ذااائقة ... عبدالله

[عبدالله الجودي]

بسم الله الرحمن الرحيم
انا ماني بشاعر ولكن متذوق للشعر وهنا يسعدني ان أضع ما يروق لذائقتي
اتمنى ان يرقى لذوق كل من يمر من هنا
وايضاً احب أن اشكركم ع المرور والمتابعه
ولكم أطيب التحايا وأصدقها

[عبدالله الجودي]

ورد الغـلا ، يـذبـل مـن البعد ويموت
تـلاحـقـه ، واسقه ، اذا عاده امـداك


اقصى امل لمواصلي فيك بـ الصوت
والى قطعت الصوت ..حرمتني ايـاك

[عبدالله الجودي]

اغتنمني رزق و احسبني نصيب
وحطني مابين قلبك و العقل


الثقل اســـلوب قدام . . الغريب
وبيننا مامـــن غريب الا الثقل

[عبدالله الجودي]

يمكن يضيع الشوق في داخل ( إنسان )
ويمكن يضيع انسان من كثرة ،، الشوق

[عبدالله الجودي]

قهوي مزاجي بنظراتك وقهويني
وانا بقهويك شعراً عذب و محلا

كل المشاعر على دربك توديني
ولغيرك الصدر مارحب ولا هلا

[عبدالله الجودي]

عيونك الثنتين .... أجمل قصيده
ومن شان عينك كل هاجس يجيني

أول شطر قلته : عشانك / وأعيده
سحقا لعينك جابت العيد فيني

[عبدالله الجودي]

محبتي لك : ما لها حد و قياس
حبّي لـ روحك مثل حبّي لـ روحي

كل شي حلو أحب أشارك به الناس
إلا انت أحب تكون / حقي بروحي !

[عبدالله الجودي]

الشوق ، و الغيره ، و كثر المحاتاه
آصدق صفآت الحب و آجمل طقوسهّ

[عبدالله الجودي]

ابسألك ياقاضي الحق واحكم
شخصٍ سرق من موق عيني كراها

ياكيف مسلم يسرق انسان مسلم
حتى المشاعر وسط قلبي خذاها

[عبدالله الجودي]

لي حبيبٍ نـظرة عـيونه غـرام
وهمسة البسمه ترانيم و لحون

ان حكي يزهى من المعنى الكلام
وان سكت تاهت من شفاه العيون

[عبدالله الجودي]

آي وآلله آني على طآريك متشوق
يَا وآحدن عينه تسسآوي ، مدينه

يقولون لي روق وآنا مآني مروق
ترويقتي صوته ، وقلبه ، وعينه

[عبدالله الجودي]

حبيت وفارقت وتعذبت وإشتقـت
لكن عجزت آقول وش كثر أعاني


أَنٌـا مجرد صوت في حنجرة وقـت
كل ما بغيت أطلع خنقني زمانـي

[عبدالله الجودي]

كل ما ضاقت بوجهي رحت اصلّي
وضيقتي ما تُفرج الّا فيْ صلاتـي

يــالله إنــي طـالـبك بـ إنـك تـخـلّي
الصلاه اهم حاجه فـي حـيـاتــي

[عبدالله الجودي]

كيف اجاوب شوق قلبي او ارده
وانت بين انفاسي تعيد الحنين

خذ غصون الصبر واقطف كل ورده
واسقها من غيمتك عطر السنين

[عبدالله الجودي]

اليوم وش في مزاجگ حيل متگدر
تكتب عن البعد والأشواق والغيره

نعرف طبع البشر ونشوف ونقدر
وإذا تبي الشور بعض البعد به خيره

[عبدالله الجودي]

منت بحاجة مدح مع كل هالزين
أنت بحاجة حُب ، ، ممكن احبك ؟

[عبدالله الجودي]

كنا انا وانت والثالث الليل
ويضيع كل الليل بيني وبينك


حنا تعودنا على بعضنا حيل
هذا انا والليل بس انت وينك

[عبدالله الجودي]

اليا جرحوك اللي . . بليا ضماير
عاملهم باخلاق لو هم بلا أخلاق

الشمس لو تزعل على اهل الستاير
ما كل يوم تداعب الناس باشراق

[عبدالله الجودي]

