لحن الصمت !!

[نورة القحطاني]

مايعرف احساس الحزين
‏إلاّ من اظماه الحزن !
‏مهما تضمه هاليدين
‏تبقى تناهيده وطن !

[نورة القحطاني]

انتبهت ونظرته تفرض غروره
وابتسامة تلتوي ويقول ليتك !

الشعور اللي حجبته في حضوره
ايه ودّعتك ، تفرقنا ، و جيتك !

إكتمل فصل الأماني وسط صوره
قلب حي ونبض باللقيا وعيتك !

يشتكي والصمت تغنيني سطوره
ماشكيتك لين بالفرقا بكيتك !

[نورة القحطاني]

يترجم هالشقا صمتي وغربة نظرتي منْفايْ
‏وحيدة وسط هالعالم ومليانه ( أمل) نفسي
‏💕

[نورة القحطاني]

تآخذني الضيقة على الرف بجروح
‏من داخله ينبت صدى هالمدينه

‏اشواق وانفاس العمر كنها صروح
‏تبوح وجروح المحاني دفينه

‏ماتعترف بالشوق لو غالبه بوح
‏جمرٍ يقيّد في ضلوعة أنينه

‏لا مرت الذكرى تنفس به طموح
‏كنّه يعاند غربته في سنينه

‏الزفرة اللي طوّلت داخل الروح
‏كم دمعةٍ مرت عليها حزينه !

[نورة القحطاني]

أحتاج لك ..
تدري شكثر !؟
كثر المشاعر والشعور
/
غيبتك لو هي ثواني ماهي بعاديّة
أشهد إنها داخلي نارٍ تذيب ضلوعي

[نورة القحطاني]

أولئك العابرون الذي أقحموني صمتهم وأرواحهم !
حتى تجلدت الصمت وأنا التي لا أطيق
انتخبت من بين أحرفي اشارات لهم
وللأرصفة الرمادية العابرة
للعمر
للحياة
لم أنتبه لخطوات الذبول
لم أشعر بعواصف الذهول
الساعة الرملية أشرفت على ابتلاع السنين
والمواقيت تطوي الليل والنهار في ثقل !
كطواحين الحقول الميتة
تبدد عنها الملل !
وتمضغ من الآهات مساءات منهكة بالوهن !
أعلم أنني ( قد ) أبالغ هاهنا كثيرا !
لكن تلك الذكرى لاتتوب !
تحرق المهج وتستبد في غرور مثقل بالعظمة الزائفة !
لايشبهها إلا تلك الزفرة العالقة بين الأضلاع والسطور

[نورة القحطاني]

في أضلع الوقت يغريني ثبات الذبول
أخاف يطويني الظلام اللي طوى مبسمه

اشتاق للغربة وحس الاسف والمثول
قدام هالذكريات اللي بها مغرمه

الشوق احيانا يزيد وبالمشاعر يطول
حديثه العذب وياااا للأسف اظلمه

في داخلي مستحيل ألقى جوابٍ يقول :
أنا حيااااة السؤال اللي انقضى موسمه

[نورة القحطاني]

انتبهت ونظرته تفرض غروره
‏وابتسامة تلتوي ويقول ليتك !

‏إكتمل فصل الأماني وسط صوره
‏قلب حي ونبض باللقيا وعيتك !

‏يشتكي والصمت تغنيني سطوره
‏ماشكيتك لين بالفرقا نعيتك !

‏