هنا
بالله هذي سيرتــي
.........هذي تفاصيل العنا


أخر اللي أذكره

جالس على الكرسي الأخير

كنت أشخبط

والمدرس كان يشرح بس كنت

ماني بيمّ الكلام اللي يقول

أذكره مره وقف

وأنا ولا ني منتبه

سارح ولاهمّي أحد

قال أنتبه ! لي يا ولد

طبعاً أنا عادي

ولا كنّي هنا

هنا ألتفت لي صاحبي

طبعاً مجازاً صاحـ ..بي

هنا ألتفت

وقلت له شـ ..اللي تبي

طبعاً مدينتنا تحرضنا على العنف الغبي

أخلص علي شـ ..اللي تبي ؟

طبعاً هنا

نوقف عشان المشهد يكون الأخير

لأن المدينه تجبرك باللي يصير

أمّا تكون أنت القوي

ولاّ تكون أنت الحقير

تصوّروا كنت البطل

تصوّروا كنت البطل!

وأربع سنين وبعدها

بديت لي عمرٍ جديد

نفس الملامح

والأسم

نفسي أنا

لكن وربي مو أنا

واحد لبس شكلي
خذا شعري
كتبني

هنا

يالله مشينا سيّدي

كل الحروف مكبّله

ماكان حزني في يدي

قلبي غدى مكبّـ ...أله


مادام هذا واحدٍ غيري مشينا نتركه

خلّه هنا دامه يجيد الحذلقه والفبركه


أنا مهيّأ للرحيل وللـ غيـ ..اب

حتى ولو هالغيّـ ... آب

حتى ولو هالغيّـ ... آب

[نور]

تقبلنا

ولا عرفنا

نعبر عن مشاعرنا

حاولنا

ولا قدرنا

ويا ريت بحبنا بحنا

طال السكوت بينا

وكان ودي لك أشكي

من كثر لهفتنا

صار السكوت يحكي

وأحلى كلام قلناه

قالوا السكوت عنا

تقابلنا

ولا عرفنا نعبر عن مشاعرنا

برعشة يد

بنظرة وجد

في لحظة ود تفاهمنا

ونساني قربك كلامي

نساني حبي الوجود

خلاني انسى الامي

وخلي السعادة تعود

وفقد الكلام معناه

وحكت العيون عنا










نور..

[عبدالله ثويني المانع]

..

لو حصل في يـوم وإجتاحتك ضيقه

وكنت من داخل تنـوح

لا تبـوح

لا تجـود بروح روح

دايـم إن كنـت إتألــم

لا تـكلّـم

لا تعلّــمهم ! تعلّــم ...

ما إتعـامل بالـوضوح

حتى لو حدتك ضيقه

شوف لك أيّـة طريقـه

أي شي !

إلا

الحقيقــة


أي شي !

إلا


الوضـوح ..


..

[وجدان الأحمد]

..

لو حصل في يـوم وإجتاحتك ضيقه

وكنت من داخل تنـوح

لا تبـوح

لا تجـود بروح روح

دايـم إن كنـت إتألــم

لا تـكلّـم

لا تعلّــمهم ! تعلّــم ...

ما إتعـامل بالـوضوح

حتى لو حدتك ضيقه

شوف لك أيّـة طريقـه

أي شي !

إلا

الحقيقــة


أي شي !

إلا


الوضـوح ..


..





الله عليك يا عبدالله

[العـنود ناصر بن حميد]

..

لو حصل في يـوم وإجتاحتك ضيقه

وكنت من داخل تنـوح

لا تبـوح

لا تجـود بروح روح

دايـم إن كنـت إتألــم

لا تـكلّـم

لا تعلّــمهم ! تعلّــم ...

ما إتعـامل بالـوضوح

حتى لو حدتك ضيقه

شوف لك أيّـة طريقـه

أي شي !

إلا

الحقيقــة


أي شي !

إلا


الوضـوح ..


..





بعض الشعر

وصفه

صح قلبك

[لينا الحمدان]

ياللي تقول .. انس الذي راح ترتاح
................ تراك كنك بالمقابر تنادي

ماكل جرح فيه حيله لجراح
................ وما بات وسط النار يصبح رمادي

مدري لمن بصراحة بس عجبتني

[نافع التيمان]

شخابيط الحلقه الثانيه





صباحك (مي ) حارتنا

يا أم الخير..

حارتنا..

جداراتك..

شخابيط الطفوله

ومهمهات طوير..

صباح الخير حارتنا

صباح البرد

بردانه !

صباحك غير

صباح بيوت تتبلل حوايطها شتا وأمطار

صباح أحلى جدار ومدرسه وأطفال وأستهبال

صباحات الكسل بعيون حرّاس المدارس

يا صباح أيوب

صباحك شمس تسألنا بشغف أحبابي كيف الحال ؟

صباحك (مي) حارتنا يا أحلى حي

صباحك (مي) بنت الهاص

صباح الباص

صباح الهايم اللي من تقاسمنا السهر للحين واقف

يحتري بالباص

زبن بقّالة الحاره

عيونه حمر متأثر شجن وآمال

صباح أخر رساله مع (مها ) راحت

كتبناها بقلم رصاص

محاها الوقت .

صباحاتك مثل حالي مع (نواف)

نروح لآخر الحاره


نراقب (مي)

ونتطمن عليها لين نتأكد


خذاها الباص .



صباح الفقر حارتنا

صباح العيشه المرتاحه المنزوعة الآمال

صباح الغايبين الحاضرين اللي غلاهم يستبيح الحال

صباح أحلى وهج شمس تعرفنا كيف ندري هناك منّا نفوس تتثاقل خطاوينا .. أمانينا .. مآسينا .. أغانينا

صباحك خير حارتنا

صباحك غير


صباح الصدق

صباح أطهر عبث أطفال ..

صباحك نور .. وبقالة .. نسجل عندها بالدين ..!

صباحك غير حارتنا .. أعرفه زين ..

صباح محيسن الخبل .. وأخوه حسين ..

صباح الشارع اللي من ثمان سنين مافتتحوه لين الحين ..!