حليت ضيف ورحت من غير تكليف
واقفيت ما تدري عن اللي خذيته

رد الامانه لأهل الدار يا ضيف
قلبن رهيف احساس وانت ابتليته

[عبدالله الجودي]

دمعي .. مالي .. الأهداب
وانت .. عايش .. ولا همك


تدري وش يعني فراق أحباب
أو تدري عطني برودتة دمك

[عبدالله الجودي]

الدرب هذا
صعب
وإحساسه وعر
وأنا شعوري
غير قابل للمساس
تحبني ،
على أساس
أكتب شعر
بُكره تحب غيري
على نفس اﻷساس

[عبدالله الجودي]

حفظتك بصدري واسولف عليهم
ومن الحذر اسمك . . أمانه

لو يعرفون اسمك توهقت فيهم
كل ما بغوا حاجه قالو عشانه

[عبدالله الجودي]

دراهمك لك .. واسم جدك لجدك
ويش انت يوم ترز خشمك على الناس


اوافقك .. بالناس مافيه قدك
لأنك اصغر عقل واخلاق واحساس

[عبدالله الجودي]

عطرها اللي ريحته تطرب الراس
يستغربونه لـيـن كـلـن نشدها

تراه نفس الي يحطونه الناس
لكن تـغير يـوم خالط جسدها

[عبدالله الجودي]

مافي داعـــي بـ الغرام.. نتكلم
ومافي داعي بـ المسير نتخاوى


الـــذ ماف الحب إنّا نــــتـالم
والـــذ ماف الجرح إنا نتـساوى

[عبدالله الجودي]

لا تسولف ليَ عن ظنون الغياب
كل من يخطيَ بَ يلقىَ له جـزا

جايب أعذارك بعد طول الغياب
وش يفيد الورد ، في .. ليلة عـزا

[عبدالله الجودي]

شفت الأصابع كيف ضمت بعضها
وتشابكت ود .. و غلا روح .. و إحساس

والا الدفا اللي بين كفين يدها
تفسير للي داخلي لك من .. إحساس

[عبدالله الجودي]

القلب قلبك مع عيوني و الانفاس
كلي لـ اجل عينك . . حلالك حلالك

مالي لزوم بـ قرب غيرك من الناس
يكفي وجودك جعل غيرك فدآ لك

[عبدالله الجودي]

قريب مني لو إنك عني بعيد
و أبيك لو ظروفنا باعدتنا

حنا ضحايا حظوظنا والمواعيد
أحباب والأقدار ما ساعدتنا

[عبدالله الجودي]

كان عندي شخص يـا محلى هواه
ومن تركني مات قلبي بـ اللي فيه

مـاني قايل ليه مـا أخذني مـعـاه
بـس يـا اخـي لـيه عـودني عـلـيه

[عبدالله الجودي]

.
.
.
تبسمي واعطيك من عمري عمر
تبسمي و أعطيك كلي .. لو تبين

[عبدالله الجودي]

لا تفتنين عيوني .. الله يخليك
يافتنتي ياضيعتي يا انتمائي

مافيه حاجه فارقه ماهي بـ فيك
فتنه ، وأنا عبدٍ ضعيف وبدائي

[عبدالله الجودي]

لا تسولف لـ الوجيه ولـ السما
بس سولف لي انا منهو اكون

انت اصلا نور .. في ظلمة عمى
او بلاش من العمى انت العيًون

[عبدالله الجودي]

ما ذبحني فيك .. غير الإتيكيت
مـع برستيجك ، إلى ما لا نهايه

التناسق بـ الخطاوي لا مشيت
كنك تسوّي لـ بتهوفن ، دعـايـة

[عبدالله الجودي]

كنت اسولف وقلت اسمك بـ الغلط
احسب اني يا الغلا ( جالس معك )

واللي سمعني ضحك ثم قال بـ عبط
اسلم .. اسلم .. دام محدن يسمعك

[عبدالله الجودي]

بين ظرف الزمان وبين ظرف المكان
مبتدأ الحب مرفوعٍ بنصب الخبر

خايف يكون قلبي مثل مفعول كان
وخايف إنك عنيد وماتكذّب خبر

[عبدالله الجودي]

العماا لعيون من يبغض عيونك
وأنت عيونک سم .. بسم الله عليها

سعد عين اللي يمـرون ويجونک
ولا أنا لو جيت صوبک رحت فيها

[عبدالله الجودي]

