أولــ العيـد ..

[عبدالمحسن الطليحي]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الحال نفسه ماتغيَر ولا شيْ=لازلت تجرحني! ولازلت أودك!

جيتك ووردة شوق تنبت من يديْ=تقدر تورّيني وش اللي بيدّك؟

لاتستحي .. إن كانها طعنتك ليْ=ماهو بأول عيد يلغيه ردّك

ماهو بأول صمت وسّمني بكيْ=ماهو بأول قلب أهديه صدّك

من رحت هذي عبرتي زي ما هيْ=وأن جيت ثاني مستحيلة أردّك

أبقى أنا شاطي ولو زارنا ضيْ=بتشوفيني نفسي بجزرك و مدّك

في كل وادي همت به حاجه وغيْ=هذريت به شعري و حلم أستردّك

يا الأمنية يا الأغنية شفت لك فيْ =ودعت به حلمي على نوت خدّك

ماجات في بالي ولا حتى شوّيْ=أستهلكك و أستنزفك و أستبدّك

أبيك بس تقول لي أن أنا حيْ=و أن أنت تعشقني و ينساب ودّك

يا غيم فيني شي محتاج له ريْ=قد لي سنين آطالع الله و أعدّك

إن كان مابه داخلك يالفضا ميْ =قلّي أأيَس من غرامي وأهدّك[/poem]




وكل عام وقلوبكم بخير




20.09.09
7:50