صباح أطهر غلا مكتوب بالقوسين ..!


صباحك غير حارتنا صباحك خير ..!

[عبدالله ثويني المانع]

..

سيدة الغياب
أجزل الشكر لروحك الجميلة ..

ــــــ

العنـود ناصر
بحضورك يصبح البعض كل
ألف شكر

..

[نواف التركي]

غناء


لا أكثر

[نواف التركي]

يا أخي أبو نوره ذبحني بـ / مغناه = (مرت سنه مالك على البال طاري)

أبحث عن فراقك وصل..! وأتمناه = لا أنت ..أنت.. ولا المساري مساري

ماني من اللي يدوّرون المماره = بس جاي في بالي بجرحي أماري

( الله يا هـ /العشق شـ / مسوي الله )= ماكنّه ألا نصر .. ذات الصواري

مشتاق أنا للبعد .. آموت وألقاه = من غاب ما كن الحواري حواري

طهر الفراق اللي نهابه ونخشاه = نخشى..نهاب..نصد عنّه .. نداري

نقول نقوى .. بس ما أظن ..نقواه = (وماقدّر المولى على العبد جاري )

( ياليل ما تدري وشـ / أصل المعاناه ) = لا بعت وأنت بنيّتك كنت شاري

( تضحك وأنا صملان قلبي مطوّاه) = ما جيت مرّه تستدير بـ / بمداري

(لابوك لابو من) يجاذب بك الأه = بضحك بوجهك لين (أرد أعتباري )

خذها وعد ما عاد عيني مشقّاه = صحيح أكابر بس (هذا قراري)

شف عاد أخر بيت ..ركّز به ..أقراه = بيتٍ من التضمين .. مفرغ.. وعاري

قلبي بتلّه في يميني من أقصاه = لا العين عين ولا عذاري عذاري

[نواف التركي]

نافع


صبااااااااااااااااحك خير :rolleyes:

[نواف التركي]

من جرف لا حديره أليا حفره = هو أنت يعني ناويٍ أعجازي

أسمع معاك الصبح لين الصفره = حاول تحلل شخصي وألغازي

وأفهم ترا بعض الغباء أغفره = لا تقلب المعنى وأصير النازي

وأن كنت ما تقدر تفك الشفره = ما الله على بعض الحديث موازي

[نواف التركي]

قلت آخذك منّك وأهيجنك للطيش = حاولت أسوّي منك بعض الحقيقه

قال أيش ياعم قال أيش قال أيش = تقول هالأسلوب ما أقدر أطيقه

معليش أنا غلطان معليش معليش = حاولت أشعل من رمادك حريقه

ما للفقارى حب يا لقمة العيش = كلٍ يدوّر في زمانه طريقه

[نواف التركي]

طيّب بسيطه كلّها جرح ثاني = مثله مثل كل الجروح القديمه

يا أنسه من (مي) وآنا جناني = عجزت ألاقي له نهايه سليمه

كل القلوب تمرّ فيني أغاني = ودايم نهايتها بقلبي أليمه

لا تحسبين أنك كسرتي أماني = بالعكس كنتي في فراقك كريمه

يا أنسه يا كثر من هو نساني = ولا عاد همّي نصر ...ولاّ هزيمه

مغرور ..متكبر..صريح ...وأناني = غامض ولا عندي للأشياء قيمه

أذا تشوفيني كذا ليه أعاني = في ذمتك .. ماهي بعرفك شتيمه

لو أكبر همومي غرام الغواني = بالله شوفي كم غيمه وغيمه

تمرّني وأغض طرفي و لاني = صابر كذا يا كود جزم وعزيمه

يا أنسه مع الشكر وأمتناني = بعض الوجيه أن فارقتني غنيمه

اللي يبيع أبيع واللي شراني = ماله سوى منيّ يشوف الحشيمه

ما جيت أدوّر للسفينه مواني = ولا جيت أعالج لي عقولٍ سقيمه

أنا مجرد ..هاربٍ من زماني = اللي قردني غصب أصبح غريمه

حتى ذبحت لكل من هو قراني = قلبي.. وغنّوا مع تفاصيل ضيمه

كانوا يمروني مجرد ثواني = وأكسب من عيون الثواني جريمه

لا تفرحين أن شفتي الحزن جاني = هذا نديمي عمر وأنا نديمه

يا ما خذوا مني وهذا عطاني = في ذمتك ماهي علاقه حميمه

يالله بسيطه دامها جرح ثاني = بأرتبه ضمن الجروح القديمه

[وجدان الأحمد]

ما للرجا في بعض الأحوال قيمه
وما للعمى صبح ولو بات سهران
لو للزمن عن نية الغدر شيمه
ما فرق أحباب ولا بعد أوطان






*بدر عبدالمحسن*

[مزيد المزيد]

لا تحسبين أنك كسرتي أماني = بالعكس كنتي في فراقك كريمه

يا أنسه يا كثر من هو نساني = ولا عاد همّي نصر ...ولاّ هزيمه

مغرور ..متكبر..صريح ...وأناني = غامض ولا عندي للأشياء قيمه

أذا تشوفيني كذا ليه أعاني = في ذمتك .. ماهي بعرفك شتيمه





الله عليك يانواف والله يزيد بقسى قلب مي من شان نسمع هالدرر ...


البارحه ليلة قصيد وتعااااااااليل =عشته مع اللي تكتب الشعر بــ حساس

بصمة انوثه في قصيد الرجاجيل = ولمسة دفا يمرها جرح وانفاااااااااس

تغار من كلمة هلاها مواصيل = وتخجل شفايفها من معانق الكاس

شفت المها بعيونها تعسف الليل =وبنعاسها شفت السهر يعسف نعاس

ولا من حكيت أرخت لي السمع بالحيل = مثل أرتخااااااااااااء الصدر لاعانق المااس

اعزف لها جرحي قصيد ومواويل = وتعزف لي جروح الغلا حزن واتعاااااااس

.
.
.
.
.
.
.
.
.
.
.
.
.
.