أنا ياليل في صدري حكايه
حكاية صمت تبكي للكلآم


أنا مدري بدايه أو نهايه
كتبها الحزن واخفاها الظلآم

[عبدالله الجودي]

شفتك و أخذني جمالك لين ودّاني
خارج نطاق ( أسئلتنا .. الطبيعيّه )

عندي سؤالٍ غريب و ما معه ثاني
انتي { فوتوشوب ولاّ انتي حقيقيّه }

[عبدالله الجودي]

طاح الحطب والخواطر زال مافيها
ياحلونا ياحبيبي لا تصافينا

كلمة زعل ماابيك تجيب طاريها
وشلون نقدر نعيش ان ماتلاقينا

[عبدالله الجودي]

مـو كل مره أحـب وتسـلـم الـجـرّه
لي نفس تشري وصالك لا تبيّعها

الفرصه إللي تجي لك بالعمر مرّه
حاول بـ أنك تضيع .. وماتضيعها

[عبدالله الجودي]

من يوم مالوّحوا بكفوفهم لـ الوداع
وهذا مكاني على حطة يدين الجروح

كل الدروب الوسيعة تنتهي بالضياع
راحوا ولا علموني بعدهم وين أروح

[عبدالله الجودي]

ع الجرح شُكراً ياحبيبي وحيّاك
مافيه جُمله في غرامك “ مُفيده

بتروح ؟ سكّر باب الأشواق ويّاك
فرصه بـ أحاول أعتبرها سعيده

[عبدالله الجودي]

أنتي دلع / أنتي حلا / أنتي فرس
بالمختصر أنتي فتاةٌ رائعـه

مفروض مثلك لا مشى ياخذ حرس
خوفٍ عليك من النفوس الجائعه !

[عبدالله الجودي]

عيونك احلى عيون لا تسأليني
مادام حتى الشعر بالوصف يبلش

يكفي .. ليا حطيت عينك بعيني
اكره عيوني .. كل ما جات ترمش

[عبدالله الجودي]

هذا أنا .. جالس على دكة / الحب
أتابع . . . اشواط الغياب الإضافي

على أمل ركلـة وصل تنعش القلب
من قبل صفارة فراق و تجافي ...

[عبدالله الجودي]

ظروف .. دايم .. تفرّقنا .. وتجمعنا
وما تحسب حساب تعذيبي وتعذيبك

ودّي .. أجيب الزمن .. وأقعّده معنا
وأعرف ... ليه الزمن ياخذك ويجيبك

[عبدالله الجودي]

كل ماحاولت من همّي أطير
أسمع الدنيا تردد : ياسلام

كنّ هذا الوقت شارع مستدير
أهرب من الليل وادخل : بالظلام

[عبدالله الجودي]

https://pbs.twimg.com/media/BrKSouPCUAA34UE.jpg


كل عام وانتم بخير
نسأل الله أن يتقبل صيامنا وقيامنا وصالح أعمالنا


ولنا لقاء ان شاءالله بعد رمضان

[عبدالله الجودي]

كل عام وأنتم بخير
ومن العايدين أن شاءالله

[عبدالله الجودي]

تعال فهّم خفوقي إنك لـ غيري
ما زال ينبض كأنك داخل عروقه

[عبدالله الجودي]

محتاج شوفك حضورك لذة عتابك
محتاج لاي حاجه تنسيني الذكري


كل شي من غبت عني يشبه غيابك
وكل شي يشبه غيابك عيشته قشرا

[عبدالله الجودي]

جتني وانا جامع لها شعر وكلام
وسهم الغلا فيني صعد ولا نزل

من رقت الاحساس فيها يا سلام
حتى صباح الخير تحسبها غزل

[عبدالله الجودي]

ليت الصدف جابته في سكتي مره
مع إن مالي أمل به بس في صدري

إحساس ينتابني من فتره .. لـ فتره
إني بشوفه ولكن وين .. ؟ ما أدري

[عبدالله الجودي]

ماني ضعيف ان شفتني معك صابر
لكني ( احبك )، ولا ابغى اودّعك

ضاعت فرص مني لأني .. ( اكابر )
مابي اكابر معك / خايف اضيّعك

[عبدالله الجودي]

