ذااائقة ... عبدالله

[عبدالله الجودي]

ملامحك اللي تسولف لنا عنّك
لو إنها تنسرق والله لا أسرقها

ما أحلا من أحبك اليا جاتني منّك
إلا تعابير وجهك وانت تنطقها

[عبدالله الجودي]

ياحلو صوتك وأنت مليان بالبرد
في نبرتك فرحه ولهفه ورعشه

من هب صوتك أمتلى مسمعي ورد
الله يالك في مساء الشوق وحشه

[عبدالله الجودي]

اشتقتلك وانا اعرف القلـب لاشتـاق
ماتهتز اركانه علـى شخـص عـادي

ياغايبٍ عذره معـه , بـس الاشـواق
تقتـل حبيـبٍ فـيـك مـغـرم وغــادي

[عبدالله الجودي]

على رصيف الليل لـ الذكرى مكان
هدّتني الفرقى : ومرهقني الحنين

متى يجي ؟ محتاج أشوفه من زمان
تعبت أشوفه في وجيه العابرين

[عبدالله الجودي]

ياهاي الــ هاي .. ياكشخة الاكابر .. يا تب التب
يالراحه .. يالاستجمام .. يالمستوى الراقي

معي حر شوق .. وقو خرمه .. ولهفة حب
.. عالج وحدةٍ منها واسامحك فالباقي ..

[عبدالله الجودي]

ايه سولف عن هذاك وعن هذاك
بس تكفى لا تشبهني بأحد

خلني غير البشر وانا معاك
خل هالدنيا .. انا وانت ومحد

[عبدالله الجودي]

اليا مشت .. لكزس ولا وقّفت .. رنج
واليا جلست .. مرسدس بين الدداسن

تجر خطوتها على الهون و الغنج
كنها مع مشي .. الحمامه توازن

[عبدالله الجودي]

احلى لقى .. لا صار من دون ميعاد
صدفه كذا مثل السماء .. يوم امطرت