تووووووووووي دريت
.
.
.
.
.
.
.
.
.
.
.
.
.
.
ايقنت ان الحزن سم التعاليل = من شفت بعيون المهاااا نوووم ونعااااااااس

[نواف التركي]

لو كان للعذر ياهذي الوجيه...ثمره =ماقلت للشعر خذ يدّي إلى.. أي تيه


خذني وخذني إلى مالا أحب.. أشعره =صدري مدارات ياكم واحـدٍ لاذ فيه


البارحه طاح حرف وصبح بالمحبره =نهضت قلبي وبلل وبل روحي يديه


حتى تداخل مع صدري وقلت أزفره =يالريح دوك الكلام الصعب وإلا النبيه :


لامر حرف القصيد بصدري.. أزعفره =وإطلقه لأسماع عاقلهم وقلب السفيه


تصبغه عاد القلوب البيض والمسمره =ولاهمني ..كان رعيان الحكي تقتفيه


شيٍ بروحي أعرفه وألمسه وأخبره =ماراود إلا الحنايا ودها ....تحتويه


إن كان غيري بحل بالشعر ..وإتذمره =كلي مداهيل له وإجي مثل مايبيه


حتى اذا طار طرت ولاخطى أعذره =وإن غاب أما يجي روحي أوأني أجيه


كنه خشب طيب وضلوعي له المبخره =حاشمه حتى عن المدح الأصيل النزيه


الشعر هذا مدى/ رؤيه أو.. اتصوره =شيٍ بلا وصف .. يامتملسين الوجيه


والرأي ماني ولد لصفوق كان اذخره =إن كان غيري بلع قبل الحكي شفتيه




للساحر:
بدر صفوق

[نافع التيمان]

عفيه عليك .. عفيه ..


سلام عليك يانواف .. بدر صفوق ..!




المرتمي بحضن الكلام اللايق = أصدق من وصالك معاه فراقه ..!
مابدها عينٍ بصيره .. وايق ..= هدر الجمل .. ماهوبــ برغا الناقه
يتظاهر أنه صاحب ومتضايق..!= ويشذّب أغصان العذل .. وأوراقه

[نافع التيمان]

مساء الدوخه...


دوك شمس المعاني فيك نوره هلك = دوك حرفي بوصفك بالمعاني نذوخ
أنت سيد خيالي .. خاطري بجلك= وأنت ياسيد فكري .. (واو ) في لفظ خوخ
أنت مني .. وأنا مثلك تراني .. ولك = جيتك .. أتفلسف الرسام ذا ... فان جوخ..!
عيب مقطوعه إذنه ؟؟ لا .. عاش وسلك= فـ رسم الناس قطعة إذن .. والقصر كوخ ..!
عاد نواف تركي .. لو عرف مجملك = إنك أحلا دلع .. مبهر .. وعذب .. بيدوخ ..!

سلام عليكم

[هنادي المطيري]

http://www.alresha.com/up/uploads/065a37580f.gif

عطني بقايا بياله الشـاي لاهنت ..،
......... ابرتشف باقي حروف القصيــده
اللي بغيت تقولها ثم هوّنت
......... ومن الخجل / حتى استحيت ان تعيده!!


ق/ش

[نور الفيصل]

كيف اطفي الريح بثيابك وكيف اشعلك = كيف أنتثر على جمرك وكيف احتويك
هذا أول الدرب ..او هذا الطريق أولك = جيت أتوقى عذابات المدى .. واهتديك
شوقي مسافه .. وهمساتك مدار وفلك = ان ما ظميتك غل ... يا علني ما ارتويك
إيه اعرفك واعرف اني من غلاك أجهلك = مرات اضمك واخاف اني مشبه عليك
مرات اشوفك بنفس الوقت وأتخيلك = وانشد كفوفي عن آخر سالفه من يديك
أعن لك لو تصب الموت ... وأتهيلك = واجوع لك واتمنى خنجرك واشتهيك
ما قلت لك ... عمر سيف العشق ما يقتلك = ما تشوفني حي قدامك وانا اموت فيك
اشتقت لك قبل اجيك وجيت واشتقت لك = البارحه طول ليلي بين هذي ..وذيك
مليت جمر انتظارك واستحيت أسالك = واحسبني ما بعد جيتك وفكرت اجيك
أثرك بقلبي من البارح وأنا استعجلك = واثري نسيتك من الفرحه وقمت احتريك


مساعد الرشيدي

[خديجة إبراهيم]

كذا ياقلبي اريح لك..!!
لاتزعل ..ولاتهتم
باجمعّلك من علومي ..
مراكي حيييل ..
يتسنّد عليها الليل !
ونتقهوى على همومي ..
نسامر عشقي الأبكـم !!

واغنيلك..على كثر الجروح تعيش
تغني لي..على كثر الجروح تموت !!
وابهديلك..مناديل..وجراح..وهم !!
كذا .. شمل الفراق ألتـم !
.
.
وبحكيلك قبل ابكي.. عن اول واخر احبابي
عن اللي كانوا اصحابي
عن ايامي قبل لاتمر
عن هذا الزمان (المُر)
.
.


التنومية

[شهيق ورده]

سلام الخافِق إلي عاتِبَتْه أشواق السنين..سنينْ
............سلام المُوقْ ع وسادَةْ الأمْطَار..ودَيْمِكْ جُورْ يا قَاسِي!!