فزة خفوق ورعشة اهداب وايدين
هذي ملامح صورتي يوم اشوفـك

هذا وانا شوفي لك العين بـ العين
وشلون لو تلمـس كفوفـي كفـوفـك

[عبدالله الجودي]

كل ما شفت الندى فوق الزجاج
أكتب أسمك .. من حبر سبّابتي

وكان يقتلني شعووور الاحتياج
كلّ ما ذابت ... حروف كـتابّتي

[عبدالله الجودي]

بعض العرب لا حب بالحيل ينحب
وبعض العرب ما يقتله غير حبه

آعظم جروح الحب لا خانك محب
وآكبر ذنوب الحب فرقا الاحبه

[عبدالله الجودي]

حبيت وفارقت وتعذبت وإشتقـت
لكن عجزت آقول وش كثر أعاني

أَنٌـا مجرد صوت في حنجرة وقـت
كل ما بغيت أطلع خنقني زمانـي

[عبدالله الجودي]

تفداك نفس خذاها الشوق صوبك
ويفداك قلب ما لقى مثلك احد

و تفداك عين ما تبي غير شوفك
و يفداك عمر ما فدى قبلك احد

[عبدالله الجودي]

علمَني أقرا : حديث عيونك‌ الخرسىَ
ما دام صَمتك‌ عنيد : مثل كتمانيَ

[عبدالله الجودي]

الحب ماهو مثل ماحضرتك هاقي
بستان ضحك ودلع واحلام ورديه

الحب مثل الزهر يحتاج له ساقي
يعني يبيله صبر واطنان حنيه

[عبدالله الجودي]

في عيونك سالفة جرح وحزن
وارتباك ودمعة وحيرة وآه


يكذبون أهل القوافي والوزن
دمعتك أعظم قصيدة في الحياه

[عبدالله الجودي]

انا بليا حب .. مبدع ، و حساس
ما به جريمه شعر إلا : ارتكبها

والله لو عندي حبيب مثل هالناس
لـ أكتب قصايد حرام محدن كتبها

[عبدالله الجودي]

يقول ( صح النوم ) و أنا فاهي
من هول زينه قلت صح لسانك

لخبط كيان المفرده ، بـ شفاهي
و اقفيت اردد صحتك و ابدانك

[عبدالله الجودي]

كيف تبغاني انسى و انت عابر سبيل
حط حبّه امانه بـ ( الضلوع ) ورحل

[عبدالله الجودي]

امووت بِـ غيرته وآعشق جنونه
وآحب بِـ نظرته آقرا غلآتي

تطمن مَـ احب إلآ عيونك
لاني شفت بِـ عيونك حيآتي

[عبدالله الجودي]

أحبّك اكثر منك لا تسأل شلون
ياواقعي وأحلامي اللّي خذوني

إذا .. عيوني شافتك مرّه تخون
أصدقّك والله وأكذّب .. عيوني

[عبدالله الجودي]

المهره اللي تنحني لكل فارس
تدمن على اللعبه ويكسر ظهرها


والمهره اللي دونها الف حارس
يصعب على طوال الشوارب نحرها

[عبدالله الجودي]

إنتظاري عطر واحضانك بلاد
والمدى صرخة عبير تضمّنا


هات كفك 'لعنبو ، كف البعاد
لا تساومني بروحي وانت انا

[عبدالله الجودي]

خلك مثل طبعك جميل وتـجمل
وارحـم حبيب بالهـوى صار مغليك

تـرى الـغلا نفس الـغلا ماتبـدل
طـال الـزمن ولا قصـر ميتن فيك

[عبدالله الجودي]

غايب عن عيوني وغابت حكاويك
وأنا اللي راهنْ لك خفوقي وديعه


ليتك تحس بوحدتي يوم أناديك
أنا أشهد إن ذمّة غيابك وسيعه

[عبدالله الجودي]

لا عاد ترجع ترى وصلك ماعاد يعنيني
خلك على غيبتك وأيّامنا راحت

وان قلت وش فيك مايحتاج وش فيني
عودت نفسي على فرقاك وارتاحت

[عبدالله الجودي]

قالوا الدنيا غريبه .. قلت مـافيها غـرآبه
الغرآبة في النفوس اللي تخليها غريبه

[عبدالله الجودي]

