ذااائقة ... عبدالله

[عبدالله الجودي]

يا زين ودي اسالك بـس خجلان
الحـرب قامت بـين رمشك وعينك

لك عين ذبلانه ولك رمش زعلان
هديت حيل الزين من زود زينك

[عبدالله الجودي]

لك ظروف ولي من العذر الألوف
لا تعاتبني ولا عندي عتب

أدري إنك غير قلبي ما تشوف
وتدري إنك بس أنت اللي أحب

[عبدالله الجودي]

السهر ما ورث السهران خير
و البكاء ما رجع اللي ما وفى

قم معي يا قلب نرجع للسرير
لعنبو قلبن على الخاين بكــى

[عبدالله الجودي]

سوالفه حلـوه و مليانه إحساس
ومن كثر ماني منسجم ضاع حسي

يقول صدقني معك ناسي الناس
وأنا معه نسيت نفسي بـ نفسي

[عبدالله الجودي]

ناديت لك يـوم كان , لـ ضحكتي قيمه
بأول مواسم حصاد غصوني الخضرى

والحين : لو تمطرين احساس ياغيمه
يتنهـد الجـرح في صدري .. ولا يبرى

[عبدالله الجودي]

أغويتني بالحب و الحب سلطان
وسرقت قلبي والعواقب .. و خيمه

في عالم الانسان وحقوق الانسان
سرق المشاعر مثل فعل .. الجريمه

[عبدالله الجودي]

لبيك يارب السماوات لبيك
ياخالقن مالك شريك بجلالك

عفوك وغفرانك لعبدن يناجيك
وتقبل لحجاجن تمنوا ظلالك

[عبدالله الجودي]

العيد شوفتك ياللي تحت رجلك الجنه
وكل عام وانتي قبال عيني تدومين