[نواف التركي]

قل للسماء لا عاد تمطر حبايب = أنا أمتلا ظهري من طعون الأحباب

جردٍ رعاها بـ / أول العمر غايب = ما عاد يغريها (الوسم) تنبت أعشاب

اللي كسر ظهره جحود القرايب = وشلون يستأمن سكاكين الأجناب

يا أحباب مالي بالحكي والطلايب = وماعاد فيني قلب يستحمل عتاب

من كثر ما شافت عيوني مصايب = شريت صبري قفل وأسكنته الباب

ألد طرفي عن بروق السحايب = عن كل ما يغري بي قلوب الأغراب

قم غنّ لجروح الزمان العطايب = ولا عاد تسألني على كل من غاب

وأن عنّت الذكرى وهبّت هبايب = سكّر درايشها ترا ( الشوق غلاّب )

[وجدان الأحمد]

مومعقوله..تجي منك وترميني لأي انسان
يلملمني ولاتلقى عيونه غير دمعاتي

انا ماصدق انك انت تنهيني من الوجدان
وترميني وانا اشوف القبر نادا مسافاتي

وكسرني الشتا يا ولّيد وانت بداخلي دفيان
تحملت السنين وقلت على الله تلملم شتاتي

صحابي البرد واللاهوب وانت بداخلي غفيان
تحملت الاسى والضيم..عشانك يابعد ذاتي

انا امك..يهيه امك..حملتك والعذاب ألوان
ولدتك والالم سكين يركز داخل الهاتي

وانا اثناء الولاده من بكا صوتك طعنت احزان
لأني شفتك بصوتك تنادي كل طموحاتي

ومهدتك بعين وعين يشرب حزنها القرآن
وهزيتك وكان النور يتهزهز من ادعاتي

اضمك في يديني لا تجي وتقول انا بردان
تركت البرد لضلوعي رح انشد رعشه اشفاتي

وزولك من ركض فيني لمست بداخلي اوطان
تركتك تبني بمجدك على اكتاف انكساراتي

وتذكر يوم مدرّستك صدى وكفوفنا الحرمان
وكانت رنته من فلس خنقته لك بشيلاتي

كبرت وصرت فعيوني شجاع واشهم الفرسان
وحلفت اني على عرسك لرقص كل شيباتي

واسولف للبشر عنك واقول ولابه اي نقصان
رضع عز الشهامه شب طموحه في معاناتي

وله شان الصقر لأ..لأ..اخذمنه الصقر له شان
يجي مثل الوضو لاطب حنينه فوق راحاتي

يقولون الولد بك خان واقول ولّيدي لا ماخان
وهم يدرون ماغطا منامي غير وناتي

افا...وشلون تتركني يكحلني عما النسيان
وانت ادرى بيوم الحشر جنه تحت خطواتي

لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي

تدين اليوم ياولّيدي وباكر للاسف تندان
ويرمونك مثل امك...وتذكر حلم شيباتي



سالم سيار

[محمد الضويحي]

العزيز .......... نواف

جيت أغني على طريقتي ....بالله زيحوا عنّي شوي




أنا يا ناس عذبنـي هواهـا=هوى اللي خدّها مثل المرايـا

هني اللّي على صدره حواهـا=وباتت بين نحـره والحنايـا

جريح القلب ومالي عن دواها=دوايا بيـن معسـول الثنايـا

وربّي ... ماسكن قلبي سواها=ولو خيّرت في كـل الصبايـا

جمال البيض في كفَه طواهـا=ومامثلـه شبيـهً فاالبـرايـا

وضوّ البدر ياخذ من ضواهـا=ويملى بالضيا أرضي وسمايا

ألا ويل القلوب اللـي كواهـا=خفيف الدم مملـوح السجايـا

محمد الضويحي

[نواف التركي]

هلابك يامحمد


غن يا محمد بطريقتك

وبعفويتك

فهنا متنفس لا يحتمل التكلف والتصنع

[يزيد الماضي]

لاصار صدري هاويٍ طعن الاصحاب=مالوم حسّادي على طعون ظهري!



.......

[نواف التركي]

مشكلتك أن الله رماك بشمالي = صعبه ولوّ أخطى يراجع كلامه

(شربت مروقه) عاد لو أنت غالي = جاك الكلام ورافقتك السلامه

[نواف التركي]

تسأل عن أحبابي طيور الشبابيك =وآقول: "مدري وينهم.. بس غيَاب"



أحمد التيمان






من نص :


طيور الشبابيك (http://www.ab33ad.com/vb/showthread.php?t=4115)

[نور الفيصل]

.
حزين من الشتاء والا حزين من الضماء ياطير = دخيل الريشتين اللي تضفك..حل عن عيني



مساعد الرشيدي

[ماجد العريفي]

بليز قفمي من ثنياك قرطوع

بكوز اشفي علتن داخليه

[نواف التركي]

ماجد العريفي


ياخي جيب سيره زينه

[عبدالله ثويني المانع]

..

الصداقة والمصـالـح !!

الصداقه فووق مابعد الصداقـه مـن مصالـح=والمصالح ما تغيّر شي من صـدق الصداقـه
من شرب حتى ارتوى صافي قراح وقال: مالح=مثل من يبني معك من شـأن غاياتـه علاقـه
الصداقه صدقها.. صدق الفديع بحـب شالـح=طاهـره ماهزّهـا كـذب الكـذوب ولانفاقـه
وكل مدرك ماعليه وله...سديد الـرأي فالـح=يدرك ان مغالط الواقـع مـن العاقـل حماقـه
يامظاهرنا النظيفه وش تحت بيـض المشالـح=غير واقعنا المرير اللي وراء زيـف اللباقـه
لو نذوق الشهد.. قلنا الشهد مـر وغيرصالـح=لاتعارض مع مصالحنـا طعنّـا فـي مذاقـه
لو غرسنا الصدق مبدأ وأجتنبنـا كـل طالـح=فيه عشنا اخوان وأكثر من اخوان ومن رفاقـه
والمصالح والصداقه.. والصداقـه والمصالـح=تجتمع بأنكار "حب الذات " من شأن الصداقـه

..

لـلصديق : صالـح الضويحي !

..

[نواف التركي]

تبين عاد الصحيح وخلّي الهذره = ما عاد طعم الكلام المر يغريني

من غاب ما همني لو جاب لي عذره = بس أبتسم له كأن الأمر يعنيني

من يومه أقفى شلعت الحب من جذره = ولا عاد أشوفه بعيني طاح من عيني

[نواف التركي]

جرح الغريب فــ بعــض الاحيان عــادي =بس الالم ... والموت من جرح الاقــراب




محسن الدويخ






من نص :


بعض العيون (http://www.ab33ad.com/vb/showthread.php?t=4154)

[عادل الرديعان]

تعالي حبيَّبة روحي



ابثرلك شجن روحي



ابشكي..........لك

ابحكي.........لك


على شئٍ كتم صدري


على همٍ غزا فجري


ابشكي.........لك

ابحكي.........لك



برددلك بعض بوحي


بغنيلك شقى روحي

[شهيق ورده]

تبين عاد الصحيح وخلّي الهذره = ما عاد طعم الكلام المر يغريني

من غاب ما همني لو جاب لي عذره = بس أبتسم له كأن الأمر يعنيني

من يومه أقفى شلعت الحب من جذره = ولا عاد أشوفه بعيني طاح من عيني

غنْ نو1ف.. لا ضاعَتْ من يدينا الحقيقة..غنْ..

