سقى الله طفلةٍ جادت بفسحتها ريال !! ريال !!

[عيد الحواشيش]

"
"
( لله الأمر من قبل ومن بعد )

وله ترتفع أكف الضراعة / وبه ومنه الرجاء وهو أهله

اللهم عجل بفك كربة / عبدالمجيد مبارك العنزي

إنك على كل شئ قدير .


[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مرار المرجله !! علقم .. وهقوات الرجال افعال = ونفسٍ تقدر ! وتقصــر ايديها !! تقطع ايديها
(تموت وسمَّها فيها ) قبل لاتاقف وتختال = ويِقطع نسل من يمشي معاها في مساعيها
عساها فدوة عيون تقاطــر !! والدمـوع رجال = تغص العبره بجمرة حيــا .. والدمع يطفيها
تقطَّـع حسرة ايامٍ تنهَّــد .. والشفق باغلال = نعاسٍ يرفس بعينٍ تلدد في بنيخيــها
تعزوى .. تنتخي .. تطلــب .. رجالٍ ترتكي لثقال = تفج المعضله .. تضحك !! وتِضحك عين باكيها
على الله كل ضيقه تفرج ويلقالها حلال = مُجيب لدعوة الداعي ليا اخلص نيته فيها
ألا يا الله / يامنزل براءه عقبها الانفال = إليك / ومنـك / نرجــوا رحمة ايدينك ونتليها
تفك رقبة عبدك وانت يالله عالمٍ بالحال = دخيلك يا رحيم انك تقديها وتهديها
قبل لاتوحش دروب الهقاوي والزمن يحتال = وتصير الحسره انفاسٍ تحشرج في ثوانيها
سقى الله طفلةٍ جادت بفسحتها ريال / ريال = وطفل ينتخي بعيال صفّــه مدَّة ايديها
ترى ( عبدالمجيــد ) اليوم هذا // كلكم له آل = ولــد لكبار // أخو لصغار // تحيابه ويحييها
هنا ياهل الحميَّــا !! بالحميَّــا / تضرب الامثـــال = وهنا للخير / ياهــل الخيـــر قاصيها ودانيها
ترى الميزان مايرفع عزيز ولايعز رجال =تحدَّر في ثقيلين الفعال // وشال هافيها
وبعيد الدرب / في خطوه / تصرَّم عقبها الاميال = الين آخر مسافاته // تسابق عين ماشيها
ومن يعمل من الخير ابتغاء الله !! لو مثقال = يبي يلقاه عن اللي عباده مايخليها
لذا تكفون !! خلوكم مثال لباقي الاجيال = مثل ما تفخر اجيال الزمن هذا // بماضيها[/POEM]