ياليت القلوب الباردة تنعرض للسـوم
ابى أشريك يا قلب اجوديٍ على بالي

ابى آخذك وقت النوم لين اني أشبع نوم
وأرجعك حين أصحى من النوم طوالي

[عبدالله الجودي]

تدرين لا جاگ التعـب .. وش تسويـن
إنـتِ اشهقينـي داخلـگ ،، و اترگيـنـي

[عبدالله الجودي]

آحيان صغر آلحلم ، ، ماهو بـ قدّي
وآحيان ، كبر آلحلم يقصر عن آلحال

كم حاجةٍ فـ آلبال ، ماهي بـ يدّي
وكم في يديني شي ماهو على آلبال

[عبدالله الجودي]

أنا ترى أنسان . . ماني بمصنوع
أحساسي أكبر من كلام وأغاني

مرات أخصص يوم واحد بالاسبوع
آخذ جروح الناس منهم ؟ وأعاني

[عبدالله الجودي]

يابخته النوم يوم يغازل جفـــونك
وتصافحه بالنعاس جفونك الخدرا

والحاله اللي تشابه غفوت عيونــك
ما تشبه الا سحابه تحتضن قمرا

[عبدالله الجودي]

يارب سامحنـي بلطفك ليا اخطيت
عبدك همـومه في ضميـره مقيمة

انت العظيم اللي سميت و تعاليت
وانا الضعيف : اللي ذنوبه عظيمة

[عبدالله الجودي]

يا مبدعه ، يا رائعه ، يا أنيقه
يا الأوله رغم إختلافات الأذواق

إبداعـك بـ لمـعة ضيـاه وبريقه
أخذ مع لفت النظر لفت الأعناق

[عبدالله الجودي]

وش حيلة اللي شاف في عينك بلد
ولو غابت عيونك يحسّ انه غريب

ما فوق قدرك يا بعد عمري احد
وما بعد حبك يّا ضيا عيني حبيب

[عبدالله الجودي]

جاري اتصال الحب بين الخفوقين
الذبذبه همسك ، والإرسال صوتك


والشاحن النظره من العين لـلعين
ونهاية الخدمه يا موتي يا موتك

[عبدالله الجودي]

آضحك على العذال واللي يقولوون
ان ( المحبّه ) بيننا .. مالها ساس

ان كانه الفرقى ف والله يبطووون
مادامنا ( بالحب ) عينين في راس

[عبدالله الجودي]

اي والله إني كل ما اعدّ الذنوب
كن النسم عن جوف صدري كاتمه

يارب تهديني على التوبة واتوب
و ترزقني الجنة و حسن الخاتمه

[عبدالله الجودي]

يآ أهل المكاتب ارسلو للفلبين
الــخـــادمـه يـوميـن لازمّ تجيـهـا

محبوبتيّ ما بين طبـخ ومواعينّ
حسبي على الصابون شقق يديها

[عبدالله الجودي]

متى تخلِيني اضحك ي مبكيني
وانا الوفي لـ غيابك وتاخيرك

مومشكله لويطيح الدمع من عيني
المشكله لا مسح دمعي أحد غِيرك

[عبدالله الجودي]

من كثر .. ما قولها .. ياحبني لك
غار وقتي .. ضيّق ظروفي عليّه

حتى لو قصّرت .. وصلي ردني لك
لا .. تخلي شوكة الفرقا قويه

[عبدالله الجودي]

اص ياقلبي ماهي حزة حنين
العيون اللي تبيها .. ( نايمه )

لاتظن إن المواصل كل حين
جمعة الاحباب ماهي دايـمه

[عبدالله الجودي]

يتوق لك قلبي وانا فيك تواق
اخترت حبك عن جميع الخلايق

دام المحبه باختلافات الأذواق
انت الوحيد اللي لك الحب لايق

[عبدالله الجودي]

يسبقني آلقلب قبل آلشوق بـ آلنظره
وآغضّ نبضي قبل لآ يفضح اسرآري

وآفتح شبآبيك سمعي لآ طرى ذكره
وآقول مدري ،وآنآ في ذمّتي دآري

[عبدالله الجودي]

قرّب لـ فمّي .. مسمعك
بعلّمك .. وش كثر ابيك

تدري وانا جالس معك
اشتاق لك ووله عليك

[عبدالله الجودي]

