جمر الحنين

[سعد الجميلي]

مساؤكم /صباحكم مفعم بالنقاء وصفاء القلوب


::
::


أتمنى يروووق لقلوبكم..






البارحه من سبّتك... خاطـري / شيـن
ياعيون جـدّي .....ياعيـون النـداوي

ليل السهر.....في غيبتـك صارليليـن
وأنا...مـع أوراق القصيـد ...متخـاوي

تغيب.... وأكتب لك من الشعرحرفيـن
وأجرصوت الحزن.. وأزعـج غنـاوي

تمرني ذكراك....... مثـل الرياحيـن
يازعفـران / وفـل.... ياعـود جـاوي

عزي لحالي.. لوعن الحـال تدريـن
في غربتي ...مثل الغريـب الجـلاوي

عجزت لاأصبر..عن جفا البعد يومين
متعلقٍ ..قلبي......... بحبل الهقاوي

أكتب قصايد... وأرسمك داخل العيـن
وأحفر بقلب الذاكرة.... لـك رجـاوي

والله لـو عـن كثرشوقـي.... تعرفيـن
وإتفتشين..... اللـي بقلـب الهـواوي

كان الولـه..... بيّـن بكـل البراهيـن
إن الغلا من قلـب ....ماهـي حكـاوي

وإن العواطف ..عند بعض المحبيـن
تسوق يم اللـي يبيـه ..... الخطـاوي

ياهيه حسّـي.... كـان ودّك تحسّيـن
السالفـة..... ماهـي بشـرح /وفتـاوي

حبّي لك ....أكبر مـن كـلامٍ تقوليـن
وإحساسي أصدق من قصيد الخلاوي

كسرت... في حبك/ حدود القوانين
وأشعلت لك ..جمر الحنين الرهاوي

ماكـن لاجيتـي..... بعينـي مزاييـن
حرّمت عقبـك ...لابسـات الغطـاوي

ياعيون جدّي ..كـان ودك تشوفيـن
أنتي مكانـك وين؟..فـي هالحـراوي