لحن الصمت !!

[نورة القحطاني]

.

أوقدوا في زحمة الفرقا شموع !
احرقوا كل الضلوع المنهكه !

للاسف ماعاد تفرق هالدموع
لا وصل حزنك لقمة مربكه !

رغم صمتك كان يكفيك الرجوع !
للطريق اللي نوينا نسلكه !

في زحام الشوق يربكنا الخشوع
رغم خطوات الظلام المهلكه !

والسؤال اللي تخطى هالجموع
وارتبك فينا وصرنا نملكه !

الشعور اللي من الفرقا جزوع
كيف نقدر بالمشاعر ندركه !


.

[نورة القحطاني]

.

"يقول وإلا ما يقول" ، احساسه !
‏يبين في عينه ، ورجفه كفه !

‏واللي تراكم في زحام أنفاسه !
‏كل يوم يجدد في ضلوعه رفه !

[نورة القحطاني]

.

يامساءات الذبول الموجعه،
‏ قولي لي !
‏من فقد نفسه بغربه ، فيه أمل يلقاها ؟!

‏#تساؤلات


.

[نورة القحطاني]

من المحتاج في ربكة شعور الزيف
‏من الحاضر اذا جيش الأمل غايب !

[نورة القحطاني]

.


يستظل الحزن في عين الشقا والدمع حاضر !
يشبه الفصل الاخير من المشاريه الطويله !

حاضرٍ رغم الغياب الطاغي الموجع يكابر !
في تفاصيله شعور .. يعانده ويهدّ حيله !

الجواب اللي خذلني من سؤالٍ فيك غادر !
يستقيم الشوق لكن في دروبك بان ميله !

وش عليهم لو بكينا ، وش عليهم لو تآمر !
خاطرٍ موجوع من ضيقه ومن همّ يشيله !؟

وش عليهم لو سلينا لو نسينا لو نهاجر !
الدروع اللي علينا .. أصبحت جدا هزيله !

كيف نضحك .. نكتم الضيقه وداخلنا مقابر !
ضايعه .. بين الكثير اللي فقدناه ، وقليله !

تحتشد فينا المشاعر بالشتات وبالبشاير !
ننتظر .. في ربكة احساسٍ تعودنا نزيله !

رغم هذا الوجد فينا عمر باحساسه يغامر !
يكسب الطيب المعتق ، بالمواجيب الجميله !




.

[نورة القحطاني]

.

على حدّ السنين المظلمة .. بالضيق والديجور !
وغفلات الشعور الممتلي من ضيقته .. خيبه !

يحدّ الليل سكين الغياب .. ويختنق بالنور
ويشرع للصباح ايدين .. غفله .. كلها ريبه !

ضحك غصن الشعور لكسر ضلعه واحتضنه سرور
عليه من الملامه .. ثوب شكٍّ .. يرتدي هيبه !

يلوّح للظلال اللي تشبث ف الاسى .. بالدور !
ويهدي من قصاصات الشعور اللي ملت جيبه !

حكايات العناق .. المترفه بالواقع المكسور !
تخبي ذكرياته في جيوب الصمت وتثيبه !

.

[نورة القحطاني]

فقدنا الموجود في انتظار المفقود

[نورة القحطاني]

.


‏تكفى تعال .. الصمت طوّل !
‏وماعاد لي .. بالدمع حيله !

‏ليت الاماني .. مثل الاول
‏وليت المواجع مستحيله !



.