رسامة على حدود الشفق

[زينة الناصر]

منظر ليس ذا علاقة

آه يانفس السبيل
يا لمنغرس بأرضك نحول وضعف ..
وأشياء من هذا القبيل ..
كم لي وأنا أرضع جفاف ..
جفاف وحف ..
وأنادي الليل الطويل ..
وابلل أقلامي كحل
وقلبي حِمل أسرار
وأشعاري تسيل ..
وأنت تعال وشف يانفس السبيل ..
كيف المطر واقف ..
وع المرسى قتيل ..
وأرجوك .خف ..
آآآآآه أرجوك خف ..
لاتنهي القلب العليل ..
أرجوك يانفس السبيل ..

لا تمسحين الليل يالرسامه ..
لا تقتلين الليل يالمقروده ..
وأنتِ كبرتي بين أيدين أحلامه ..
طفلة ومن خيط الشفق ممهوده..
العذبة ألي بللت هندامه ..
والسمره ألي صدقت بوعوده ..
كم يشبهك صمته وصوت آلامه ..
همسه ولمعات السهر وركوده ..
يا ما نثرتي من لجيج أعوامه ..
شعرك ونفحات الألم بسهوده ..
ولما مزجتي حمرتك بإعتامه..
غنى على طرق القوافي موده ..
بنتي ولا بان القمر يا شامه ..
ودي أحطك في بياض خدوده ..
وأسألك عن دمعٍ طعمتي سامه ..
لين أرتويتي من فياض حدوده ...
كيف أمسحك ياليل هد أقلامه ..
لين انحنى لك كتف وانحت عود ه ..
بالمر كانت عبرتي منضامه ..
واليوم هذا عبرتي مهدوده ..

اعتذر وقعت في مأزق .. التنسيق لايعمل لدي ..