يمكن تغيرت ..؟

[محمد بن شتير]

مهما قست روحي يجي يوم وتحن
تغيّب و أنسانيتي تحتريها ..!

باطرافها لعنة من الناس و الجن
وفي راسها مسحة ملَك تعتليها ...!

محمد بن شتير

[محمد بن شتير]

ابتدي بك و انتهي في كل يوم
كل ما شفتك بنفس الزاويه..!

نفس تفكيرك و شكلك و الهدوم
ما تغيب إلا تجي متخاويه ..!

نظرتك للناس في وضع الهجوم
لا تربعت العروش الخاويه ..!

كنت ذُخرك فالمواقف و اللزوم
لين ما صارت عزومي ثاويه ..!

كيف تطلع بي مطاليع النجوم
و انت ماخذني معك للهاويه ..!

إقترابي منك لا يمكن يدوم
و إبتعادي عنك جمرة كاويه ..!

تقعد الدنيا و عندي ما تقوم
لانها في غيبتك متساويه ..!

محمد بن شتير

[محمد بن شتير]

الحبيب اللي يقصر بإهتمامه
عن غرامه أطلب الله و اتلجّى ..!

يكتب اللي يكتبه و افهم كلامه
يحسب اني ما اعرف اقراء و اتهجّى..!

وده اترجاه و اتناسى الكرامة
و الكرامة مانعتني لا اترجّى ..!

محمد بن شتير

[محمد بن شتير]

عديت لك هاذي و هاذي و هاذي
و اخفيت ضيقة خافقي و انزعاجه..!

لأجلك رضيت اكون ميت و أنا حي
و لأجلك تعلمت الغباء و السذاجه ..!

سويت نفسي ماني بفاهمٍ شي
حتى لو اني فاهمٍ كل حاجة ..!

[محمد بن شتير]

,


ش / أسوي فيك يانور القمر لا ملّ منك الشوف
اناظر فالسماء و نجومها يا دوب تكفيني

جمعت بدفتري قصة لها غصة و فيني خوف
و أنا ليلي طووويل و ما لقيت اللي يداريني

………..