كمل جميلك

[يوسف نايف الدهمشي]

السلام عليكم ورحمة الله وبركاته .. اشتقت لكم كثيراً



استسمحكم عذراً لحذف خمسة أبيات .. لأسباب شخصية ..
فعذراً لكم ياأصحاب الذائقة الصعبة إذا وجدتم عدم ترابط في بعض أبياتها ..
..
..
..
..


ليت الدموع تكفر ذنوب الأحباب
ماكان تبقىآ لي ذنوب بحياتي !

وليت السهر يكشف معاناة الأهداب
كان الشعر مرتاح من بوح ذاتي !

ياللي دفنت الروح .. وأعلنت الغياب !
ليتك هذاك اليوم معلن وفاتي !

راحت ومعها قفلت كل الأبواب
تايه ..وضاعت من طريقي جهاتي !

كل القرايب بعدها صاروا أغراب
من يومها والضيق .. أبرز سماتي

القلب خاب .. ولابقى ظن ماخاب
صار الطموح اليوم "طوق لنجاتي "

ياطير وش هي خانتك دون مخلاب ؟ !
حتى الهدد ياطير بعدك يحاتي !

غابت وكل النور من بعدها غاب
وكني ضرير(ن) طوحت بي عصاتي

ماكان صفحة عابرة وسط الكتاب
طيفه يجي ويروح حتى بصلاتي

من بعد عينه,,, مابقى بدنيتي أحباب
ياليت أقدر بس أجمع شتاتي

والله لولا خوف من لوم الأقراب
لابكي على فرقاه باقي حياتي !

دام الجبل بفراقها ماصبر... ((ذاب))
تكفى دخيلك بس .. نفذ وصاتي !

وش عاد باقي دامك أعلنت الغياب ؟!
كمل جميلك لي .. وأشهر وفاتي !