حـظ عينك لا بغيـت النوم نامت
ما انت مثلي لاحقك خيبه و صدّه

لا نويت تنـام صار القلب صـامت
و ألا أنا ليلي سوالف لـ المخدّه

[عبدالله الجودي]

وين حسك ؟ .. طال عن سمعي مدآه
وين عطرك ؟ .. خاطري آستنشقه


صوتك آلمغري ابسال من خذآه
من هو كثري يآ غناتي يعشقه

[عبدالله الجودي]

طاحت الذكرى ، ودمع العين طاح
ليه لا حبيت لي شي .. ابتعد

اذكر اني قلت "انا احبك" وراح
عقبها ماقلت "انا احبك" ل احد

[عبدالله الجودي]

أنا عيوني تشتكـي مـن عيونـك
وأنت عيونك تشتكي مـن هدبهـا

سبحان من صب السحر في جفونك
واهداك عين ما روى من شربهـا

[عبدالله الجودي]

يا زين ودي اسالك بـس خجلان
الحـرب قامت بـين رمشك وعينك

لك عين ذبلانه ولك رمش زعلان
هديت حيل الزين من زود زينك

[عبدالله الجودي]

لك ظروف ولي من العذر الألوف
لا تعاتبني ولا عندي عتب

أدري إنك غير قلبي ما تشوف
وتدري إنك بس أنت اللي أحب

[عبدالله الجودي]

السهر ما ورث السهران خير
و البكاء ما رجع اللي ما وفى

قم معي يا قلب نرجع للسرير
لعنبو قلبن على الخاين بكــى

[عبدالله الجودي]

سوالفه حلـوه و مليانه إحساس
ومن كثر ماني منسجم ضاع حسي

يقول صدقني معك ناسي الناس
وأنا معه نسيت نفسي بـ نفسي

[عبدالله الجودي]

ناديت لك يـوم كان , لـ ضحكتي قيمه
بأول مواسم حصاد غصوني الخضرى

والحين : لو تمطرين احساس ياغيمه
يتنهـد الجـرح في صدري .. ولا يبرى

[عبدالله الجودي]

أغويتني بالحب و الحب سلطان
وسرقت قلبي والعواقب .. و خيمه

في عالم الانسان وحقوق الانسان
سرق المشاعر مثل فعل .. الجريمه

[عبدالله الجودي]

لبيك يارب السماوات لبيك
ياخالقن مالك شريك بجلالك

عفوك وغفرانك لعبدن يناجيك
وتقبل لحجاجن تمنوا ظلالك

[عبدالله الجودي]

العيد شوفتك ياللي تحت رجلك الجنه
وكل عام وانتي قبال عيني تدومين

[عبدالله الجودي]

من عطاك الحق تسكت وانت صوت
ياخذ الاسماع دايم في طرب

مو صحيح ان الذهب منه السكوت
أنت في صمتك وفي صوتك ذهب

[عبدالله الجودي]

بعض آلبشر يعجبك حتى آحترآمه
وتحب فيه آجمل صفآته وترتآح

آن غـآب تشفق في لقآه وسلآمه
وآليآ حضر همك من آلقلب ينزآح

[عبدالله الجودي]

ياناس صارت للجروح اعمار
من ياخذ جروحي .. يربيها

مشاعري للبيع .... والإيجار
وعندي كثير اشياء .. مابيها

[عبدالله الجودي]

تعال صبحني ب نظرة عيونك
واترك صباح الورد للي يبي الورد

[عبدالله الجودي]

من دق باب الرضا يلقى الرضا رده
ومن دق باب الجفا ياخذ على قده

حنا درسنا الهوى جزره على مده
وما يكسب الواحد الا ما قدمت يده

[عبدالله الجودي]

ليت العمر مسجد و الأيام ركعات
و ياليتني لا تبت ما أعيد ذنبي

مهـما تجرّب من شعور الملذات
مافيه اجمل من شعور المصلّي

[عبدالله الجودي]

شخص واحد لو طلبنـي بـ الغـرام
ما أقدر آرفض له طلب ،، دآمه هنآ

عآرف نفسه . . واذا شاف الكـلام
يبـتسـم ويقـول . . تقصـدني أنا

[عبدالله الجودي]

صورني بشرط !! سمّـعني سواليفك
اللي تبرّد لهيب الشوق في صدري

ياسيدي قوم صورني على كيفك
مانيب من ربع صورني وأنا مدري

[عبدالله الجودي]

