سهاد الحلم

[أحمد موسى الغامدي]

:

:

ارجو ان تنال القبول


على غفوه من سهادي حلمت ولا لقيت ايـــاي
صحيت ولا لقيت الا سهاد الحلم ممسيني

سهرتك يا الحبيب اللي( نسا حلمه) ولا هو جاي
طيوف اشواق تتمرجح غلا ما بينه وبيني

ولك ابني جدار الصبر في نفسي واجي ارقاي
ويتهدم...(وادور بين انقاظه ).. و الاقيني

ولك احفر خنادق للرجا في ضفـــــتين احشاي
واجي بعيون حراسك ومعبر لك يوديني

حبيبي وانت في جوقه مع الأنفاس تعزف ناي
تخيل لو انا في جوقة انفاسك ..واغنيني

ابشـــعل لك قناديل الفرح // والحزن في يمناي
بطشه للهبوب اللي تبعثر حزنـــــها فيـني

والملم من دروب الحلم جرة دمعـتي واخطاي
ولا اخلي اثر في حسرتي يقرا عنــاويني

ابكتب للمحــاني شعر يستمـــطر عطشهم ماي
ابروي هـ الجفاف الي تكدس في شراييني

ابخنق كل ما يـــــبعث شعور الحزن في جواي
ابخدع هـ الشعور اللي قتلني ليـــن يحييني

انا لولاي احبك واعشقك.. اقول!!!! وش لو لاي؟؟
انا لو هدني طول السهر ما تغمظك عيني

انا لو مره احلم بك واشوفك يــــا حبــيبي جاي
ابنحرلك قرابين الولع ..... وافل ظلــعيني


تقديري للجميع