[نواف التركي]

أمّا الغناء ماني مخليه ما دامي = موجود وأن رحت خلّوا غيري يغنّي

اللي يبي يعجبه يقرى بـ ألهامي = واللي ماهو معجبه فـ / يسوقها عنّي

[شهيق ورده]

غنِّيتْ عتْمَ الجرْحْ..يا حزْمِنا الظامِي
.........وناحتْ سنين الهجْر لا جيتْ متعنِّي

غنِّي..ودرْبِك طهْر..ينهي لي اِظْرامِي
........أمَّا ترى جرحْي رَوَى سُودْ ما ونِّي!!

[نواف التركي]

متى السحاب يعانق الأرض ويفيض = ويبل عمرٍ كان جرحه حليفه

يوم أكتمل عشرين نطّحته القيض = ما كان همّه غير يكسب رغيفه

واليوم راحن بين صحوه وتغميض = عشر بربيع العمر وأقبل خريفه

يالله عسى عقب التعب والمراكيض = وقطع الفجوج الخاليات المخيفه

تقسم لنا في ما بقى منه تعويض = لو كان ما باقي فـ / بعضه طريفه

[نذير البيك]

المسافات بعيدة

والطريق إليكِ مُخيفةٌ

والسفر إليكِ سيدتي يُثيرُ الجنون

أمامي علامات حمراء تمنعُني من الوصول

سيدتي تعبتْ العلامات الحمراء التي تمنعني منكِ

أُريد أن أسافر آلان إليكِ

أُريد أن ألا أتوقف

مجنون أنا حين أشتاق إليكِ

والسفر إليكِ جنون يأخذني إلى البعيد

فأنا أنسى في سفري إليكِ كل جنوني

و لا أحمل في حقيبتي غير قلم

لأكتب على قلبي :





أحبك يا سيدتي بجنون

[نور الفيصل]

.
لااحدٍ يلوم القلب في فقد الأحباب = ولا احدٍ يلوم اللي عيونه مغاريق
والمستريح اللي من الحبّ قد تاب = لافارق احبابٍ ولاعايـش الضـيـق
قالوا قديم : ان الهوى حيـل غلاّب = وانا اشهد انـّه ضربة بالمعاليــق

[عبدالله ثويني المانع]

..

يا سنـد ..

ماتـت الدنيـا على كفـّـي ولـم يشـهد أحـد ..

يا سند
الملايين التي تزرع في قلبي الخرافات يموتون بدد ..

لا أحد
يرجع الموتى ليختاروا النهايات
ويلقوني بباقي خمرة العشاق بالساحل
أو يروون للشمع تراتيل الأحد

..

يا سند
يا نديمي يا سند
يا نديمي إن صفا الورد فقدم لي شرابا
واترك الدنيا تولي واجعل الهم سرابا
إنه الجرح إذا ما دقّ كأس الخمر غابا
دندن العود فأرقصت نهاداً كلّما اهتزّ استرابا
فاستجابت شفتاها لثم ثغري فامتلا القلب شبابا
واقشعر البان منها أسمر لذّ فطاب يا سند
أسمر لذ ّفطاب يا سنــــــــــــــــــــــــــــد



زكـي الـصـدير

..

[لحظة]

هذي هي ضاقت وضاقت ...

بس ماقدرت أغني ...


خلهم يغنون عني .!


http://www.movn.net/Fahd_AL_3shewY/La7ThT_qYaaB.ram


دمعة في زايد

[مزيد المزيد]

خذ رااااااااحتك ماغير انا وانت والليل
.......................خذ رااااااااااحتك سولف وانا باستمع لك

[نور الفيصل]

هبي بريحه يـا هبـوب الشمالـي = كود الجنوب ومطلع الشمس ينصاه
يامـا ويامـا فرقتـنـا الليـالـي = وعزي لمن يصفق شمالـه بيمنـاه





.. نسيت اسم الشاعر :( _

[نواف التركي]

هبي بريحه يـا هبـوب الشمالـي = كود الجنوب ومطلع الشمس ينصاه
يامـا ويامـا فرقتـنـا الليـالـي = وعزي لمن يصفق شمالـه بيمنـاه





.. نسيت اسم الشاعر :( _



ولا يهمك


لـ سليمان بن شريم

رحمه الله

[عبدالعزيز رشيد]

لحووول يالحووول ياكم قلت : لحووول
____________________ابنـي واعمّـر يهـدم البنيـان حظّــي !!

[نور الفيصل]

ولا يهمك


لـ سليمان بن شريم

رحمه الله


لا عدمناك يا طيب .. شكرا لروحك نواف

أختك نـور

[نذير البيك]

غربة تعقبها غربة..
ووطن يبتعد عن وطن..
وحبيبت لم تعد ترسل رسائل الحب..
كم اشتاق الى وطني ....
الى حضن أمي ...
ودفئ حبيبتي ....

[خديجة إبراهيم]

كل السوالف انتهت ومابقى غير.. الذكريات
كل المشاعر انطفت ومابقى الا.. الرماد
كل الليالي المتعبة نامت من كثر.. السهاد

مابقى غير قلبي.. وجنونه
ضايع في زحمة.. شجونه
محترق في وهم.. وظنونه

قلي وش تركت لي في بعدك
غير.. الشقا.. وجرح دفين.. يستعذبك
وغير.. كلمتين ..وضحكتين.. تسترجعك.
.
.
.

