ما اعذرك

[حسام المجلاد]

الجماهير استخّفت.. والشعر
زابنٍ عن جهلهم عوج المحاني

كاتبه في قلبك اللي .. ماشعر
فيني؛ ومن دفتر الفرحه محاني

قلت لك لأخطيت بي لاتعتذر
ياكبر ذنبك بروحي يا اناني

كلمتك من بعدها ضاع العذر
كيف اعذرك.. تذبح بكل المعاني

تحمل الفرحة ونشوة منتصر
ومن وراها مقصدك تقليل شاني

قدري ابشرك .. عمره ماصغر
يصغر.. إن ماشفتك بعيني تعاني

ما اعذرك دام باقي لي عمر
لو يداوي طعنتك هذي زماني

ولو تحطّ بكفي اليمنى القمر
والشمال الشمس؛ والله ماكفاني

ياحبيب الأمس .. لاذقت القهر
انصحك لايرتفع سقف الأماني

كنت اشوفك خِل ولعيني نظر
وصرت اشوفك ذنب فيه الله بلاني

والشفايف.. صار مافيهن خمر
ولونهن فسّرته.. بتفسير ثاني

من حرارة كلمتك صارن جمر
واحرقن بالقلب قدرك في ثواني

لاتهل الدمع.. دمعك مايضرّ
إيه عفت ومابقى لي قلب حاني

َوالعمر لو طال بي ولاقصر
ما اسامح من تذّكرت ونساني

خل .. قلبك بالحسايف يعتصر
لين ماتظمى مشاعرك لحناني

وإن شعرت إنّك ضحيّة .. لاتمرّ
لنّك بْعين الزعل لازلت جاني

 

[سليمان عباس]

الشاعر حسام المجلاد
صح لسانك وسلم النبض

كل التقدير

 

[حسام المجلاد]

المشاركة الأصلية كتبت بواسطة سليمان عباس

الشاعر حسام المجلاد
صح لسانك وسلم النبض

كل التقدير

صحت روحك وسلمك الله من كل شر

 

[رشا عرابي]

نكهة الأنفة مجبولة بماء القهر

سموّاً المفردة تشي عن كبرياء الكاتب
رغم مواجع السطر

الحسام حسام
ديدنك السموّ وكم ترهقنا بك لحاق

لك التّحايا وارفات

 

[حسام المجلاد]

المشاركة الأصلية كتبت بواسطة رشا عرابي

نكهة الأنفة مجبولة بماء القهر

سموّاً المفردة تشي عن كبرياء الكاتب
رغم مواجع السطر

الحسام حسام
ديدنك السموّ وكم ترهقنا بك لحاق

لك التّحايا وارفات

الأخت الفاضلة رشا عرابي؛ شاكر مرورك العاطر

 

[بلقيس الرشيدي]

...
...

نَغم تتراقصُ عَلى حسِّهِ أناقة الشعُور !
يِصح احسَاسك والبَنان .

.

 

[وليد الفالح]

الله الله ياحسام
رائع كعادتك لاتأتي الا بالجزيل
تقديري

 

[حسام المجلاد]

المشاركة الأصلية كتبت بواسطة وليد الفالح

الله الله ياحسام
رائع كعادتك لاتأتي الا بالجزيل
تقديري

وكعادتك ياغالي تكرمني بمرورك المبهج