"الشتاء قرب و حالي لا يطاق
لا حبيب .. وﻻ نديم وﻻ خليل

ما هنا لمسه .وﻻ حتى عناق
انتظرني .. يـ حليب الزنجبيل

[عبدالله الجودي]

جيتك بليد احساس واقفيت حساس
بعدك طواري الحب تجرح كياني

أول أواسي كل عاشق من الناس
واضحك عليهم لين الله بلاني

[عبدالله الجودي]

فنجال قهوه وابتسامه وسعة بال
تلقى المسا يروق لوكنت ضايق

لا تقول مالي خلق وتـكدر الحال
حاول تعيش من التفـاؤل دقايـق

[عبدالله الجودي]

في طرف صدرّي بقايا من حنين
وان بغيت الصدق ! كليّ حن لك

مهيب قصة شوفني بعدّك حزين
بس ليه تروح وفيني شيّ لك

[عبدالله الجودي]

الـحـب تعـريفه وسـيـلة تـواصـل
أخذ وعطى بأحساس بين المحبين

ولاصار في حبل التواصل فواصل
ماعاد تدري الحب رايح على وين

[عبدالله الجودي]

الراي يبغاله رجل والحمل يبغاله جمل
والطيب يبغاله رجالٍ ماتصر فلوسها

والدرب يبغاله خوي لو طال دربك مايمل
واليا حصل شد الحزام الكايدات يدوسها

[عبدالله الجودي]

حزنك الراقي يضيع مجتمعنا
وكل ماتبكين مات اربع نشاما

[عبدالله الجودي]

مايدفي الجسم غير الصوت أبو بحه
مشـاعري كـلها من نـبـرته تـلـظـى

لو كان تدري عنه " وزارة الصحه
تسجّل الصوت واتبيعه على المرضى

[عبدالله الجودي]

ااااهـ من عيونك وعنقك وجسمك
وااااهـ لامن شفت في مبسمك بسمه

وآسف إليا قلت لك كل يوم .. شسمك
زينك أساساً ينسي الواحد إسمه

[عبدالله الجودي]

نحب . نصدق . ونتشفق . وبعدين
مصيـرنا ناخذ عن البعد .. صوره


شوف الوفا ياقلب وداني .. لوين
الظاهر اللي يخون تمشي أموره

[عبدالله الجودي]

كبيره نظرتي .. يمّك
وأصد وكني المأسور
اكابر والكبر .. لله
احبك بس انا مغرور

[عبدالله الجودي]

بوح اخر الليل يجبرني على الونه
ويسوقني هاجسي ويقول لا ترقد

واقول تعبان جعل ابوك في الجنه
وكثر السهر شين والعالم بعد تنقد

[عبدالله الجودي]

لا خانك اللي تحب .. وزوّد طعونك
أياني واياك دمع العين يرخصله

ماهو بـ كفو لـ غلاك .. ودمعة عيونك
كل أدمي فـ النهايه يرجع لـ اصله

[عبدالله الجودي]

ليه اغلب العشاق في حالة فراق
وليه اغلب قلوب الخلايق جريحه

يعني خطا نبقى على طول عشاق
ولا مفاهيم ( الهوى ) مو صحيحه

[عبدالله الجودي]

ماجبرت إحساسي المُنهك .. عليـك
هو خذاني من نهاياتي .. وجــاك

[عبدالله الجودي]

الصبح ماهو بس شمس وعصافير
الصبح بسماتك ، وصوتك ، ونورك

يعني صباح الورد والنور ، والخير
مفروض ماتنقال غير بـ حضورگ

[عبدالله الجودي]

ألمس طعونك بـ صدري .. وآتشهّد
لين أهدّي من محاتاتي وروعي

وآتذكّر وآتبوسم ... وآتنهّد
وأشعل شموعي وأطفّيها بـ دموعي

[عبدالله الجودي]

قـــم علّـم العشاق معنى .. الآتيكيت
ياللى بـرســـتـيـــجـك دلال .. وترافه

عطهم دروس الحسن ياسامي الصيت
ياللي جمالك حـد ذاتـه .. ثـقـافـه

[عبدالله الجودي]

احسب نجوم الليل واسري معاها
وارسم وليفي فِ عيوني واداريه

[عبدالله الجودي]

