رويان حكمة

[سطام مشهور]

رويان حكمه هات لي شعر مجنون
يروى جفاف المتعبين ارتحاله

حتى تطيح الشمس عن عاتق الكون
ونشعل مصابيح السهر من خياله

لا نجم يرقبنا ..ولا الناس يدرون
ياالذ من مر العتب في سؤاله

يفدونك اللي قبل لااخطي يلومون
مافيهم اللي برني فاحتماله

غابوا .. عساهم بالندم ما يردون
النفس طابت .. والرجوع استحالة

ايه انت وحدك تملك القلب وتمون
لو تجرحه.. لااقول حر بحلاله !

سولف عن اية شي .. عن لحن عن لون
ياروعة الحرف بفمك .. ياجماله !

ولاتغضي بطرفك حيا .. تضمي عيون
صدك جحيم وصد غيرك جمالة

ابتشرب نبع حسنك على هون
حسنك كثير .. وقلب خلك لحاله !

رويان حكمة .. وانت لي شعر مجنون
أرحل معه .. لين اهتدي في ضلاله !