[نور]

رغم القصور اللي تعاني يديـة ,,, ألا اني ارفع هامتـي لاتكلمـت
ورغم الحروق اللي بقلبي مضية ,,, ألا اني اشفي علتي لا تبسمـت




نور...

[نواف التركي]

كان السهر غافي بهمس القناديل=ليلة غزاني صوتك اللي نسيته!
..وكان الهوى..ورموشك اللي مضاليل=وشمٍ على حلو الليالي محيته..
وكانت عيوني / هاجسي..والمواويل=باقي عتــابٍ في ضلوعي طويته..
حزين انا مثل الليالي المقابيل=لا طايلٍ حلمي ولاني جفيته..
ياصاحبي..لا تنشد الصبح عن ليل=ليل الغرام بطلعتك ماسريته!
..انا نسيت الشوق ما عاد بي حيل=غير اني امسح كل دمعٍ بكيته..
صار الكلام وضحكتك والتعاليل=ذكرى قصيد وقلت عقبك سـليته..
لا تفتح عيوني تبوق المواصيل=روحي غدت يافلان حيـه و ميتـه..!!
وش جابك الليله مع لمعة سهيل=كانه حنين انا حنيني وطيته..
هاك إسال دموعٍ عصتها المناديل=عن باقي عتابٍ حكى وما حكيته..!
ويا اخر جروح العمر والغرابيل= عمر وتعدى وش تبي فيه جيته..؟!!
صوتك غزا..وارتاب همس القناديل=ما هو جفا بس إني صوووتك نسيته..!!



صالح الظفيري

[نور]

بقايا نـــــــــــــــــــــــــــور


.................................................. .......


يموت النور


فى هجره

بين الليل وفرحة صبح

وينزف جرح

وعلى شط الحزن يوقف

خيال الشرح

يصير الدرب

بين الكلمه والأوراق

مسافة ليل للسهران

يموت النور فى عينه

يموت الحب

تموت الشمس

ويبقى بس ....منديلك

وشريط بصوتك الدافى

وبقايا نور

من احلام الفرح فى الامس
------------








الرائع " مسفر الدوسري"







نور..

[نواف التركي]

كل ماطاح وجهٍ من عيوني ذكرت = بـ أنك الثابت اللي ما تزعزك ريح

[نور]

ياقسوة الوقت غني بالحشى غني = خليني اقدر اواصل عزف وجداني

كم لي وانا ارقّص احلامي على ضني =واطرد هذيك الاماني بس .. ما امداني

كل السنين العجاف اللي توطّني = ماضرني جورها يوم الله انجاني

اشكر ضروف الحياه اللي تعرقلني = من كثر ماطحت صرت مفتح اعياني

واشكر هذيك الليالي يوم بكنّي = وخلتني اشوف احبابي وعدواني

وباقي سنين العمر لامايهمّني= بعيشها بين هاجوسي وشيطاني

ولو الليالي تنسي كان نسّني =نسّني اسمي وتفكيري وعنواني

نسّني الجرح والغربال والونّي = نسّني طبعي وعاداتي وجداني

يانبرة الجرح كم لي ماضحك سني =كم لي وانا في ديار الحزن وحداني

اتبع هجوسي ولا ادري وين ودّني = واليا نسيت الحزن صوّت وناداني

صوت الحزن حيل يشغلني ويذهلني =تهزني نغمته وتقول ينخاني

ماغيرها شي مزعلني ومحزني =متى تهب الصبا وابعثر احزاني

يانغمة الحزن صوت الحزن جنني = زادت جروح السنين وطال حرماني

ياقسوة الوقت غني بالحشا غني =خليني اقدر اواصل عزف وجداني




" تركي السبيعي "





نور...

[باتل عبدالعزيز]

شكرا ً
لكم ـ
هُــنا نصوص
بمنتهى الجمال

[رجا المريخي]

مسائك ورد يابو تركي

اليوم ماني خوي للأغاني فقلت أمول


أنا الي فاقد الرجعه بأملهم = وأنا الي يجرح بقلبي ألمهم

متى يعودون وبصدري ألمهم = وعلى جناح الفرح نبقى سويه

حبيبي لرجعتي مايوم حنيت = وأنا المنك جفوفي بدمع حنيت

عليهم وش كثر ياقلبي حنيت = وهم مافكرولحظات بيه

[نواف التركي]

من غبت ..ليل السهر في عيني مواصل = و تقول صبرك علي وأقول وشـ / باقي

ما كان بين الوصل وفراقنا فاصل = مثل المسافه مابين الحزن وأوراقي

أسمعك وأقرأ ملامح غيبتك واصل = ما دام عذرك ذنوب أهديتك فراقي

كان العشم فالزمان أكبر من الحاصل = يا أخر بقايا الغرام بداخل أعماقي

[عادل الرديعان]

يا غادري درب المعاذير خلّه = أرفق بحالك لا تتّعب خطاويك

أغراك هرج أهل العقول المظلّه = ومشّوك في دربٍ لغيري يوديك

ياهيه شف سيف الجزاء حان سلّه = أخلص نستك الروح ناتج تغلّيك

نفسي عزيزه موطن العز كلّه = ماتقبل خضوعي وترفض مباديك

شخصك عديم أحساس غاوي مذلّه = تفرق معاني عزتي عن معانيك

[نور الفيصل]

.
.
أبعتذر..عن كل شئ
إلا الهوى .. ما للهوى عندي عذر
أبعتذر..عن كل شئ
إلا الجراح..ما للجراح إلا الصبر
إن ضايقك إني على بابك أمر
في ليلة ألم .. و إني على دربك مشيت
عمري و أنــا
قلبي القدم

أبعتذر .. أبعتذر .. كلي ندم
عن كل شئ .. الا الهوى
ما للهوى عندي عذر

اتصدقي .. ما اخترت أنا أحبك
ما أحد يحب اللي يبي
سكنتي جروحي غصب
يا حبي المر .. العذب
ليت الهوى و أنتي .. كذب
كان أعتذر لك عن هواي
و ما أقول انا .. كوني معاي

إن ضايقك إني على بابك أمر
ليلة ألم
وإني على دربك مشيت عمري و أنا
قلبي القدم

أبعتذر .. أبعتذر .. كلي ندم
عن كل شئ .. إلا الهوى
ما للهوى عندي عذر ..


