تركتيني لمين ؟؟

[مرضي البلوي]

أحتاج لـ الرقّه ، ولـ العطف واللين
ماحتاج لـ القسوة / ولـ الطيبه أحتاج
إنسان مثل الناس مخلوق من طين
هادي ، وماحب المشاكل والإزعاج
:
طبعي كذا من يوم كنا ( بزارين )
ونحلم نسوي بيت ونسوي زواج
تغيرت أشياء فيني ، ولـ الحين
أشياء فيني دايم تسبب احراج
:
وينك ؟ كبرتي وافترقنا من سنين
وأنا طفل قدامه وخلفه " سياج "
تدرين حالي كيف ولا ماتدرين -
قارب صغير ..
وتصطفق فيه الأمواج ..
:
محتاج لك قولي متى لي تردين
دخلت لي مدخال ، مافيه مخراج
يا اللي تحبيني ! تركتيني لمين ؟؟
غبتي ولّك صوره حبيسه بالأدراج