صالحة

[مشعل فايح]

كنت اكتب الشعر لجل الشعر يا صالحة
واليوم يا صالحة كل الشعر للجحيم
ماهو بأخوي الصغير ارضيه واصالحة
ولا هو بأمي تحت رجليه جنة نعيم
شوفي بحوره مدى هذا العمر مالحة
وبيوته اعشاش للمنفي وللي يهيم
ملامحه في عيوني اصبحت كالحة
مالي عليها جلد يوم ارتحل او اقيم
اخر رفاقي قصيد بخبزه آمالحه
واشرب كدر ماه عذب بارد وهو حميم
لاني (ببدره) ولا (عبيده) ولا ( شالحه)
له من يشيل الرماح السود وقت الهزيم
يوم اكتشفت ان موتي صار من صالحه
اموت موته وقور وبين ربعه حشيم
لو بالقصايد قصيدة بالفرج فالحة
ما كنت للتيه عصف وهالمشاعر هشيم
انسان انا وان خذلني الوقت ياصالحة
ابقا للانسان اما هالشعر للجحيم

( ) الأمير الشاعر بدر بن عبدالمحسن
( ) الأمير الشاعر الفارس عبيد العلي الرشيد
( ) الشيخ الفارس شالح بن هدلان