تذكرينه يا بعد روحي ، قولي وأسمعك

[ظافر الهرمسي الهاجري]

السلام عليكم .........

إلبسي فستانـك الليلـة / الليلـة معـك
إلبسـي فستانـك البرتقالـي المغـربـي

تذكرينه يا بعد روحي ، قولي وأسمعـك
( أيه .. ذاك اللي هديته بميلاد أتعبـي ! )

أيه .. كنت أول غرامك ولميت أصبعك
كان جاهي / رآس مالي ( قصيد معذبـي )

آهـ.. حبك غيم عمري وعمري مربعك ..
والوله لك سِِيف ْ والشوق ساقـه مركبـي

في بحر حبك نزلت وعلى الموج أطلعك
وموجتك في صفوة القرب نخـوة يعربـي

آهـ.. ترنيمة غلاتـك تسيـل وتنبعـك
وأنتي يا ترنيمتي في نظـر عينـي إلعبـي

إلعبـي حتـى أتخيـل مسانـا يتبعـك
وألا تبعثرتك ظما لجـل حبـي فإشربـي

دامني حظك فلا أظـن مـرة بأشبعـك
ودامـك بدمـي جريتـي تعالـي وأكتبـي

(( يا حبيبي .. ليش تزعل وأنا كلي معك
أفتديك بكل ما أملك ... تمنى وش تبي ! ))

ودي أرشف من ثناياك ريقك وأزرعـك
في حنايا الروح طفلة على قلبـي أتحبـي

وودي أضمك وأحبك وأبثـك وأجمعـك
مثل دمع ٍ في هدب عينـك الحلـوه ربـي

فإلبسي فستانك الليلة / الليلة ( معـك )
إلبسـي فستانـك البرتقالـي المغـربـي