يمكن تغيرت ..؟

[محمد بن شتير]

جيت لمحمد ٫ محمد قال نام
وش تبي مني عسى عمرك يطول ..!

قلت له مليت من كثر الملام
وضعنا ما عاد يتحمل قبول ..!

لو تناظرني و تحسبني غلام
لا تفكر يا الغبي نفسك رسول ..!

كم تكلمنا ولا فاد الكلام
خلني ساكت و قول اللي تقول ..!


محمد بن شتير

[محمد بن شتير]

تشوفني ساكت و لا ودي ابوح
و أنا من اللي صار مليان صدري ..!

جرحت لك رجال ما كان مجروح
و المشكله ما ابيك بالجرح تدري ..!

اقول "ضيقه " يمكن شوي و تروح
والخوف لا تبقى معي طول عمري ..!

محمد بن شتير

[محمد بن شتير]

لا تجرح إحساسي و أنا شخص حساس
يكفي جرحني قبل اشوفك زماني ..!

محبتي لك غير عن باقي الناس
و لا تقارن نفسك بشخص ثاني ..!

ما كان يا بندر على القلب حراس
يومك تجيه و تملكه في ثواني ..!

محمد بن شتير

[محمد بن شتير]

أنا تعبت اسايرك و أنت كثرت
الين قلبي في وصالك تحييير ..!

تعال يكفي يا حبيبي تأخرت
وهاذي سنين العمر طب و تخير ..!

أنا مثل أول ترى ~ ما تغيرت
بس أنت يمكن قلبك اللي تغير ..؟

محمد بن شتير

[محمد بن شتير]

يا أبوي أحبك و أنت حبك غريزه
قلبي تعلق بك و قلبي أسيرك ..!

أنت الكريم و تعطي اللي تحيزه
والناس تدعي لك وللناس خيرك ..!

و أنت العزيز و دوم نفسك عزيزه
و أنت الحكيم لكل من يستشيرك ..!

الله لكل انسان يعطيه ميزه
بس أنت ما خليت ميزه لغيرك ..!

محمد بن شتير

[محمد بن شتير]

ملكتني و الحب كل يوم زايد
و خليتني مانيب ميت و لا حي ..!

حرام في غيرك تكون القصايد
و الشعر ما يسوى بدونك و لا شي .. !

محمد بن شتير

[محمد بن شتير]

الغايب اللي جابه الله و جيتوه
ما زاده الله غير قدر و مهابه ..!

جيتوه لكن من بعد ما تركتوه
فوق السنه وحده يصارع غيابه ..!

ياما نصحكم و البلا ما سمعتوه
واليوم كل أنسان ياخذ حسابه ..!

الله حفظه و سلمه كل مكروه
من بعدها جاكم من الله عقابه ..!

محمد بن شتير

[محمد بن شتير]

أنا لو عفت كل الناس ما عفتك
وانادي لك ولا تسمع صدى صوتي ..!

وعدت كم سنه للحين ما شفتك
و أنا ودي أشوفك لو على موتي ..!

محمد بن شتير