شعر x شعر .... أبيات لا تكتمل

[نواف التركي]

.




.




.




ماهو بـ هذا زماني جيت متأخر
........................ مفروض قبل السنين العوج ميلادي

[نواف التركي]

.
.


عطني من الحزن ما يكفي سهر عيني
.................................................. .. وأبشر بـ شعرٍ يحرّك ميّت إحساسك

[نواف التركي]

البال ماهو برايق ماني مريّـح
بالله حاول نريّح بعضنـا منّـا

تعال نرجم عذوق الشعر ونطيّح
بعضه ونرويه للركبان ويغنّـا

[نواف التركي]

يا صاحب الليل لا تحكي لـي أسمعنـي
الصبح صـادق وعيـن الليـل كذّابـه

دعني أرتّب حـروف السالفـه دعنـي
الناس من جوعهـم صارولـي ذيابـه

ماني غبي.. لكـن ..أفـوّت ويمنعنـي
طيبـي وأشـرّع لهـم قلبـي بأبوابـه

واليا تعدّوا خطوطي غدر فـ/ أقنعني !
وشلون هـ/ اللي غدر ما أشقق ثيابه ؟

[نواف التركي]

ياليل عندي سـؤال أرجـوك علّمنـي
أليا متى يورق الدفتـر مـن أحزانـي

أليا متى أنفث الأبيـض ويـ/ ألمنـي
خويـي اللـي لكـل العمـر خاوانـي

ياليـل مليـت كـل النـاس كلّمـنـي
ما دام حظي رمانـي فيـك وأغوانـي

ولاّ مثـل مـا وصلتـك قـوم ولّمنـي
وودعّني آخـر وداع وروح وأنسانـي

ياليل .. تكفى لوجه الصبح ... سلّمني
على مثل ما الغروب لسجنك ... أهداني

[نواف التركي]

نرجع نغنّـي لـ(مـيّ) الله يذكرهـا
بالخير كانت تعرف الحب وشـ/ يعني

اليوم بالذات تحتـاج أنّـي أشكرهـا
على الأقلّ يوم راحت جت تودعنـي

ياقلب بيبان وصلـك قـوم سكرهـا
في وجه ريح الغرام أن كان تسمعني

كل الوجيه الغريبـه طعنـي أنكرهـا
لا يكرمون الجروح بملحهـم طعنـي

[نواف التركي]

الصبح باقي عليه شوي ويشرّف
أفتح شبابيك بعض النور وأسعفني

بعانق أول شعاع يطلّ وأصـرّف
هالحزن ... ملّت يدينه همّ تغرفني

من كثر ماني كريم لحزني مطرّف
قلبي لطعنات وجه الصبح تعرفني

[نواف التركي]

أغليك أي والله يا كثر ما أغليك
لكن شمالي وأن طنى عنك شمّل

عطني بقايا أحلامي الله يخليـك
ما أقدر معاك ب/ هالطريق أتجمّل

أطلب عيوني بس لا تطلب أجيك
مرّه تصد الثانيـه مـا أتحمّـل