للساحر " بدر بن عبدالمحسن "

[العـنود ناصر بن حميد]

ماعاد في بالي أبالي

الليلة أحس متعكر

*
*

ياصاح جالي وفنجالي

تصب به ملح أو سكر

*
*

نفس الطعم ما أعرف الحالي

بس أنت صبه ومتـشكر

" نواف التركي "

[نور]

يــــمـــــه ..

يمه .. الى ما الحزن !! يا كل الحياة ؟؟=طال الطويل ويوم لك .. والفٍ عليك

كم بلتّ الدمعه عطش عرق النبات=وكم شحتّ الغيمه على صحراي .. ذيك

يمه .. لمحتي في عيوني امنيات !!=والمشكله ..!! حلمي على حطة يديك

واقول بعيون الرضا : مافات .. مات=واثر الزمن لعبه .. ومشواري شريك

ضميني أكثر .. واحضنيني للسبات=ودي أنام بحضنك الدافي .. وايديك

وارمي لي اطواق السعاده.. والنجاة=خليني أهدا .. دام انا منك .. واليك

الجنه.. تبقى تحت رجل الإمهات=ماهوب عيب ان صحت في لحظه .. ابيك

ضميني أكثر .. مابقا كثر اللي فات=بشكي تعب دنياي .. يرحم والديك

واقري علي الفاتحه .. والمرسلات=وماتنزل به على (( طه )) نبيك

وادعي لي الله .. في سجودك .. والصلاة=إدعي لي الله .. وارفعي له راحتيك

إتصدقي ..!! لو ضرني كف الشتات=أأأأرتاح .. لو قلتي لي : اسم الله عليك




لشاعر المشاعر .. جاسم بن همام ..


نور..

[عيون الشوق]

والله فاضي جاي تحكي لي همومك = وانت تحسبني انا من الهم فاضي

بس تدري شلون ؟؟ انا ماراح الومك = ما احدن في عيشته ياعمري راضي

خلّني يومي اعيش وعيش يومك = والقدر لا ما عليه اي اعتراضي

وان كان ماضي قلبك منسيك نومك = منهو فينا ياحبيبي ماله ماضي
.


http://www.6rbtop.com/downram.php?song_id=32355&type=au&q=hi

[نواف التركي]

أنا ما أحب اللي يجرّب غلاته = لا تختبر قلبي غلا والله أصدمك

الحب يجمعني وأمارس شتاته = بشويش لو ذابت حروف أسمي بفمك



نافع التيمان

[يزيد الماضي]

لاصار مابه قلب يبكي غيابي = ماشوف له داعي وجودي هنّيا

[نواف التركي]

ذر الرماد بأول الليل ياضوّ =واستلهم إستلهم عتاب المدينه


واترك على بوابة المغفره نوّ =يمكن تلاحظه العيون الحزينه


لا الدار هذي دارنا لا ولا الجوّ =والناس ماهي ناسنا المستكينه


الفاردين إيدينهم بالمدى الهوّ =الغارقين وهم قـلوع السفينه


الشاخصين وأول اليابسه توّ =عيّت مراحل سيرهم لاتدينه



بدر صفوق

[نواف التركي]

يمكن لوانه يلمس الجرح بيديه =يستغرب ان اللي لمسها طعونه

ابطى وهو غايب وزلت حراويه =وأنا من العام اتحرى مزونه

هو مادرى اني في غيابه محاتيه =ليته نشّد عن حالي اللي يجونه

واقلبي اللي توه افلت عراويه =كيف انسرق وضلوع صدري حصونه

عجزت ارده كن ماني براعيه= يوم انتثر شوقه وهاضت اشجونه

يبسن عروقه لكن اللي يعزيه = ان اكثر العالم تردد لحونه

خافوا من الله لاتجيبون طاريه= لاصرت انا موجود لاتذكرونه

لو كل غالي جابه الله لغاليه = ماشفت لك مخلوق تبكي عيونه



متعب التركي

[نواف التركي]

ماني اعمى بصيره بس وش عاد اسوي= مايطيب الجريـح ان كـان ماينتـداوى
كن حبه على حدب الضلوع امتطـوي =كيف ابقوى وانا بيبان قلبـي تهـاوى
شوف قلبي من جروح البعاد متكـوي= عقب ماقلت جرح العام طاب وتشاوى
يوم ساقوا ركايبهـم وشبيـت ضـوي= ماتخوفت وسباع الخـلا لـي تعـاوى
اشهد انه تعكر عقب مـاراح جـوي =مانسيتـه وزولـه للعيـون يـتـراوى
زل وقت الوعد ماعاد فيهـا تـروى =بس انا وانت ياحرف القصيد انتخـاوى
قلهـم ياقصيـدي لايروحـون تــوي =ماني الي حضوره مع غيابـه تسـاوى
رد عنـي علومٍ ماتونـس عـدوي =قلهم ( متعـب التركـي ) عليـل وتـداوى




متعب التركي

[عبدالعزيز رشيد]

مراهيش نوّك ماتبل الورق ياهن
__________________لها اليوم تاسع يوم تبرق ولاسالت
يقولون لي ضاقت عليك الوسيعه غن
______________وانا اقول شفت مْقرّد الخلق وش قالت ؟



مساعد الرشيدي

[نور الفيصل]

الا واشيب عيني يوم قالوا لي فمان الله = وتحققت انهم من عقب جمعاهم مقفيني

تغايا لي خيال الموت يومه مد لي يمناه = ولد بعينه الخرسا عقب ماقفى يراعيني

نهت وقلت مماجال بالصندوق واعزاه = سراب اللال باكر يطرد مابينه وبيني

حلفت برب خلقه لو يطول البعد انا منساه = انا وشلون ابيع اللي من العربان شاريني

تصبر ياخفوق صار داه اليوم وسط ارداه = على رجوى ان رب العرش يدنيهم ويدنيني

مثل ماخذت قلبي المحبوب عطني اياه = على شان انتساوى في المحبة بالموازين

ايلا قارنت غيرك بك خجلت وقلت :وانقصاه = انا وشلون اقارن كامل الاوصاف بالشين

ولو هو في حلى يوسف كسف لي بنت نور اضياه= وختم القول رب بك تبلاني يقويني


_ الرائع عبدالله الفيصل _

[رجا المريخي]

