مجروح لكن حالتي مستقرة !!

[حسين البليهي]

[POEM="font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اللي ضرى قلبه على طعن الاحباب =ماظنتي طعنة عدوه تضره
واللي يخاف الحبْل لاعضه الداب=شوري عليه يْحطْ شيلة وغرة
هالحين عقب الداب والسم والناب= يخاف من حبلٍ خياله يجره
لالاتتطمن حيل ياعز الاصحاب = مجروح لكن حالتي مستقرة
وابشرك ماني مشكك ومرتاب =مداي ياصل ويتعدى المجرة
وابشرك ماني بفاحش وسبّاب=ولاني جبانٍ يطعن بحين غِرة
واللي يحب السْتر لاجناب الاجناب = ماظنتي فضح القريّب يسره
حتى لوانه هيسٍ اربد وشذّاب=يب الله يعينه وجرحه يصره
ولوالسحابة كل ماتنبح كلاب = تبرق وترعد كان صارت مْجِرة
وترى الرجولة ماهي بطول الاشناب= ترى الشنب ينبت على كل فرة
وانا ادري ان الوقت لو زان قلاّب = شفنا به انواع التعب والمعرة
صار الاسد يضرب تحيّة لسنجاب =ولياعصى تاطا علابيه هِرة
( صبرا وشاتيلا )الأسى ماسمها ارهاب = و(محمد) ارهابي ولله(دره)
تغيرت حتى الاسامي والالقاب =(ريماس) كانت قبل عقدين (قِرة)
ودنياك لهو ولعب ومفاخر انساب = متعة غرور وخاسر اللي تغره
يارب يامصبّر على الكيّ (خبّاب) =ياجاعلٍ جنة عدن مستقرة
تحسن عزا من طاب جرحه ولاطاب =ومن تجبره يبرا وينزاح شره
من تجبره لوهوكسيرٍ ,وم**** =يركض لوانه دربه بوسط حرة
عزي لمن هو يخذله رب الارباب =وياسعد من رب الخلايق يبره
والآدمي مطلوب ياخذ بالاسباب =لوكان مايملك ولوجزء ذرة
يارب تقبل عبدك لياذنب وتاب= وليانقطع زره بسترك تزره
و تكفيه شر اللي لها سبعة ابواب= وام الثمان تْصير هي مستقرة [/POEM]

 

[عبدالله ثويني المانع]

..

حسين البليهي ,, أسعد الله قلبك

نص رائع البناء

نطق بلغة الشاعر الحكيم

أرق التحايا لقلبك

..

 

[حسين البليهي]

المشاركة الأصلية كتبت بواسطة عبدالله ثويني المانع

..

حسين البليهي ,, أسعد الله قلبك

نص رائع البناء

نطق بلغة الشاعر الحكيم

أرق التحايا لقلبك

..

عبدالله المانع

أنت أروع

بارك الله فيك ياالحبيب

 

[أحـمـد الـصـقـري]

حسين البليهي




رااااااااااااااااااااااااائعه








والله بعيدا عن المجاملات....قصيده رائعه ومليئه بالحكم النقيّه





صح الله لسانك ...

واللي يحب السْتر لاجنـاب الاجنـاب
ماظنتـي فضـح القـريّـب يـسـره

ماشاء الله عليك....كلمات تسمى في قمة الابدااااااع



درر

...

 

[حسين البليهي]

أحمدالصقري

راعي البويضا

ألف شكر لك ياالغالي

 

[صالح العرجان]

وانا ادري ان الوقت لـو زان قـلاّب
شفنـا بـه انـواع التعـب والمعـرة
صار الاسد يضرب تحيّـة لسنجـاب
ولياعصـى تاطـا علابـيـه هِــرة
( صبرا وشاتيلا )الأسى ماسمها ارهاب
و(مـحـمـد) ارهـابــي ولله(دره)



البليهي والابداع وجهان لعمله واحده


صح لسانك يا ابو ريان على هالدرر

 

[حسين البليهي]

المشاركة الأصلية كتبت بواسطة صالح العرجان

وانا ادري ان الوقت لـو زان قـلاّب
شفنـا بـه انـواع التعـب والمعـرة
صار الاسد يضرب تحيّـة لسنجـاب
ولياعصـى تاطـا علابـيـه هِــرة
( صبرا وشاتيلا )الأسى ماسمها ارهاب
و(مـحـمـد) ارهـابــي ولله(دره)



البليهي والابداع وجهان لعمله واحده


صح لسانك يا ابو ريان على هالدرر

صالح يابعد خشمي أنت

ألف شكر لك

على إطرائك الكريم

ممنون تسلم

 

[مطلق النومسي]

الله الله
الله الله
الله الله


يا ســــــــــــــــــلام عليك


يارجل اقسم برب السموات والارض اني احبك فالله وأقسم برب السموات والأرض انك أبدعت في هذة القصيدة كعادتك


أتدري ما سر جمال قصيدك ؟ لأنه غير مستنسخ

وابشـرك مانـي بفاحـش وسـبّـاب
ولانـي جبـانٍ يطعـن بحيـن غِـرة
واللي يحب السْتر لاجنـاب الاجنـاب
ماظنتـي فضـح القـريّـب يـسـره

أحلف يمين على صدق هالبيتنين


ياسلام عليك يا بو ريان

مبدع دايم


تقبل تحياتي