عتب على الوطن

[محمد الناصر الشهري]

مـــــدخـل :-

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]ما اتفه الشعر كانه هالحكي اللي نقول=لا تعدّى المديح .. ولا تعدّى الغزل[/poem]

لـِ قاموس ا لشعر وشاعر الأجيال / الـ بدر بن عبدالمحسن

.,.


إســـتـفاضــة :-








[poem="font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
إكتبيها قصيدة عقب فوح الدلال = ياليالي زمنّا وإحبلي بالجزيل

قصةٍٍ من ضروب الحلم وإلا النّضال ..!!!= بالخواطر فصول و إبتدي بالقليل

راح عمر المسافر بين شدّ الرحال = مالقى ( فيّ ) في واقع مسيره ظليل

الأماني حموله .. والأماني جزال = بسّ ياوقت كتفك للأماني هزيل

كانت أكبر خطيّة من ذنوبه .. حلال = وْكانت أصغر عيوبه .. حلم يهنى المقيل

ماخذٍ في يمينه نور دحر الظَلال = لو طفى الليل شمسه .. شعّ نجمه دليل

ما لمع في عيونه غير برق إبتهال = كلّما جفّ ريقه قام شبّ الفتيل

طاولته الليالي باليأس في سجال= وَالفرس بالمحاني جامحه بالصهيل

كلما طاح سفحه بالعتيم الليال = إعتزى في سفوحه وإنهزم فيه ليل

إن شكى من حنّينه .. ( ياعظيم الجلال ) = يعتق الليل نجمٍ من عيون الدخيل

بين حدّ التواضع وإنكسار الرجال = دمعة القهر..غبن(ن) فالمواقف تسيل

مامسح من رموشه غير عج الرمال = وْما عسف موسمي الريح شمّ النخيل

في يدينه يسافر مخملي الظِلال =وْفي يدينه أديمٍٍ من قساوة محيل

الوطن في عيونه .. بسّ وين الوصال= أتعبته الخطاوي من رحيل إبـ/ـرحيل

والعتب يا وطنّا كان تدري .. يطال = من يصدّق طموحه أبسط إ/حقوق جيل

بعد حدّ الحقيقه .. حد ضرب الخيال = حدّ ضرب إغتيال .. ضرب حدٍ صقيل

وْدام حلمي طموحي وإنتفي بالمحال = والله إني لأخلّد بالقوافي قتيل

بأكتبه في حروفٍ عقدها من زلال =لين أشوفه بجيد الشعر ماله مثيل

وأرقصي يا قصيدة بالترف والدَلال=كلما هزّ عودك بالحقول العليل

والله إني كتبته من شموخ الجبال= وْ صرت أشوفه بعيني وألمس المستحيل[/poem]




مخـــرج :-

[poem="font="simplified arabic,4,black,normal,normal" bkcolor="transparent" bkimage="" border="none,5,gray" type=0 line=1 align=center use=sp num="0,black""]أنا لا نيب لا شاعر ولا قصّاد = أنا جرح ٍ نزفه القاف من صغره
واذا همّ البشر شاعر .. وفيض إ/مداد = أنا همّي يجفّ الجرح من حبره[/poem]


محمد الناصر الشهري