يا شاعر الشام

[أحمد رشاد]

(مشتاك إلكم كثر مالرقة مشتاكة لأهلها)
2
إلى الصديق الشاعر أسعد الروابة. أفتقدك كثيراً أبا هاني
"يا شاعر الشام، يا حارس الليل"
هَزْ الكرز والتوت
صدقني هد الحيل قبل العمر ما يفوت
تضحك عيون الخيل لمن تجي خطّار
يا شاعر الشام
إنت الجنت لليل حارس أبد ماينام
عينك حزينة وغفت
طارت أسراب الكطا لمّا هواها قام
رف الحمام و طار
يا "شاعر الشام, يا حارس الليل"
قفّل عالحزن بابك
خلّي الموادع بطي
بلجي الفرح يندار
لُمنْ إيعلى ضوى القمر
اترس صياني الشمع فضة ودمع
وإننْ سيّرنْ غبشة الصبح
يبتسم وجهه النهار
يا حارس الليل يا شاعر الشام
مالك عذر لا تعتذر جادت تريد اتنام
شمس القصايد ساطعة بس قاطعة
ترمي الزلم حوش القصب
وأحنا بعدنا زغار
تاخذنا غفوة ونشتهي نوم الضحى
من المستحى غطّت بدر بردانها
شفت العيون العاشقة أبفي الزلف
ما تنوصف
وشفت الروابة مبتسم
يغزل أهداب الشمس صبح العرس
يسبح بغيمة عطر ليحلَّت الزنار
يا شاعر الشام يا حارس الليل
سهّرتْ كلّ النجم
تدري السهر جتال
وعين اليحب قانوص
منوجة واتدور غزال
ترقب درب المحطة كل دقيقة
تشتهي يمرها القطار
والحقيقة بطّل يمرنا القطار
أي قطار يمر جزيرة تائهة بوسط البحار

يا حارس الليل يا شاعر الشام
اتعبتني صاح الشعر خلّي القصيدة تنام
أحمد رشاد - الرقة