لحن الصمت !!

[نورة القحطاني]

اللون الأخير ..
وصفحة الأيام الموجعة
الصوت ذاته ورجفة البكاء المتبعثرة في ضفة اليتم
شوق يسرف .. وحنين يترنم
وأنت هنا......ك !

[نورة القحطاني]

لا تعبت من الغياب اشتاق قلبك للسكوت !
داخلك مليون صوت يعاتب اشواقك تعب !

الحياة اللي لها ف الروح أرواحٍ تموت !
كيف تسكتها وهي في داخلك تهوى الشغب !

[نورة القحطاني]

‏الشعور اللي مثل حزّة حضورك
‏زحمة الاحساس في صوت الشتات

‏السنين اللي مضت تروي غرورك
‏كان فيها صوت واعماه الرفات

‏لون هالغربة تحدا كل نورك
‏وارتسم في ظل مكسور الجهات

‏لوح بكفه وداع وهدّ سورك
‏ من ظنون الصمت انبت له وشاة

‏لملموا هالذكريات اللي تزورك
‏والضحية مات من قبل الممات !

‏ضلعك اللي مال واخفيته بدورك
‏اكسره .. والا تعدله الحياة !

[نورة القحطاني]

من حياة الصمت ابديت انهزام
‏بان لي في داخل ضلوعي ضلوع !
‏شمسنا اللي كان يخفيها الظلام
‏تنتظر غربة على كف الرجوع !
‏استعارت بعضنا اللي شوق هام !
‏مالقت غير الاماني لو تجوع !
‏علمها بآخر تفاصيل التمام
‏مات حزن وذاب من عمره شموع
‏المشاعر لو لها قوس وسهام
‏من يوجهها اذا ماتت فروع !
‏لابغيت الصمت اسقيت الكلام
‏بالمشاعر واخر المقصد دموع

[نورة القحطاني]

أيقنت أن معارج الأروح احساس شفيف

للقلوب العامرة بالوفاء
شكرا ... ومن القلب لكم صادق الدعوات

[نورة القحطاني]

تعبت ..
‏وجيت من بعد التعب
‏خالـي .. يدين
‏وداخلي مليان شعر وشوق !
‏كتبت وكل مافيني
‏من ارهاق الألم عالي !
‏...🥀...

[نورة القحطاني]

ياحمام الدوح في قلبي سؤال
الغياب اللي خذاهم وش يصير !

دام عمر الملتقى أصبح محال
من يعذر القلب واحساسه كبير !

[نورة القحطاني]

الهموم اللي تضيق (ا)بها الصدور
‏والله انها في غيابك موجعة ! 🥀