أنت صوتك عذب وإحساسك غريب
وفي عيونك شوق وفـ قلبك حنان

تمتلك كل الصفات ... وفيك عيب
لا دخلت القلب ..... تحتل المكان

[عبدالله الجودي]

لا تحاول تشبع العالم حضور
للغياب احيان نكهه ( مُمتعه )

[عبدالله الجودي]

انا يكفيني وجودك بدنياي
ومجرد احساسي بقربك سعادة

ياعشقي الماضي وياحبي الجاي
ودي (أحبك فوق حبك زياده)

[عبدالله الجودي]

لو يحبك الف قلب
انا اكثر دون .. ليش
مَ أحبك لجل احبّ
انا احبك لجل .. اعيش

[عبدالله الجودي]

دفتر معاذيرك شكى من سواياك
معاد باقي فيه صفحه جديده

تعبت اجامل فيك وامدح خطاياك
يـ أخي ترا مشاعري عـ الحديده

[عبدالله الجودي]

ياحضرة الحزن ، المعتّق بالاحلآم
عندك خبر وش كثر الاحلام بلوه

طفّ السهر بآقي لي شوي وآنام
ويارب بكره .. تمطر آخبار حلوه

[عبدالله الجودي]

مرني عطرك مع انفاس الصباح
وانجذبت (قصدي اتنفس ريحتك)

طل صبح الخير يوم العطر فاح
وازهرت دنياي من ( تصبيحتك)

[عبدالله الجودي]

أول لقآ قآلت ترى لك شجوٌني
وآخر لقآ قآلت : أحبك وصآحت

وآللي ذبح قلبي وسهر عيوٌني
تحبني و تموٌت فيني ورآحت

[عبدالله الجودي]

شوارعك الحزينه تسأل الزوّار
متى ذاك الغريب لموطنه يرجْع

انا واطفال حيّك والشتاء والدار
نحبك كلنا يا "القاسي الموجِع

[عبدالله الجودي]

لو ما احبك .. ما فرق عندي خطاك
وما زعلت و ما شرهت .. اصلاً عليك

​​بس احبك .. لازم ازعل من غلاك
و دام حبيتك؟ .. تحمل مايجيك

[عبدالله الجودي]

تسأليني وش قصة إنتظارك
لو يهمّك ما ( تركتيني ) هُنا

حبنا و فراقنا كان إختيارك
وين راحت .. إختياراتي أنا

[عبدالله الجودي]

خذ الفنجال بأسلوب عادي
مدام انا اللي باخذه منك واعطيك

خل المشاعر تنسكب باﻻيادي
واسمح لقلبي بالمحبه يقهويك

[عبدالله الجودي]

يائس على باب الوجع .. حيل درويش
فقير .. وأحلام : الغنا .. " عيّشتني "

ما ضيق لا حسّيت في .. يوم تهميش
هذي : الحياه بـ كبرها : " همّشتني

[عبدالله الجودي]

مغرور .. رغم الحزن والخذلان
ومستور.. رغم الدمع وإحراجه

على السعادة ما حسدت إنسان
مع انّها أكثر شيّ .. محتاجه

[عبدالله الجودي]

أشتقت لك واللي خلق حلو الإحساس
يا مشغــل قلبـــي وروحــي وعينـــي


حبي لك أكبر من هوى الناس للناس
تبعــد تقـــرب أنــت موجـــود فينـــي

[عبدالله الجودي]

جنون عاقل واعقل الناس مجنون
واللي تجنن منك .. ماهو بـ عاقل

اعقل جنوني يوم اعقـلّك بجنون
وجنون عقلي يوم اجيك امتثاقل

[عبدالله الجودي]

لاصرت صح ووقتگ اغلاط باأغلاط
......................ليه تتعذب وتتعب وتشقى
رح للقمر وأفرش على سطحه بساط
................وخل الحثالة لو بها خير ترقى

[عبدالله الجودي]

مع السلامه وأنــت غالي ومعــذور
لو رحت يبقــى الحب فيني وقــاره

من عقب حبك ما بقى شعر وشعور
بگتب على دفتـر قصيـدي خساره

[عبدالله الجودي]

أببتسم لو يمتلي صدري طعون
وآغمض عيوني وأدآري غصتي

ما هي نهآية قصتي لو يرحلون
هذي نهاية دورهم في ،، حياتي