[ كُبْـس وأضـواء .. ]

[فواز الفهيد]

كم لي وأنا من غير وجهه .. وميناء ..
................... اراقب أمواج / القصيد ... وموانيه ..


أشياء تتعرى ... لـ أجل تستر اشياء ..
................... وش فيه ..! ماخلت لنا شي ما فيه ..


أحدٍ يوردها ... على كيف ... ماشاء ..
................... و أحدٍ قبل يارد / تصيبه / وترميه ..


واحدٍ رسم مجده على الرمل بـ الماء ..
................... وأحدٍ رسمه المجد بـ كفوف ماضيه ..


وأحدٍ شرا بـ دواه يوم اشتكى ... داء ..
................... وأحدٍ / قبل يشريه / دائه ... يداويه ..


وأحدٍ يحدد وجهته ... كُبْس واضواء ..
................... واحدٍ يجيب النور / لاجا ... حواليه ..


وأحدٍ بـ رايه يشتري راي / واطراء ..
................... واحدٍ رضا نفسه يسره ... ويرضيه ..


وأحدٍ يدندف لـ المناصب والأسماء ..
................... وأحدٍ يبيع اللي يسومه ... ويشريه ..


واحدٍ صدا صوته .. تلاقفه الأصداء ..
................... واحدٍ ولا احدٍ غير صوته ... يباريه ..


أتّبسم أحيانٍ / وأنا حيل [ مستاء .. ]
................... ضاع الصحيح ... ولاعرفنا مواريه ..


فـ / فـ