عَلمني الزمن حزنه وصار الحزن مـن طبعـي = رضعت الهم من صغري وكبر في داخلي شانه

رفضت الفرح من صغري وصار الدمع كل ربعي = على كفوفه أنا أغفا وإذا جـا اليـل بأحضانـه

[نواف التركي]

لا طافت الفرصه.. تحريت الاخـرى=وتروح! مـا كنـي عليهـا تشوقـت

ساري لو إن الليل مـا فيـه قمـرى=أشيل من حمل الهوى فوق ما طقـت

لا صار حظ أقشر.. والأيـام قشـرى=ما فيه أحد عاقل يلومك إليا ضقـت

صحيح بعض الناس فرقـاه بشـرى=وبعض البشر لا غاب ليله تضايقت

ليتك خذيت بليـل الأحبـاب مسـرى=غربت من كثر الطـواري وشرّقـت

السيل يبقاله علـى القـاع مجـرى=ويبقالك التذكـار لـو كنـت فارقـت

أشوف لك من وين ما رحت ذكـرى=ولا شفتها صديـت عنهـا ودنقـت

ما كل جـرحٍ لا خـذا أيـام يبـرى=بعض الجروح يزيد شره مع الوقت



متعب التركي

[نور الفيصل]

سراب وصلك مورد العذب يخدع = وانــــــا الظّما أسقانيه مـــن شرايبه

ما شفت طيرٍ طــــار إلا ووقّـــــع = لو هو بلــــــغ عند ارتفاعه سحايبه

أيّام حلــــوه مرّت ليتها لو بترجع = تحيا بها نفـــسٍ من الشّـــــوق ذايبه



- الشيخ محمد بن راشد آل مكتوم -

[نواف التركي]

ماقلت لي شي وش خليت ماقلته =اسكت وخل الكلام لجرحي الدامى

لوغيرك اللي يسولف ماتحمّلته = لكن على شان عينك هانت ألامى

للحب مفهوم عمرك ماتخيلته =ماأظن يستوعبه تفكيرك السامى

هذا الفراق الطويل وهذي أسئلته = هذا حصاد السنين وهذي أيامى

ياما وياما عليك البال طولته = والعمر عدى وأنا عايش على أوهامي

حتى طريق الفراق اللي تساهلته = لقيته أصعب على نفسي من أقدامى

اصبر لي شوي لودمي تثاقلته = بحاول أستوعب اللي صار قدامي

الحب ضحكة بعينك بس ماطلته = عمرك بهالكون شفت أبسط من احلامي!

القلب لوماخفق لك كان ماشلته = ولوماأنت ملهم قصيدي جفت أقلامي

هذا قصيدي بعينك لو تجاهلته = ينزف على شأن يروي قلبك الضامى

العام طاري غيابك ماتقبلته =واليوم حرماني أصبح مصدر إلهامى

لاتعتذرلي وابنسى كل ماقلته =وش ينفع العذر لامن ضاعت أيامى ؟




متعب التركي

[نور]

أوقات ياخذنا الحكي ..

وننسى بالحكي أوقات ..

واوقات .. يا ليت الكلام سكات ..

يجرحنا الحكي ..

اسهر .. مع حبيبي .. يا قمر الكلام ..


لين يغفى حبيبي .. وجروحي تنام ..

ابعد عن حروفي .. وعن المي وخوفي ..

وابحر في سفينه .. عن بحر الظلام ..

وصلنامدينه .. من عطر وغمام

انا وين القى كلام .. ما مر فــ كلام

اوقات .. يا ليت الكلام سكات ..

يجرحنا الحكي ..

بغني لعيونك .. في حزني وفرحي

وبكتب عيونك .. قصيده لجرحي

واخلي ابتسامك .. دموعك كلامك

قمر هالسوالف في ليل السكوت ..

ولو الف نجمه في عيني تموت ..

في حزني أحبك .. ويأسي أحبك ..

أحبك .. مأقول أوقات







بدر بن عبدالمحسن ..






نور..



...

[العـنود ناصر بن حميد]

ترآى لي بأن الدمع يبحر فـ الضلوع وقلت :
مجـاديفي صغيره والسما والأرض مـزرقـّه

***

أغوص بداخلي أشعر باني بالأماكن جـلت
أسافر دون ماأشعر وأرجع لأوراق منشقّه

***

أجمّد ناظـري وألقى باني كل مالي.. سـلت
ولا أدري هو تعب أو ضيقتين القلب أو رِقّه

***

ركلتك يالحجـر حتى تضايق منيّ الإسفـلت
وكم لاج السؤال اللي ذبحني ليه وش حـقّـه !

***

أنا ماجيت أرتّب كل خلق الله ولكن ..حلت
بصدري عن قصيدٍ اعشقه وأخشاه وأعقّه

" بدر صفوق "

[نواف التركي]

كل حاجه طعمها مر فى هذا الزمان = هم هالدنيا وحنا نعيش لهمّها


المكان اللى عرفناه ماعاد المكان = والقلوب أحداث الايام زادت غمّها


صاحبى حتى أنت ماعاد تستاهل حنان = أنت بعثرت المشاوير وانت تلمّها


البكا فى مثل هالحال نوع من الهوان = والمهونه كل رجال حر يذمّها


صاحبى لو كان للناس والدنيا أمان = ماتموت ورود الاحلام قبل نشمّها


خل عنك علوم الاحباب واللى كان كان = انتهيت وسيرة الشوق مانى يمّها


كلما تظما لياليك قمت أكتب عشان = تنزف جروحى والايام تشرب دمّها


الكلام الموحش يخاف نور الشمعدان = تحترق أسمى معانيه قبل يضمّها


من زمان أكتب علشان نقرا من زمان = بس ماشفت المكاتيب جابت همّها




متعب التركي