نـص....و.... نـص

[نواف التركي]

.


.



.

1

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يمّه .. وعدتك وأنا حر ووفـي ذمّـه=لو تمشي العيب رجلي لآكسر عظامي


متباعدٍ عن جميع النـاس .. يـا يمّـه=وعن منّة الخلق أقضّي هالعمر ضامي


طاحت وجيه أغلب الأصحاب للجمّه=وأنا أتصبّر .. عن المقفيـن متسامـي


يمّه.. ولدك الصغير يطـاول القمّـه=وأن ماوصلها عسى مجنـاه للرامـي


يمّه تضيق وتضيـق وجـات ملتمّـه=من كل صوبٍ عليّ الحزن مترامـي


واللي يهدّ الخفـوق ويحـرق بدمّـه=لاجاتني من قريبٍ بأسفـل حزامـي


لو هو طعني بوجهي كان مـا ذمّـه=لكن تغافل حياي وجرحي الدامـي


مشكلتي أني عزيـزٍ ماأقبـل النمّـه=لو طاحت وجيه كل الناس قدامـي


ومشكلتي أنّ الزمان يخالـف اليمّـه=أمشي عليه ويخون الدرب بأقدامـي


من قبل لا ألبس عقالي وأعرف العمّه=وأنا على الطيب بالثنتيـن متحامـي


لكن خساير زمانـي كانـت مطمّـه=كانت تحدّ القصيـد يعانـق ألهامـي


وأكبر خساير خفوقي (ميّ) يـا يمّـه= ماعقبها بنت تقدر تغري أحلامي

يمّه .. تحنّ .. الضلوع العوج للمّـه=وأحنّ لـ(محمد) و(عبدالله) وسامـي


لكن تهون وحياتـك كـل هالغمّـه=أليا ذكرتك تهون وتسكـن آلامـي


يمّه يروح الزمن ضحكـات للخمّـه=وأنا مع غربتي تلعـب بـي أوهامـي


لكن وربي .. فلا أرضى غير بالقمـه=وأن ما وصلته عسى مجناي للرامـي [/POEM]

2

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

تعال وأعتقني من الصمت مليـت=تعال وأطلق عقـدةٍ مـن لسانـي


تعال وأكتب فلسفة شاعر بـبيت=تعال وألحقني علـى أخـر زمانـي


تعال خذني من حريـق التناهيـت=تعبت من حـر الحنيـن وكوانـي


تعال قلّي بس أنا ويـش سوّيـت=يوم أكثـر العالـم تحـرّى جنانـي


تعال علّمني وأعلمـك لا جيـت=عن غربةٍ هـدّت زوايـا كيانـي


وأعلّمك وشلون فرق التواقيـت=يقدر ينسّي من ذكـرت ونسانـي


كن بعيونـي للحبايـب توابيـت=أستر بقايـا المبعديـن بـحنانـي


أعطي قلوب الناس ماكني أعطيت=وأمد كف الوصـل كـلٍ جفانـي


تدري أنا ..يمكن تساهلت وأخطيت=ويمكن بغيت أستسمح ومامدانـي


بس الأكيد أني من الحـزن مليّـت=وأكيد ملّ الحزن من هـو قرانـي


ومتأكد أكثر بأنك أن كان ماجيت=بأعذرك.. لأن.. المشكله في زمانـي [/POEM]

 

[أصيله المعمري]

تعرف نواف


كلمة يمه والقصيده طالعه من قلبك بالحيييييييييل.....


ما هي بقصيده هذي..إلاعالم قصايد...




،
،
،


هــــاجت الأحاســـــيس ؛؛؛

؛؛؛وتلاطـــمت أمـــــواج المـــــشاعر

توالت الأفكار ؛؛؛

؛؛؛ عصفت بالقلب العواطف

وترجمتها أنامل المبدعين

،
،
،
نواف التركي ،،،

حروف سطرتها بملئ الأحاسيس

وخططتها بملئ الروعه

إبداع ،،، ولا يخفى على الجميع

دمت كما أنت وأفضل ،،،،






أصيله المعمري

 

[نواف التركي]

المشاركة الأصلية كتبت بواسطة أصيله المعمري

تعرف نواف


كلمة يمه والقصيده طالعه من قلبك بالحيييييييييل.....


ما هي بقصيده هذي..إلاعالم قصايد...




،
،
،


هــــاجت الأحاســـــيس ؛؛؛

؛؛؛وتلاطـــمت أمـــــواج المـــــشاعر

توالت الأفكار ؛؛؛

؛؛؛ عصفت بالقلب العواطف

وترجمتها أنامل المبدعين

،
،
،
نواف التركي ،،،

حروف سطرتها بملئ الأحاسيس

وخططتها بملئ الروعه

إبداع ،،، ولا يخفى على الجميع

دمت كما أنت وأفضل ،،،،






أصيله المعمري

الكريمه

أصيله

كلماتك الراقيه

لها وقع في نفس أخيك

دمتي بخير

 

[عبدالله ثويني المانع]

..
1


قصيدتان أولاهما بنظري تعدل دواوين

 

[نواف التركي]

المشاركة الأصلية كتبت بواسطة عبدالله ثويني المانع

..
1


قصيدتان أولاهما بنظري تعدل دواوين

عبدالله

كلك ذوق


وشهاده أعتز بها

دمت بخير

 

[يوسف الرسلاني]

من قبل لا ألبس عقالي وأعرف العمّه
وأنا على الطيب بالثنتيـن متحامـي



كفوووو .. ونعم





جزل جزل جزل يا نواف ..




صح نبضك .. ولا هنت

 

[نواف التركي]

المشاركة الأصلية كتبت بواسطة يوسف الرسلاني

من قبل لا ألبس عقالي وأعرف العمّه
وأنا على الطيب بالثنتيـن متحامـي



كفوووو .. ونعم





جزل جزل جزل يا نواف ..




صح نبضك .. ولا هنت

ماعليك زود

يا يوسف

ولا هنت


صح قلبك

ياغالي


ودمت بخير

 

[مشعل ذباح]

كبيـــــــــر .. كبيــــــــــــر يا نـواف






أدهشتني والله ..





دمت مبدع كما أنت ,,