أنشدت الشاعرة السعودية الغالية ذكرى الغالي قائلة:
مهما تغيب وتلتزم هيبة الصمت
يبقى غرامك داخل القلب ثابت
ياللي بعد وصلك وصدك تعلمت
إن الزهر من بين الاشواك نابت
يصرخ شعوري داخلي ماتكلمت
قلي إذا نفسك من الحب طابت
يانادرٍ بين البشر ماتوهمت
إن الذكا في فطنتك لو تغابت
آقسمت لك ياروح وآقسمت وآقسمت
إن الوفاء فيني لو الروح ذابت
ياشاعرٍ يزهى به الطيب والسمت
يضوي حضوره لو ضيا الشمس غابت
عجل بوصلك يالغلا لو تكرمت
ترى عيوني عقب ماغبت شابت
فرديت عليها بشي من العتب والتغلي قائلا
ياللي على الفرقا عزمت و تعزّمت
هبوب فرقا العام ودّت و جابت !!
عساك من طرد الوهم ما توهّمت
والشيب سلال البشر لو تصابت
وان كان تنشدني فأنا ما تظلمت
ولا أقول لك خابت ولا أقول صابت
على تكسّار الهوا ما تحطّمت
صابر ولو بعض التفاكير خابت
قمت و تعثّرت و بعد طيحتي قمت
ولا زلت في صدري من الهم كابت
جمعّت لي صندوق ذكرى و لايمت
فيها الجروح اللي تعصّت و عابت
واليوم عيّت شيمتي ثم تشايمت
والنفس من بعض الطواريق هابت
ولكم جزيل الشكر أحبتي
عادل و ذكرى
آخر المشاركات
02-24-2021, 04:56 PM
هيبة الصمت!!!!!
العرض الشجري