( يمكن .. كبرت ) !

[سلمى فاضل]

مساكم / أوقاتكم .. شهد

:

:

:


مو كثير اللي لأيامي .. جنيت
مو قليل اللي من اْوهامي خسرت

ياما قلت انّي من الدنيا قويت
والحقيقه: ما على القوّه قدرت !

قد خذيت أشياء لكن ما بغيت
لا رضيت ولا بعد حتى شكرت

فـ المقابل ما كسبت إلاّ لقيت
شيّ يخنق فرحة اللي به ظفرت

كلّ دربٍ تايهٍ به قد خطيت
لين مثله صرْت لكن ما شعرت

تايهه .. مدْري وش اللي له سريت
صامته .. ما لمْت حدّ ولا عذرت !

ياااه .. كم قلبٍ انا عنّه مشيت
مـ انجبرت أرحل! وربي مـ انجبرت

بس أحس إني إلى البُعد اهتديت
مو تكبّر! بس أنا: ( يمكن .. كبرت )

والدليل؟ أشيا كثير اللي نسيت
وان بغيت أذْكِر .. كرهت اللي ذكرت

إي كرهت أذْكِر بكائي لا بكيت
بسْ نسيت أنسى أنا كيف انغدرت

هذا كل اللي رفضته أو رضيت
هذا هو اللي أنا منْه انكسَرت

هذا حال العمْر .. يمضي لو أبيت
وآنا ما أرفض ولكن ما صبرت !

بس أببقى لا ذكرت الله وْدعيت
أرجو انّي أبتسم لو مـ انتصرت

يا عسى يزهى بياضي لا نويت
يا عساي اْفخر بـ طيبي لا افتخرت

 

[الموج]

للأمَانه ، اقتّحمتْ المُتصفَّح علَى أملْ أن أقرَأ " شَعر حرّ " . .
ولَكن سُعدت كثيراً لأنّه لم يفتنيِ هَذا النّص الرائِع !

بس أحس إني إلى البُعد اهتديت
مو تكبّر! بس أنا: ( يمكن .. كبرت )

بَس أنا يمَكن كَبرتْ . . !

جميلَة والله . .

 

[سلمى فاضل]

المشاركة الأصلية كتبت بواسطة الموج

للأمَانه ، اقتّحمتْ المُتصفَّح علَى أملْ أن أقرَأ " شَعر حرّ " . .
ولَكن سُعدت كثيراً لأنّه لم يفتنيِ هَذا النّص الرائِع !

بس أحس إني إلى البُعد اهتديت
مو تكبّر! بس أنا: ( يمكن .. كبرت )

بَس أنا يمَكن كَبرتْ . . !

جميلَة والله . .

أنا أكثر سعادة بأن النص أعجبك ..

أشكر لج رقة تواجدج

 

[ظافر الهرمسي الهاجري]

سلمى فاضل

صباحك نور

مررت هنا سريعا ً فـ أستوقفني النص ْ عنوة

لم يكن شعراً عاديا ً

بل كان شعورا ً وأكثر

لا فض ْ فوك

.

 

[سلمى فاضل]

المشاركة الأصلية كتبت بواسطة ظافر الهرمسي الهاجري

سلمى فاضل

صباحك نور

مررت هنا سريعا ً فـ أستوقفني النص ْ عنوة

لم يكن شعراً عاديا ً

بل كان شعورا ً وأكثر

لا فض ْ فوك

.

مساك خير يا ظافر

لك جزيل الشكر على تواجدك

 

[أنثى جموح]

[poem=font=",5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مـ انجبرت أرحل! وربي مـ انجبرت=بس أحس إني إلى البُعد اهتديت

مو تكبّر! بس أنا: ( يمكن .. كبرت )=والدليل؟ أشيا كثير اللي نسيت[/poem]

الله
الله الله يا سلمى
من أروع الأشطر اللي مرّت علي
قصيدتك قصيده , لا تحتاجني
وأستسمحك لدمج الأشطر التي تحلو لي على الطريقة التي تحلو لي


دوم كبيره يا سلمى

 

[سلمى فاضل]

المشاركة الأصلية كتبت بواسطة أنثى جموح

[poem=font=",5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مـ انجبرت أرحل! وربي مـ انجبرت=بس أحس إني إلى البُعد اهتديت

مو تكبّر! بس أنا: ( يمكن .. كبرت )=والدليل؟ أشيا كثير اللي نسيت[/poem]

الله
الله الله يا سلمى
من أروع الأشطر اللي مرّت علي
قصيدتك قصيده , لا تحتاجني
وأستسمحك لدمج الأشطر التي تحلو لي على الطريقة التي تحلو لي


دوم كبيره يا سلمى

أتمنى فعلاً أن تكون من أروع الأشطر

شكراً لرقتج

 

[فهد نهار]

سلمى فاضل ..
تتقزم الأحرف ولا يطول الذاكرة إلا إنكساري في هذا الحضور!
جميل جداً أن تكتبك الناس .. والله جميل ...

مو تكبر بس أنا يمكن كبرت !

لا زالت هناك قضايا في حضرة الشعر كـ هذا النبض
..جميل هذا الى أندثر .. في خفايا القلب وأصبح أحلام

كوني بخير